Microsoft Excel proqramı üzrə dərslik
İşə başlamaq üçün Start menyusunun Programs hissəsindən Microsoft Excel sətrini
seçin. Excel proqramının pəncərəsinə nəzər yetirək.
Gördüyünüz kimi Excel’in bəzi düymələri başqa proqramlarının düymələrinə bənzəyir.
Yəni, bu o deməkdir ki, başqa proqramlar kimi öz sənədini Save düyməsi ilə yaddaşa
verməyə imkan verir və s. Bircə onu da qeyd etmək lazımdı ki, burada sənədə kitab
(Book) deyilir.
Excel’in kitabı bir neçə səhifədən ibarət ola bilər. Hər səhifədə isə 256 sütun və 65536
sətir var. Sətir və sutunun kəsişməsi bizə bir iş sahəsi verir ki, həmin iş sahəsində
rəqəm, mətn və ya tarix yazmaq mümkündü. Hər bir iş sahəsinin öz ünvanı var; iş
sahəsinin ünvanı onun yerləşdiyi sütun və sətr adlarından ibarətdi. Məs., f sütununda
yerləşən 1-ci sətrin ünvanı A1 olur.
Məlumatın daxil edilməsinin qaydaları.
1. Mətni və ya rəqəmi daxil etdikdən sonra Enter basılır və ya başqa bir ünvanda
düymə basılır.
2. Artıq məlumat olan ünvanda yeni məlumat yazmaq üçün sadəcə üzərində
mausun düyməsini bir dəfə basın və yeni məlumatı daxil edin.
3. Artıq məlumat olan ünvanda dəyişiklik etmək üçün üzərində mausun düyməsini
iki dəfə basın.
