Vasolip beynəlxalq patentləşdirilməmiş adı



Yüklə 180,9 Kb.
Pdf görüntüsü
tarix07.01.2017
ölçüsü180,9 Kb.
#5004

Dərman vasitəsinin istifadəsi üzrə təlimat  

(xəstələr üçün) 



 

 

VASOLİP 

10 mq, 20 mq, 40 mq tabletlər 

VASOLIP 

 

 



Beynəlxalq patentləşdirilməmiş adı: Atorvastatin 

 

Tərkibi 

Vasolip 10mq 

Təsiredici maddələr: 1 tabletin tərkibində 11,2 mq kalsium-atorvastatin (10 mq Atorvastatinə ekvivalent) 

vardır. 


Köməkçi maddələr: kalsium-karbonat, maqnezium-stearat, təmizlənmiş talk, mikrokristallik sellüloza, laktoza, 

opadray YS-1-7040 şəffaf, natrium kroskarmelloza. 

 

Vasolip 20mq 

Təsiredici maddələr: 1 tabletin tərkibində 22,4 mq kalsium-atorvastatin (20 mq Atorvastatinə ekvivalent) 

vardır. 


Köməkçi maddələr: kalsium-karbonat, maqnezium-stearat, təmizlənmiş talk, mikrokristallik sellüloza, laktoza, 

opadray YS-1-7040 şəffaf, natrium kroskarmelloza. 

 

Vasolip 40mq 

Təsiredici maddələr: 1 tabletin tərkibində 44,8 mq kalsium-atorvastatin (40 mq Atorvastatinə ekvivalent) 

vardır. 


Köməkçi maddələr: kalsium-karbonat, maqnezium-stearat, təmizlənmiş talk, mikrokristallik sellüloza, laktoza, 

opadray 03-B5-2858 sarı, natrium kroskarmelloza, kolloidal susuz silisium 4-oksid. 



 

Farmakoterapevtik qrupu 

Hipolipidemik dərman vasitəsi. 



 

Farmakoloji xüsusiyyətləri 

Təsir mexanizmi 

Atorvastatin sintetik hipolipidemik maddədir. O, HMQ-KoA reduktazanın (3-hidroksi-3-metilqlutaril 

anhidrazanın kofermentinin) inhibitoru olub, xolesterin biosintezini məhdudlaşdırır. 

Farmakodinamikası 

Atorvastatin və onun törəmələri insan orqanizmində aktiv olub, onların  əsas təsir sahəsi qaraciyərdir. 

Atorvastatin ümumi xolesterinin səviyyəsini azaldır, homoziqot və heteroziqot irsi və qeyri-irsi formalı 

xolesterinemiyalı  və qarışıq dislipidemiyalı  xəstələrdə B apolipoproteidləri və  aşağı  sıxlıqlı lipoproteinlərin 

(ASLP) klirensini azaldır. 

Atorvastatinin ürək-qan damar xəstəliklərinə və ölümə təsiri müəyyən edilməyib. Doza terapevtik reaksiyadan 

asılı olaraq fərdi qaydada təyin edilir. 

Farmakokinetikası və metabolizmi 

Sorulması:

Daxilə qəbuldan sonra sürətlə sorularaq 1-2 saat ərzində plazmada maksimal konsentrasiyaya çatır.  

Paylanması: 

Atorvastatinin orta paylanma həcmi 381 litrdir. Atorvastatinin 98%-i  plazma zülalları ilə birləşir.  

Metabolizmi: 

Atorvastatin beta oksidləşmənin orto- və parahidrooksidləşmə törəmələrinə və digər məhsullarına parçalanır. 

Orqanizmdən xaric olması: 

Atorvastatin və onun metabolitləri əsas etibarı ilə ödlə xaric olur. 

Dozanın 2%-ə qədəri böyrəklərlə xaric olunur. 



Böyrək çatışmazlığı atorvastatinin plazmadakı konsentrasiyasına və ASLP-nin səviyyəsinin azalmasına 

təsir etmir. Ona görə də böyrək çatışmazlığı olan xəstələrdə dozanın korreksiyasına ehtiyac yoxdur.  



Qaraciyər çatışmazlığı: 

Qaraciyərin xroniki alkoqol zədələnməsi olan xəstələrdə atorvastatinin qan plazmasındakı  səviyyəsi 

normadan nəzərəçarpacaq dərəcədə çox olur. 

 

İstifadəsinə göstərişlər 

Atorvastatin dietaya əlavə kimi aşağıdakı xəstəliklərdə, ümumi xolesterinin, ASLP-nin, B-apolipoproteidlərinin 

və triqliseridlərin səviyyəsinin azaldılması üçün istifadə edilir: 

hbirincili hiperxolesterinemiya (irsi və qeyri-irsi heteroziqot) 



hqarışıq dislipidemiya (Fredrikson xəstəliyinin IIa və IIb tipləri) 

hhomoziqot irsi hiperxolesterinemiya xəstəliyində hipolipidemik müalicəyə  əlavə kimi (məs. ASLP-nin 

aferezi) və ya bu müalicəni aparmaq mümkün olmadıqda. 

 

Əks göstərişlər 

Qaraciyərin kəskin xəstəlikləri və ya qan zərdabında transaminazanın izah olunmayan artımı, preparatın hər 

hansı komponentinə qarşı həssaslığın olması. 

 

Hamiləlik və laktasiya dövründə istifadəsi 

HMQ-KoA reduktaza preparatları hamiləlik və laktasiya dövründə  əks göstəriş olduğundan, müalicə 

dövründə hamilə qalmış qadınları preparatın döl üçün potensial ziyanı barədə  xəbərdar etmək lazımdır. 

Laktasiya dövründə potensial arzuolunmaz reaksiyaların qarşısını almaq üçün müalicə vaxtı ana südü ilə 

qidalandırma dayandırılmalıdır. 

Pediatrik təcrübədə istifadəsi çox məhduddur. 



 

Digər dərman vasitələri ilə qarşılıqlı təsiri 

Siklosporinlərfibroy turşusu törəmələri, niasin (nikotin turşusu) törəmələri, eritromisinlə birgə təyin 

olunduqda miopatiya təhlükəsi artır. 



Antasidlər - antasidlərlə birlikdə qəbul edildikdə atorvastatinin plazmadakı konsentrasiyası normadan 35% 

az olur. 



Kolestipol  - eyni vaxtda qəbul edildikdə atorvastatinin plazmadakı konsentrasiyası 25% azalır. Lakin bu 

zaman ASLP-X-nin səviyyəsi bu preparatların ayrı-ayrı qəbulu zamanı olduğundan daha çox azalır.  



Diqoksin - birlikdə qəbul edildikdə diqoksinin plazmadakı sabit miqdarı 20% artır. Bu səbəbdən də diqoksin 

qəbul edən xəstələr ciddi nəzarətdə saxlanılmalıdır. 



Eritromisin  - sağlam insanlarda bu preparatların birgə  qəbulu zamanı atorvastatinin plazmadakı miqdarı 

40% artır. 



Hamiləlik əleyhinə preparatlar - birlikdə qəbul noretindron və etinilestradiol üçün AUC göstəricisi 20-30% 

artır. Müalicə zamanı bunu nəzərə almaq lazımdır. 



Varfarin ilə müalicə vaxtı atorvastatin arzuolunan effekti vermir. 

 

İstifadə qaydası və dozası 

Atorvastatinin qəbulundan əvvəl xəstəni ciddi xolesterinazaldıcı dietaya oturtmaq lazımdır və bu dieta bütün 

müalicə kursu boyu davam etdirilməlidir. 



Hiperxolesterinemiya və qarışıq dislipidemiya (irsi və qeyri-irsi heteroziqot) 

Başlanğıc doza kimi 10mq-dan gündə 1 dəfə məsləhət görülür. 

Dozalanma diapazonu sutkada 10-80mq təşkil edir. Atorvastatini birdəfəlik doza şəklində günün istənilən 

vaxtı, yeməklə birgə və ya yeməkdən sonra qəbul etmək olar. 

Müalicə qarşıya qoyulan məqsəddən asılı olaraq fərdi aparılır.  

Heteroziqot irsi hiperxolesterinemiya 

Doza sutkada 10-80mq olmaqla təyin edilir. 



 

Əlavə təsirləri 

Ümumilikdə atorvastatin orqanizm tərəfindən yaxşı qəbul edilir. Ən çox rast gəlinən əlavə təsirləri qəbizlik, 

meteorizm, dispepsiya və qarın nahiyəsində ağrılardır. 

Bundan başqa bədənin döş nahiyəsində ağrılar, üzdə şişkinlik, işığa qarşı həssaslıq və s. ola bilər. 



Tənəffüs sisteminə: bronxit, rinit, pnevmoniya, təngnəfəslik, astma, burundan qanaxmalar. 

Sinir sisteminə: yuxusuzluq, başgicəllənmə, paresteziya, yuxululuq, amneziya, emosional sabitsizlik, 

koordinasiya pozğunluqları, periferik nevropatiya, üz sinirinin iflici, hiperkineziya, depressiya, hiperesteziya. 



Sümük-əzələ sisteminə: artrit, bursit, tenosinovit, miasteniya, miozit. 

Dəri-zöhrəvi: qaşınma, dermatit, dəridə quruluq, ekzema, məxmərək, seboreya, dəri xoraları. 

Sidik-cinsiyyət sisteminə: sidik yollarının infeksiyaları, sistit, hematuriya, impotensiya, dizuriya, nefrit, qeyri-

iradi sidiyəgetmə, anormal eyakulyasia, uşaqlıq qanaxmaları. 



Hissiyyatın xüsusi növləri: qulaqlarda küy, gözlərdə quruluq, refraksiya pozğunluqları, karlıq, gözlərdə 

qanaxma, qlaukoma, parosmiya, dad hissiyyatının itməsi, qeyri-adi dad hissiyyatı. 



Ürək-qan damar sisteminə: taxikardiya, vazodilatasiya, sinkope, miqren, flebit, aritmiya, stenokardiya

hipertenziya. 



Qidalanma və metabolizm pozğunluqları: ətraflarda şişkinlik, hiperqlikemiya, kreatin-fosfokinazanın artması, 

podaqra, bədən kütləsinin artması, hipoqlikemiya. 



Qan və limfa sisteminə: ekximoz, anemiya, limfadenopatiya, trombositopeniya, petexiya. 

 

Doza həddinin aşılması 

Normadan artıq dərman qəbul edildikdə ilk yardım göstərmək və simptomatik müalicə aparmaq lazımdır. 



 

Buraxılış forması 

Al/Al blisterdə 10 tablet olmaqla, 2 blister içlik vərəqə ilə birgə karton qutuya qablaşdırılır. 

 

Yararlılıq müddəti

2 il. 


Yararlılıq müddəti bitdikdən sonra istifadə etmək olmaz. 

 

Saxlanma şəraiti: 

25ºC-dən aşağı temreraturda, qaranlıq, quru və uşaqların əli çatmayan yerdə saxlamaq lazımdır. 

 

Aptekdən buraxılma şərti 

Resept əsasında buraxılır. 



 

 

 

 

İstehsalçı 

 

Yunik Farmasyutikal Laboratoriz  

(«C.B.Xemikals & Farmasyutikals MMC» - nin bölməsi) 

– firması tərəfindən istehsal olunmuşdur. 

Hindistan, Mumbay 400 030, Vorli, Hind Sikl Rod, Nilam Sentr. 

® - ticarət nişanı 

 

                             Azərbaycanda rəsmi distribyutor 



                             «TETRADA» MMC - dir. 

AZ1102, 20Yanvar küçəsi,14; Bakı, Azərbaycan 

Теl.: (+994 12) 431-59-24, 431-05-41 

Faks: (+994 12) 430-80-51 

Е-mail: info@tetrada-az.com 

                             www.tetrada-az.com 



 

Document Outline

  • Farmakoloji xüsusiyyətləri 
  • Farmakodinamikası 
  • Farmakokinetikası və metabolizmi 
  • Paylanması: 
  •  
    • Atorvastatinin qəbulundan əvvəl xəstəni ciddi xolesterinazaldıcı dietaya oturtmaq lazımdır və bu dieta bütün müalicə kursu boyu davam etdirilməlidir. 
    • Hiperxolesterinemiya və qarışıq dislipidemiya (irsi və qeyri-irsi heteroziqot) 
    •  
    • Əlavə təsirləri 
      • Saxlanma şəraiti: 

Yüklə 180,9 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin