Xidmət müqaviləsi N

Xidmət müqaviləsi N-___
(Maye qaz balonlarının təmiri və diaqnostikası)



Bakı şəhəri “___” ________ 2023-cü il
Bundan sonra “Sifarişçi” adlandırılacaq “RN İSOSERVİCE” MMC Nizamnamə əsasında fəaliyyət göstərən direktor Nicat Cəlilzadə Rövşən oğlu şəxsində bir tərəfdən, bundan sonra “İcraçı” adlanacaq “Məişət Maye Qaz” Qapalı Səhmdar Cəmiyyəti Nizamnamə əsasında fəaliyyət göstərən baş direktor Salmanov Rasim Ramiq oğlunun şəxsində digər tərəfdən aşağıdakılar barədə razılaşaraq bu müqaviləni (sonradan “Müqavilə” adlandırılacaq) bağladılar.

1. Müqavilənin predmeti

1.1. Müqavilənin şərtlərinə uyğun olaraq “İcraçı” “Sifarişçi”yə məxsus maye qaz balonlarının istismara yararlığını təmin etmək məqsədi ilə təmir edilməsi və diaqnostika xidmətlərinin göstərilməsini, “Sifarişçi” isə göstərilmiş xidmətləri qəbul edib, müqaviləyə əlavə olunmuş və onun ayrılmaz hissəsi hesab edilən “Yerinə yetirilmiş xidmətlər üzrə qiymətlərin razılaşma protokolu”na uyğun ödənilməsinin həyata keçirməsini öhdələrinə götürürlər.

2. Tərəflərin öhdəlikləri

“Sifarişçi”nin öhdəlikləri:

2.1. Müqavilə öhdəliklərinin vaxtında və keyfiyyətlə yerinə yetirilməsini.
2.2. Müqavilə imzalandıqdan sonra xidmətlərin göstərilməsindən ötrü daşınmaya yararlı vəziyyətdə olan balonlar “İçraçı” tərəfindən müəyyən olunmuş sənədlərlə birlikdə 5 (beş) təqvim günü ərzində “İcraçı”nın təyin etdiyi yerdə təqdim etməsini.
2.3. Balonların “İcraçı”ya təmirə və diaqnostikaya təqdim edilməsi və xidmətlər göstərildikdən sonra təmir və diaqnostika olunmuş balonların sonuncudan təhvil alınması tərəflər arasında qarşılıqlı surətdə tərtib edilmiş təhvil-qəbul aktları əsasında həyata keçirilir.
2.4. Xidmətlərin göstərilməsinə dair rəsmilləşdirilmiş təhvil-qəbul aktı əsasında “İcraçı”nın təqdim etdiyi hesab-faktura əsasında ödəməni vaxtında və tam məbləğdə həyata keçirməsini.