Kriptovalyuta virtual (rəqəmsal) valyuta hesab edilir. Bu virtual valyuta, adından göründüyü kimi, yalnız internetdə istifadə edilir və maliyyə sistemlərində mövcud deyil

Kriptovalyuta - virtual (rəqəmsal) valyuta hesab edilir. Bu virtual valyuta, adından göründüyü kimi, yalnız internetdə istifadə edilir və maliyyə sistemlərində mövcud deyil. 

2008-ci ildə “Satoshi Nakamoto” adı altında bir şəxs blokçeyn texnoloiyasından istifadə edən bitkoin adlanan virtual valyutanı 9 səhifəlik pdf faylı (https://bitcoin.org/bitcoin.pdf ) vasitəsiylə tədavülə buraxdı. Sənədin başlığında yazılan “Peer-to-peer” ifadəsinə xüsusi diqqət çəkmək istərdim. Çünki bu ifadənin siraət etdiyi sahədə böyük devrim yaratdığı məlumdur. Günümüzün sosial mediyası buna nümunədir. P2P texnologiyası maliyyə sektorunda vasitəçiləri başqa sözlə bankları,digər maliyyə təşkilatları xüsusiylə də ölkələrin mərkəzi banklarını, aradan qaldırır və mərkələşdirilməmiş bir sistem yaradır. Bitcoin dünyasında isə bu sadalananlar kimi mərkəzi bir güc yoxdur.

Kriptovalyutanı, plastik kartlarda olan pullar ilə müqayisə etmək olar. İnternet üzərindən olan hər hansı alqı-satqı prosesi zamanı, rəqəmsal valyutanın istifadəsi mümkündür. Lakin, nəğd pul olaraq, bankomat və ya bank kassalarından onları çıxarmaq mümkün deyil.