Sistemli analiz və kompüter modelləşdirməsinin

MÜHAZİRƏ 1

Sistemli analiz və kompüter modelləşdirməsinin əsas prinsipləri

Sistemli analizin əsas anlayışları. Sistemli analizin əsas prinsipləri. Sistemli analizin strukturu. Sistemli analizin əsas məsələləri.Sistemli yanaşma.

Fənnin tədrisində məqsəd sistemli analizin və kompüter modelləşdirməsinin əsaslarını öyrətmək, sistemli analiz üsullarından istifadə etməyi və tətbiq perspektivlərini mənimsətmək, sistemli analizdə obyekt-yönümlü proqramlaşdırma dillərindən istifadə üçün bilik və bacarıqlar verməkdir.

Fənnin qarşısında duran əsas vəzifələr aşağıdakılardır:

• 
  sistemli analiz və kompüter modelləşdirməsi haqqında əsaslı biliklər vermək;
  
• 
  sistemli analizin strukturu və əsas prinsipləri ilə tanış etmək;
  
• 
  sistemlərin təsnifatı və modelləşdirilməsi haqqında biliklər vermək;
  

-idarəetmə obyektlərinin identifikasiyasını öyrətmək;
-qeyri-müəyyənlik şəraitində sistemli analiz aparmağı öyrətmək və kompüter modelləşdirməsini yerinə yetirməyi öyrətmək;

-İmitasiya modelləşdirməsi prosesini mənimsətmək;
-qərar qəbuletmə məsələlərinin həllində müasir üsullardan istifadə bacarığı aşılamaq;
-qeyri-strukturlaşdırılmış, zəif strukturlaşdırılmış və yaxşı strukturlaşan problemlərin həlli metodologiyaları ilə tanış etmək və kompüter modelləşdirməsini yerinə yetirmək;
-süni intellekt və imitasiya modelləşdirməsi dilləri haqqında biliklər vermək.
-sistemli analizin mahiyyətini müasir kompüterlərlə reallaşdırılmış məsələlər vasitəsilə tələbələrə çatdırılmaq və onlardan istifadənin zəruriliyini başa salmaqdır.
Sistemli analiz — mürəkkəb problem situasiyalarında qərar qəbul etmək üçün xüsusi metodikadır. Sistemli analiz mütləq analizin tamlığına, qərar qəbul etmə modelinin formalaşdırılmasına və öyrənilən obyektin və ya prosesin adekvat araşdırılmasına əsaslanmalıdır.