T Ə L i m a t I i. Ümumi müddəalar
Yüklə 137,16 Kb. Pdf görüntüsü
|
|
Azərbaycan Respublikası Səhiyyə Nazirinin 19 sentyabr 2012-ci il tarixli 70 nömrəli əmri ilə təsdiq edilmişdir.
Həkim-virusoloqun nümunəvi vəzifə T Ə L İ M A T I
1. Bu vəzifə təlimatı həkim-virusoloqun vəzifə öhdəliklərini, hüquq və məsuliyyətini müəyyən edir. 2.
Həkim-virusoloq vəzifəsinə baza ali tibb təhsili olan şəxs təyin edilir. Elmi-tədqiqat institutlarının klinikalarında, respublika mərkəzlərində (xəstəxanalarda), klinik xəstəxanalarda ali tibb təhsili olan və qanunvericiliklə müəyyən edilmiş qaydada “mikrobiologiya” ixtisası üzrə peşə hazırlığı keçmiş, ixtisası üzrə ən azı 2 il əmək stajına malik şəxs təyin edilir. 3. Həkim-virusoloq Azərbaycan Respublikasının qüvvədə olan qanunvericiliyinə uyğun olaraq tibb müəssisə rəhbərinin əmri ilə vəzifəyə təyin olunur və vəzifədən azad edilir. 4. Həkim-virusoloq bilavasitə şöbə müdirinin tabeliyində fəaliyyət göstərməklə tibb müəssisəsinin rəhbərinə və ya onun müavininə tabe olur. 5. Həkim-virusoloq aşağıdakıları bilməlidir: 5.1. Azərbaycan Respublikasının Konstitusiyasını; Əmək Məcəlləsinin, Azərbaycan Respublikasının səhiyyə haqqında qanunvericiliyinin əsaslarını, səhiyyə müəssisələrinin, o cümlədən dövlət sanitariya-epidemioloji xidmətinin fəaliyyətini tənzimləyən normativ hüquqi aktları; 5.2. sosial gigiyenanın əsaslarını, sanitariya-epidemioloji xidmətin təşkilini; 5.3. səhiyyə müəssisələrinin, o cümlədən dövlət sanitariya-epidemioloji xidmətin fəaliyyətini, tənzimləyən normativ hüquqi aktları; 5.4sanitariya-epidemioloji xidmətin işinin planlaşdırılması prinsiplərini, forma və metodlarını; 5.5.təşkilati-sərəncamçı sənədləri, kargüzarlıq qaydalarını; 5.6. virusoloji diaqnostikanın müasir üsullarını, laboratoriyanın təşkili, strukturu və ştatlarını, laboratoriyanın təchizatını, virusologiya üzrə normativ-hüquqi və təlimat- metodiki sənədləri; 5.7.virusoloji laboratoriyanın fəaliyyətinin planlaşdırılmasını və hesabatının tərtibatını, laboratoriyanın fəaliyyətinə nəzarət qaydalarını və üsullarını; 5.8; viruslarla işləmə zamanı təhlükəsizlik texnikası qaydalarını, virusların təhlükəlilik qrupları üzrə bölünməsini və həmin qrup viruslarla iş rejimini; 5.9. viruslarla iş zamanı baş verən qəza hallarının aradan qaldırılması qaydalarını; 5.10. standartlaşdırma və metrologiyanın əsaslarını 5.11. tibbi sənədlərin tərtibatını 2
5.12. virusların təbiətini və mənşəyini, onların strukturu və əsas xüsusiyyətlərini; 5.13. virus infeksiyalarının epidemiologiyasının və profilaktikasının əsaslarını, müalicə üsullarının, kliniki əlamətlərinin və immunoprofilaktikasının əsaslarını; 5.14.kompyuterlə və digər müasir informasiya texnologiyaları vasitələri ilə işləməyi; 5.16. dispanserləşdirmənin nəzəri əsaslarını, prinsip və metodlarını; 5.17. tibbi etika və deontologiyanın əsaslarını; 5.18. tibbi sığorta şəraitində səhiyyə müəssisəsinin və tibb işçilərinin fəaliyyətinin təşkilati-iqtisadi əsaslarını; 5.19. insan bədəninin üzv və sistemlərinin funksional vəziyyətinin klinik və laborator diaqnostikasının ümumi prinsip və əsas metodlarını; 5.20. əsas xəstəliklərin kompleks müalicəsinin gedişinin xüsusiyyətlərini, prinsiplərini; 5.21. təxirəsalınmaz tibbi yardım göstərilməsi qaydalarını; 5.22. əmək qabiliyyətinin müvəqqəti itirilməsinin ekspertizasının, tibbi-sosial ekspertizanın əsaslarını; 5.23. sanitariya-maarifləndirmənin əsaslarını; 5.24. daxili əmək intizamı qaydalarını, əməyin mühafizəsi, təhlükəsizlik texnikası, istehsalat sanitariyası və yanğına qarşı mühafizə qayda və normalarını bilməlidir. II. Vəzifə öhdəlikləri
6. Həkim- virusoloq ona həvalə edilmiş vəzifə öhdəliklərinə uyğun olaraq laborator virusoloji tədqiqatları aparır. 7. Analitik və diaqnostik cəhətdən etibarlı metodlardan istifadəni təmin edir. 8. Yeni tədqiqat metodları və avadanlıqların istifadə edilməsi və tətbiqində iştirak edir. 9. Başqa ixtisaslı həkimlərə virusologiya məsələləri üzrə məsləhətlər verir. 9. Bioloji materialların götürülməsi və virusoloji laboratoriyaya çatdırılması qaydaları üzrə tövsiyələr tərtib edir. 10. Laborator nəticələrin aydınlaşdırılmasında iştirak edir. 11. Tədqiqatların keyfiyyətinə laboratoriyadaxili və kənar nəzarət üzrə tədbirləri həyata keçirir. 12. Öz işinin və tabeliyində olan orta tibb təhsilli mütəxəssislərin işinin təhlilini aparır.
13. Öz işi barədə aylıq hesabatı hazırlayır, laboratoriyanın illik hesabatının tərtib edilməsində iştirak edir. 14. İxtisaslarının artırılması məqsədi ilə orta tibb təhsilli mütəxəssislər üçün öz ixtisası üzrə məşğələlər keçirir. 15. Orta və kiçik tibb heyəti tərəfindən təhlükəsizlik texnikası, əməyin mühafizəsi qaydalarına və sanitariya-epidemioloji rejimə riayət edilməsinə nəzarət edir.
3
16. Ona tabe orta və kiçik tibb heyətinin işinə rəhbərlik edir, öz vəzifə öhdəliklərinin yerinə yetirilməsində onlara kömək edir. 17. Diaqnostik prosedurlarının aparılmasının, cihaz və avadanlıqların istismarının, reaktiv və test-sistemlərinin səmərəli istifadəsinin düzgünlüyünə nəzarət edir.
18. Öz işini planlaşdırır və iş fəaliyyətinin göstəricilərini təhlil edir. 19. Tibbi və digər sənədlərin müəyyən edilmiş qaydalara uyğun olaraq vaxtında və keyfiyyətli rəsmiləşdirilməsini təmin edir. 20. Sanitariya-maarifləndirmə işi aparır. 20. Həkim etikasının qayda və prinsiplərinə riayət edir. 21. Müəssisə rəhbərliyinin əmr, sərəncam və tapşırıqlarını, eləcə də öz peşə fəaliyyəti üzrə normativ hüquqi aktları peşəkar səviyyədə və vaxtında icra edir. 22. Daxili intizam, yanğın təhlükəsizliyi və təhlükəsizlik texnikası qaydalarına, sanitariya-epidemioloji rejimə riayət edir. 23. Mütəmadi olaraq öz ixtisasını artırır.
24. Həkim-virusoloq aşağıdakı hüquqları vardır: 24.1.
24.2. müalicə-diaqnostika prosesinin təkmilləşdirilməsi, o cümlədən özünün əmək fəaliyyətinin təşkilinin və şəraitinin yaxşılaşdırılması üzrə rəhbərliyə təkliflər vermək; 24.3. öz səlahiyyətləri çərçivəsində orta və kiçik tibb heyətinin işinə nəzarət etmək, sərəncamlar vermək və onlardan dəqiq icra tələb etmək, onların həvəsləndirilməsi və tənbeh edilməsi üzrə rəhbərliyə təkliflər vermək; 24.4. öz vəzifə öhdəliklərinin icrası üçün zəruri olan informasiya materiallarını və normativ-hüquqi sənədləri tələb etmək, əldə etmək və istifadə etmək; 24.5. onun işi ilə bağlı məsələlərin müzakirə olunduğu elmi-praktik konfranslarda və müşavirələrdə iştirak etmək; 24.6. qanunvericiliklə müəyyən edilmiş müddətdə işlədiyi sahə üzrə təkmilləşdirmə kurslarında iştirak etmək; 24.7. müəyyən olunmuş qaydada sertifikasiyadan keçmək; 24.8. müəyyən olunmuş qaydada ixtisas kateqoriyası almaq məqsədilə attestasiyadan keçmək; 25. Həkim-virusoloq Azərbaycan Respublikasının Əmək Məcəlləsinə uyğun olaraq bütün əmək hüquqlarından istifadə edir.
Məsuliyyəti 26. Həkim-virusoloq aşağıdakılara görə məsuliyyət daşıyır: 26.1. həvalə olunmuş vəzifə öhdəliklərinin vaxtında və keyfiyyətli həyata keçirilməsinə; 26.2. öz fəaliyyəti üzrə rəhbərliyin əmr, sərəncam və tapşırıqlarının, normativ- hüquqi aktların vaxtında və peşəkar səviyyədə yerinə yetirilməsinə; 4
26.3. daxili intizam, yanğın təhlükəsizliyi və təhlükəsizlik texnikası qaydalarına riayət edilməsinə; 26.4. qüvvədə olan normativ hüquqi sənədlərdə nəzərdə tutulmuş tibbi və digər xidməti sənədlərin vaxtında və keyfiyyətli rəsmiləşdirilməsinə; 26.5. öz fəaliyyəti üzrə statistik və digər informasiyanın müəyyən olunmuş qaydada təqdim edilməsinə; 26.6. ona tabe işçilərin icra intizamına və vəzifə öhdəliklərinin yerinə yetirilməsinə; 26.7. tibb müəssisəsinin fəaliyyətinə, işçilərinə, pasiyentlərə təhlükə yaradan təhlükəsizlik texnikası, yanğına qarşı və sanitariya qaydalarının pozulmasının aradan qaldırılması üzrə, rəhbərliyin vaxtında məlumatlandırılması da daxil olmaqla, operativ tədbirlər həyata keçirilməsinə görə məsuliyyət daşıyır. 27. Həkim-virusoloq əmək intizamının, qanunvericilik və normativ-hüquqi aktların pozulmasına görə qüvvədə olan qanunvericiliyə əsasən, hərəkətin ağırlıq dərəcəsindən asılı olaraq, intizam, maddi, inzibati və ya cinayət məsuliyyətinə cəlb edilə bilər. Yüklə 137,16 Kb. Dostları ilə paylaş:
|