MÖVZU 2. SERVİS FƏALİYYƏTİNİN TARİXİ
PLAN
Servis anlayışının tarixi
İlk servislərin yaranma tarixi
Orta əsrlər servisləri
Sənaye dövrü servisləri
Post-sənaye dövründə servislər
Servis anlayışının tarixi. “Post-sənaye cəmiyyəti servislərə əsaslanır...” bu sözlər post-sənaye cəmiyyəti banisi məşhur amerikalı alim Danel Bellə məxsusdur. Həqiqətən də, müasir iqtisadiyyat servis elementinə görə fərqlənir və sənaye cəmiyyətində daha yüksək inkişaf mərhələsinə uyğun gələn həm istehsal amili, həm də istehlak amili nəticəsi kimi servis sektorunun rolu post-sənaye cəmiyyətində xeyli artmışdır. Sənaye müəssisələri öz aparıcı mövqelərini servis istehsal edən müəssisələrə ötürür. Ölkələrin inkişafında milli məhsulunda servis sahələrinin payı artır və servis sektorunda çalışan işçilərin sayı da artır. Bütün bunlar XX əsrin ortalarında başlanmış bir prosesin nəticəsidir.
“Servis” anlayışı ilk dəfə 1803-cü ildə iqtisadçı J.B.Sey`in “Siyasi ekoloji traktat” əsərində qeyd olunmuşdur. O servis anlayışı sahibinə gəlir gətirən bir məhsul kimi xarakterizə etmişdir. K. Marks, İ.Fişer kimi mütəxəssislər servisə fəaliyyət növü kimi baxırlar. Q.Assel, P.Doyl, M.Porter kimi mütəxəssislər fəaliyyətin nəticəsi kimi diqqətlərini servisə yönəldərkən Daşkov və Hil kimi mütəxəssislər servisi təsərrüfat subyektləri arasında qarşılıqlı əlaqə prosesi hesab edirlər.
Dostları ilə paylaş: |
