Xalaqitbardoshlikni yuqori darajada ta’minlash

6.2. DVB - T yer usti raqamli teleeshittirish tizimi

Er usti raqamli teleeshittirishtizimini yaratish anchagina muammoli vazifadir, chunki shaharning murrakab, har xil ko‘rinishdagi qurilishlari, binolari radioto‘lqinlarni qayta-qayta qaytadigan to‘lqinlar hosil bo‘lishiga, ya’ni interferensiyaga olib keladi. Shunday qilib, qabul qilish xududida elektromagnit kuchlanishi doimo o‘zgarishi mumkin, xatto qabul qilish nuqtasi to‘g‘ridan- to‘g‘ri ko‘rinib turganda ham, ya’ni “o‘lik” xududlar paydo bo‘lishi, natijada signal qabul qilinmasligi mumkin. Bundan tashqari shaharlarda sanoat xalaqitlari, boshqa shu chastotalarda ishlayotgan qo'shni xududdagi radiouzatgichlardan chiqayotgan xalaqit ham yetarlidir hamda ular bilan albatta kurashish kerak. Yana qo'shimcha yer usti raqamli televideniyesi mavjud bo‘lgan analog teleeshittrish tizimlari bilan moslashishi darkor. Shu sababli yer usti raqamli televideniyesi quyidagi talablarni qoniqtirishi kerak:

• 
  xalaqitbardoshlikni yuqori darajada ta’minlash;
  
• 
  televizion signalni aniq standartlarda, xizmat axborotlarini, teletekstlarni sifatli uzatish va ma’lumotlarni ruxsat etilmagan kirishlardan himoyalash;
  
• 
  televizion qabul qilish qurilmalarini iloji boricha arzonlashtirish maqsadida raqamli sun’iy yo‘ldosh, kabel televideniyesi qurilmalari bilan mos keluvchi universal standartni yaratish;
  
• 
  ko‘tarib yuriluvchi qabul qilgich qurilmalar va xona antennalari yordamida signalni qabul qilishni ta’minlash;
  
• 
  bitta chastotali tarmoqning ishlashini ta’minlash va boshqalar.
  

Shu sabab, DVB - T ni yaratishdagi muhim xususiyatlardan biri bitta chastotali yoki ko‘p chastotali modulyatsiyani tanlashdan iborat bo‘ldi. Tekshirishlar shuni ko‘rsatdiki, faqat OFDM analog PAL va SECAM tizimlaridagi uzatgichlarga nisbatan xalaqitlarga bardoshi katta, ayniqsa bir chastotali sharoitda bu afzallik yuqori.
DVB - T standartini yaratishida tizimning quyidagi asosiy parametrlarini tanlash kerakligi belgilandi:

• 
  simvolga to‘g‘ri keluvchi individual tashuvchilar soni;
  
• 
  himoya intervalining kengligi;
  
• 
  tashuvchilarning modulyatsiyalash turlari;
  
• 
  sinxronizatsiyalash usuli.
  

Tekshirish va taxlillar shuni ko‘rsatdiki, bir chastotali tarmoqdagi, xududlarda joylashgan uzatgich qurilmalari orasidagi masofalar 60 km dan kam bo‘lmagan holatda,, teleeshittirishni tarqatishda 6000 dan ortiq tashuvchi signallar kerak. Bunda COFDMni ta’minlovchi mikrosxemalar tashuvchilar soni 2ⁿ darajadasiga teng bo‘lganda ishlaydilar, shu sabab unga yaqin bo‘lgan son 8192 yoki (2¹³) tanlanadi. Bu rejim shartli ravishda “8k” deb ataladi.
1995 yilda elektron texnikalari imkoniyati bunday katta sonli tashuvchilarni ta’minlay olmagan, shu sabab DVB - T standartni o‘zlashtirish maqsadida 2048 yoki (2¹¹) sonli tashuvchilarni beruvchi rejim qo‘llanilgan va bu rejim “2k” deyiladi. Shunday qilib, standart yagona maxsus rejim “2k/8k” deb belgilangan. Hozir davrda qiymati arzon yuqori chastotali protsessorlarning yaratilishi bilan “8k” rejimi ham qo‘llanilmoqda.
DVB - T standartida simvollarning aktiv qismi uchun ikkita vaqt davomiyligi ishlatiladi, ya’ni “2k” rejim uchun T₁ = 224 mks va “8k” uchun T₂ = 896 mks. Shularga yarasha tashuvchilar orasidagi farq (qadamlar) “2k” rejimida ∆f₁ = 1/T₁ = 1116 Gs va“8k” rejimida ∆f₂ = 1/T₂ = 446,4 Gs. Bunda tashuvchilar soni N₁ = 1705 va N₂ = 6817 va umumiy spektr kengligi ikki holatda ham 7,61 MGs, demak ularni 8 MGs polosada yetarlicha chastota intervallarida joylashtirish mumkin.
Bundan tashqari DVB - T standartida har bir modulyatsiya rejimi uchun to‘rtta nisbiy himoyalash intervallari qiymati ko‘zda tutilgan va ular aktiv simvollarning davomiylik vaqti T ning 1/4, 1/8, 1/16, 1/32 qismini tashkil etadilar. 6.2 jadvalda ba’zi asosiy parametrlarining absolyut qiymatlari keltirilgan.
Keltirilgan malumotlardan ko‘rinadiki, COFDM yordamida raqamli televizion signal uzatilganda standart analog teleeshittirish radiokanalining 8MGs chastota polosasidan foydalanish mumkin va bu holda o‘zaro ikki yaqin radiokanallarning xalaqit bermasliklari uchun ular orasidagi himoya farqi 0,39 MGs tashkil etishi mumkin.
6.3-jadvalda COFDM tashuvchilarining radiokanaldagi, xilma xil usullarda modulyatsiyalangandagi holatda, ruxsat etilgan signal/shovqin nisbatinig minimal qiymati va foydali axborotlarni uzatuvchi ikkilik simvollari tezligi keltirilgan.
6.2-jadval
DVB - T standartidagi COFDM modulyatsiyaning asosiy parametrlari

Modulyatsiya rejimi	8k					2k
Ishchi interval davomiyligi Tr, mks	896					224
Tashuvchi chastotalar oralig‘i ∆/Gs	1116					4464
Tashuvchilar soni	6817					1705
Chastota polosasi kengligi, MGs	7,61					7,61
Himoya intervalining nisbiy davomiyligi	1/4	1/8	1/16	1/32	1/4		1/8	1/16	1/32
Himoya intervalining davomiyligi ∆,mks	224	112	56	28	56		28	14	7
∆+Tr simvolning davomiyligi, mks	1120	1008	952	924	280		252	238	231
Uzatgichlarning bir chastotali tarmoqdagi maksimal oralig‘i (km) d=c∆, c - yorug‘lik tezligi	67,2	33,6	16,8	8,4	16,8		8,4	4,2	2,1

6.3-jadvalda keltirilgan qiymatlarni solishtirib, ikkilik simvollarini uzatish tezligiga asosan tashuvchilarni modulyatsiya usullari va himoya intervallarini tanlab, televizion dasturlarnining soni hamda talab qilingan sifatini ta’minlash mumkin.
Signal/shovqin nisbatining qiymatlari statsionar va mobil antennalar qo‘llanilganda olingan,ya’ni mobil holatda avtomobil anntennasidan foydalanilgan.
6.3- jadvalda keltirilgan sonlarni solishtirib, tiklangan tasvir sifatini turli qiymatlarini ta’minlovchi, MPEG-2 siqish standartini qo‘llab, ikkilik simvollarni uzatish tezligini hisobga olib, himoya intervallarini va tashuvchilarni modulyatsiyalash usullarini tanlash mumkin. Bu tanlashda talab etilgan tasvir sifatini va uzatilayotgan televizion programmalar sonini ta’minlashni ham hisobga olmoq kerak.

6.3- jadval

Xilma xil modulyatsiya holatlarida ma’lumotlar uzatish tezligi

Modulatsiya turi	Kodning nisbat tezligi	Signal/shovqin,dB			Foydali tezlik, Mbit/s
		Statsionar antenna	Mobil antenna	1/4		1/8	1/16		1/32
4-FMn	1/2	3,6	5,4	4,98		5,53		5,85	6,03
4-FMn	2/3	5,7	8,4	6,64		7,37		7,81	8,04
4-FMn	3/4	6,8	10,7	7,46		8,29		8,78	9,05
4-FMn	5/6	8,0	13,1	8,29		9,22		9,76	10,05
4-FMn	7/8	8,7	16,3	8,71		9,68		10,25	10,56
16 KAMn	1/2	9,6	11,2	9,95		11,06		11,71	12,06
16 KAMn	2/3	11,6	14,2	13,27		14,75		15,61	16,09
16 KAMn	3/4	13,0	16,7	14,93		16,59		17,56	18,10
16 KAMn	5/6	14,4	19,3	16,59		18,43		19,52	20,11
16 KAMn	7/8	15,0	22,8	17,42		19,35		20,49	21,11
64 KAMn	1/2	14,7	16,0	14,93		16,59		17,56	18,10
64 KAMn	2/3	17,1	19,3	19,91		22,12		23,42	24,13
64 KAMn	3/4	18,6	21,7	22,39		24,88		26,35	27,14
64 KAMn	5/6	20,0	25,3	24,8		27,65		29,27	30,16
64 KAMn	7/8	21,0	27,9	26,13		29,03		30,74	31,67

Jadvaldan ko‘rinib turibdiki, raqamli televideniyeni qabul qilishda signal/shovqin nisbati yetarlicha past bo‘lishi mumkin, ammo analog televideniyeda sifatli tasvirni olish uchun signal /shovqin nisbati 50 dB dan kam bo‘lmasligi kerak.

Bitta chastotali katta tarmoq talab etilmaydigan va ko‘p nurli to‘lqin tarqalishining ta’siri bo‘lmagan holatlarda, yuqori tezlikda ma’lumotlarni uzatishni ta’minlaydigan qator mumkin bo‘lgan himoya intervallari ko‘zda tutilgan(foydali intervalning davomiyligini 1/4, 1/8, 1/16 va 1/32 qismidan olinadi).
Xatoni aniqlovchi va tuzatuvchi ichki kodning tezligi quyida keltirilgan kattaliklarning biri bo‘lishi mumkin: 1/2, 2/3, 3/4, 5/6, 7/8. DVB-T tizimida modulyatsiyalovchi signalni pozitsiyalarini 4 dan 64 gacha o‘zgarish mumkinli ham ko‘zda tutilgan.
Turli mamlakatlarda televideniyega kanal chastotalarining taqsimlanishi xilma xil va misol uchun ular 8,7 yoki 6 MGs bo‘lib, bir chastota kengligidan ikkinchisiga o‘tishi oson amalga oshirilishi kerak.
Bu shart DVB-T tizimida, signallarga ishlov berishni ta’minlovchi jarayonlarni saqlagan holda faqat takt chastotalarini o‘zgartirish hisobiga amalga oshiriladi.
Yana shuni qayta ta’kidlash lozimki, DVB tizimida ma’lum vaqtda, barcha tashuvchi chastotalarda uzatilayotgan axborot simvollari yig‘indisi COFDM simvoli deyiladi va ular kadrlarga birlashtiriladilar.
Har bir kadr 68 COFDM simvolidan iborat va 4 ta kadr superkadrni tashkil etadi hamda bu MPEG-2 ning transport paketiga teng butun sondan.
Har bir COFDM simvolida 8k va 2k modulyatsiyasi uchun mos ravishda 769 va 193 tayanch tashuvchilari ajratiladi, ular qolgan boshqa tashuvchilardan farqi o‘laroq 2,5dB quvvati kattaroq holda uzatiladi.
Tayanch tashuvchilarning ma’lum qismi chastota o‘qida doimiy joylashadilar, boshqa tayanch tashuvchilarining holati COFDM bog‘liq holda, bir simvolidan boshqasiga o‘zgarib turadilar. Tayanch signallari modulyator va demodulyatorlarning takt chastotalarini sinxronizatsizatsiyasi, kadrlar sinxronizatsiyasi, kanal holati nazorati va boshqa maqsadlar uchun ishlatiladilar. Bunda kadr demodulyator sinxronizatsiyasini ta’minlovchi barcha signallarni o‘z ichiga oladi. Shu sabab qabul qilishning ushlanib qolish vaqt davomiyligi, misol uchun bir kanaldan boshqa kanalga o‘tkazilganda, bitta kadr davom etish vaqtidan oshmaydi.