О‘zbekiston respublikasi oliy va о‘rta maxsus ta’lim vazirligi



Yüklə 114 Kb.
səhifə1/6
tarix04.04.2022
ölçüsü114 Kb.
#54714
  1   2   3   4   5   6
Informatikani o`qitishda loyihalar metodi.


Informatikani o`qitishda loyihalar metodi.

  1. Informatika fani va uni o’qitishni tashkil etish

  2. O’qitishda interfaol metodlardan foydalanish

  3. Informatika faniga oid dars ishlanmasi



Informatika fani va uni o’qitishni tashkil etish

Axborot va uning turlari

Har bir inson hayoti davomida doimo tevarak atrofidan ma’lumotlar oladi va ularni o’z miyasida qayta ishlaydi. Masalan, o’quvchi yoki talaba ertalab turib yuvinish uchun suv yoki boshqa kerakli narsalarni borligi haqida ma’lumotni anglaydi va so’ngra kerakli ishni bajarishga kirishadi. Yoki darsga borishi uchun dars jadvali haqidagi ma’lumotni eslaydi. Shyunga ko’ra, zaruriy kitob yoki daftarlarni o’qish uchun tayyorlaydi. Darsga borib o’qituvchi tomonidan biror mavzuga ta’aluqli ma’lumotlarni oladi va uni qayta ishlaydi. Demak, inson ma’lumotlar bilan doimo ish ko’radi. Ma’lumotni zarur bilib, biror maqsadda ishlatish-bu axborot demakdir. Ma’lumot va axborot tushunchasi bir-biriga juda yaqin tushunchalar hisoblanadi. Ma’lumotsiz axborot bo’lmaydi, ya’ni ma’lumot axborot sifatida ishlatilmasa, bunday ma’lumot keraksiz bo’lib qoladi. Axborotni inson o’z qabul qilish a’zolari yordamida idrok etadi, tushunadi. Inson birov bilan suhbatlashadimi, darsda ma’ruza tinglaydimi, radio eshitadimi, kitob, jurnal, gazeta o’qiydimi barcha hollarda ham ma’lumotlar oladi, axborotga ega bo’ladi. O’z-o’zidan ko’rinib turubdiki, biz kitob yoki gazetalardan asosan matn korinishdagi (bunda rasmlar bo’lishi ham mumkin), ma’ruzani tinglaganimizda yoki radio eshitganimizda tovush yordamidagi, televizor yoki video ko’rganimizda esa harakatli tasvir ko’rinishidagi axborotni olamiz. Bu esa axborotning ma’lum bir turdagi ko’rinishlari hisoblanadi.

Axborotning amalda qo‘llanilishi zarur sharti uning o‘z vaqtidaligi va adekvatligidir. Adekvatlik bu olingan axborot asosida qurilgan obrazning haqiqiy ob`ektga qanchalik mosligini beradi va u uchta formada ifodalanadi:

Sintaktik adekvatlilik - bu axborotni uzatish tezligi, aniqligi, kodlashtirish tizimi, tashqi ta’sirlarning mavjudligi va shu kabi jarayonlardan iborat.

Semantik adekvatliligi - uzatiladigan axborotning ma’naviy tarkibi, ob`ekt obraziga va haqiqiy ko‘rinishiga mos kelishligi hisobga olinadi.

Pragmatik adekvatlilik - olingan axborotning asosiy boshqariladigan jarayon bilan mos kelishini belgilaydi.[13,21]

Bularni yanada yaxshiroq tasavvur etish uchun hayotiy bir misol olamiz. Faraz qilaylik, siz avtomobil bozorida ishlovchi firmada menedjer bo‘lib ishlaysiz va avtomobil texnikasini namoyish etuvchi ko‘rgazmaga taklifnoma oldingiz. Bu taklifnomada ko‘rgazma bo‘ladigan vaqt, joyi, ishtirokchilar tarkibi to‘g‘risidagi ma’lumotlar bo‘lishi mumkin. Agar ko‘rgazma yopilgandan so‘ng bu taklifnomani olganingizda, u sizga kerak bo‘lmay qolardi. O‘z vaqtida emasligi sababli foydalanib bo‘lmaydi.

Sintaktik adekvatlik talablarini bajarish uchun taklifnoma varaqasi butun bo‘lishi, qattiq qog‘ozdan tayyorlanganligi, shriftlarning oson o‘qiladiganligini ta’minlaydi. Ya’ni bu yerda biz faqat axborotni uzatish jarayoni to‘g‘risida bosh qotiramiz va unda nima yozilganligi bizni qiziqtirmaydi. Semantik adekvatlik bizdan taklifnomadagi xabarning haqiqatga mos kelishini talab qiladi. Bu ma’noda pavilyon tartib raqamlari, ishtirokchilar nomlari, tadbirning bo‘lish vaqti kabilar mos kelishi tekshiriladi.

Pragmatik adekvatlik taklifnomadagi ma’lumotlarning foydaliligi bilan aniqlanadi. Ya’ni, taklifnomadan foydalanib, kerakli ko‘rgazma zalini tez va vaqtida topa olsangiz - o‘z vaqtingizni tejagan va asablaringizni asragan bo‘lasiz.

Ma’lumot yoki axborot tarixan moddiy va ma’naviy boyliklar qatoridagi qadriyatlardan bo‘lib kelgan. Tinch hayot davrida xom-ashyoni qayta ishlash, inshootlarni puxta qilib yaratish, tabiat injiqliklariga bardosh bera olishga doir tajriba xulosalari yozma yoki og‘izdan-og‘izga ko‘chuvchi ma’lumot, oila, qabila va millat-elatlarni mavqeini belgilovchi manba va boylik sifatida qadrlangan. Urush yoki tahlikali kunlarda esa dushman qurolli kuchlari, rejalari, mudofaa imkoniyatlari haqidagi ma’lumot hayot-mamot masalasi bo‘lgan. Shu bois ma’lumotga nisbatan har doim uni saqlash, tezkorlikda uzatish va to‘g‘ri tahlil qilish kabi masalalar dolzarb bo‘lib kelgan. Masalan, ma’lumotni qulay va ishonchli saqlash maqsadida qog‘oz ixtiro qilingan, tezkorlikda va ta’sirchan uzatish uchun telegraf telefon, radio, televideniye ixtiro qilingan. To‘g‘ri va tezkor tarzda katta hajmdagi ma’lumotni qayta ishlash maqsadida esa komputer ixtiro qilingan deyish mumkin.

Ishlab chiqarish kuchlari imkoniyatlari hamda fan-texnika yuqori cho‘qqilarga ko‘tarilgan zamonida ham ma’lumot yoki axborot o‘ta muhim ahamiyatga ega tovar sifatida namoyon bo‘ladi. Endi yangi ma’lumot yoki bilimlarni yaratuvchi bir qator mutaxassisliklar mavjudki, muayyan shaxs, tashkilot, tarmoq hatto davlatlar taqdiri va salohiyati ulardan o‘z vaqtida olingan sifatli ma’lumotlarga bog‘liq desak mubolag‘a bo‘lmaydi. Bu mutaxassislarni kuch-qudrati bir tomondan o‘z sohalaridagi yuqori malakasi bilan belgilansa, ikkinchi tomondan hisoblash mashinalari (komputerlar) zamonaviy informatsion texnologiyalarni o‘zlashtirganliklarida namoyon bo‘ladi. Haqiqatan ham komputer, aniqrog‘i u va unga ulanadigan nihoyatda va uning imkoniyatlarini kengaytiradigan yordamchi qurilmalar majmuasi, quyidagi tizimga ko‘ra ma’lumotni qayta ishlaydi: axborot-komputer-axborot.

Ko‘p hollarda komputerga kiritiladigan axborot bilimlar yoki ma’lumotlar bazasi sifatida namoyon bo‘ladi, unda hosil qilingan axborot esa o‘z iste’molchisiga ega bo‘lgan yuqori baholarga ega tovar sifatida qadrlanadi.

Kompyuter texnikasining paydo bo’lishi informatikaning mustaqil fan sifatida ajralib chiqishiga olib keldi. 1960 yillarda Informatika axborotni kompyuter yordamida qayta ishlash bilan shug’ullanuvchi sohani ifodalaydigan atama sifatida Fransiyada yuzaga keldi. Kompyuterda axborotni “0” yoki “1” ko’rinishidagi raqamlar ketma-ketligi kodlar yordamida ifodalanadi. Kompyuter dastlab hisoblash ishini bajaruvchi vosita sifatida yaratilgan bo’lsada, hozirgi kunda axborot ustida bajariladigan amallarning barchasini sifatli uddalaydigan eng universal va zamonaviy takomillashgan texnik vositaga aylandi.

0 va 1 raqamlaridan tashkil topgan bir necha hadli ketma-ketliklar yordamida sonlarni, turli matnlarni va umuman ixtiyoriy axborotni ifodalash imkoniyatlari mavjud. Axborotlarni bunday ifodalash ikkilik sanoq sistemasida ifodalash deyiladi. Bu sanoq sistemadagi 0 va 1 raqamlari esa, bitlar (inglizcha binary digit so’zlarining qisqartma shakli bo’lib ikkili raqam degani) deb ataladi.

EHMda saqlanadigan eng kichik axborot o’lchov birligi bit deb qabul qilingan. 8 bitdan iborat ketma-ketlik bayt (inglizcha byte - belgi degani) deb ataladi. Har bitta belgi harf, son uchun kompyuter xotirasidan 1 bayt joy ajratiladi.

SHunday qilib, 8 ta 0 va 1 raqamlaridan tashkil topgan ketma-ketliklar jami 256 ta bo’lib, ular 256 xil turli belgilarni kodlash, masalan, kirill va lotin alifbosining katta va kichik harflarini, raqamlarni, tinish belgilarni va boshqalarni kodlash imkonini beradi.

Bit va baytlardan tashkari quyidagi kattaroq birliklardan ham ikkilik ma‘lumotlarda axborotning miqdorini o’lchash uchun foydalaniladi:

1 Kbayt=2 10 bayt=1024 bayt (taxminan 1 ming bayt)

1 Mbayt =2 20 bayt (taxminan 1 mln bayt)

1 Gbayt =2 30 bayt (taxminan 1 mlrd bayt) Agar bir odam kuniga to’xtovsiz 8 soat gapirsa, u holda 70 yil mobaynida u 10 Gbaytga yaqin axborotni gapirishi mumkin ekan.

EHM yoki kompyuter axborotlarni qayta ishlash printsipiga ega bo’lgan raqamli avtomatdir. Unda axborotni saqlash uchun kerak bo’ladigan maxsus xotira qurilmalari ham mavjud. Bu qurilmalarni xarakterlaydigan asosiy kattaliklardan biri bu uning hajmi hisoblanib, u axborot miqdoriga nisbatan baytlarda o’lchanadi. Bir bayt hajm birligida kompyuterning xotirasida birorta harfni, raqamni, maxsus belgini va boshqalarni saqlashi mumkin. Kompyuter xotirasida ma‘lumotlarni uzoq vaqt saqlash uchun vinchestr deb ataluvchi qattiq disk mavjud bo’lib, u turli hajmga ega bo’ladi.

Bundan tashqari dastur, hujjat, matn kabi axborotlarni bir kompyuterdan boshqasiga o’tkazish, saqlab qo’yish uchun disketalardan foydalaniladi

1.2 Informatika o‘qitishning tashkiliy shakllari.

Informatika − bu insoniyat faoliyatining bir sohasi bo’lib, u axborotni hosil qilish, saqlash va kompyuter yordamida ularni qayta ishlash, shu bilan bir qatorda tadbiq muhiti bilan o’zaro bog’liq bo’lgan jarayonlarning aloqadorliklarini o’z ichiga oladigan ko’nikma va vositalar tizimidir.

Informatikadan darslarni tashkil qilish uchun avvalo ushbu fan rivojining hozirgi bosqichida informatikani o‘qitish vazifalarini aniq belgilab olish lozim. Shuning bilan birga uzluksiz ta’lim tizimida informatikani o‘qitish konsepsiyasi va davlat ta’Iim standartlariga asosan bu vazifalarni informatikani o‘qitishdagi o‘ziga xos tomonlarini tahlil etish lozim.

Informatika o'qitish mazmunini aniqlashda informatikani fan va o‘quv predmeti ekanligi haqidagi tasavvurlardan kelib chiqish kerak. Informatika fani va informatika o‘quv predmeti bir-biridan avvalambor mazmunining hajmi va chuqurligi bilan farq qiladi. Informatika o‘quv predmeti informatika fanidan o‘quvchilarda informatika haqida bir butun, yaxlit bilimlar tizimini hosil qiladigan va kelajak amaliy faoliyatlarida zarur bo‘ladigan ma’lumotlarnigina oladi. Informatika o‘quv predmeti sifatida o‘quv dasturlari va darsliklarda o‘z aksini topadi.

Informatika o‘quv predmeti tarkibiga kiritilgan o‘quv materiaiining hajmi to‘g‘risidagi masala hal etilganidan so‘ng, ushbu o‘quv materialni o‘quvchilarga qanday ketma-ketlikda yetkazib berilishi maqsadga muvofiq ekanligini aniqlash lozim.

Informatika o‘qitish uslubiyotining xususiyatlaridan biri o‘quvchilarni informatikaning mazmunini va unga xos ilmiy izlanish usullarini egallash, amaliy bilimlar va ish ko‘nikmalarini egallashning usul va yo‘llarini belgilash masalasidir.

Bularga o‘quv materialini o‘rganish usullari hamda zamonaviy pedagogik va psixologik tadqiqotlar asosida o'quv mashg‘ulotlarini tashkil etish shakllari kiradi.

Informatikadan mashg‘ulotlarni samarali o‘tkazish uchun tegishli moddiy baza, ya’ni maxsus jihozlangan informatika xonasi bo‘lishi lozim. Undagi xavfsizlik texnikasi qoidalariga asosan, xonaning zamonaviy talablarni hisobga olgan holda tanlash va jihozlashni hal etish informatika o‘qitish uslibiyotining yana bir masalasini tashkil etadi.

Informatika o‘qitish metodikasining masalalari qatoriga, aniqrog‘i, uning maxsus qismiga informatika kursining barcha bo‘limlarini ularni bayon qilish mahoratini hisob­ga olgan holda qarab chiqish kiradi.

Informatika o‘qitish uslubiyotiga “Informatika” o'quv predmetini o‘qitish uchun o‘quv-metodik, dasturiy, tashkiliy va texnik ta’minotni tadqiq etish hamda ishlab chiqish bilan shug‘ullanadigan, pedagogika va informatika fanining bir shoxobchasi sifatida qarash mumkin.




Yüklə 114 Kb.

Dostları ilə paylaş:
  1   2   3   4   5   6




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin