§ gen injeneriyasì izertlew obektleri

74-súwret. Qoy klonınıń jaratılıwı.
1975-jılı ingliz ilimpazları Keler hám Milshteyn jasalma shárayatta antidene sintezlewshi limfocit kletkası menen sheksiz hám tez bóliniwshi rak kletkasın bir–birine qosıw nátiyjesinde tábiyatta ushıramaytuǵın gibrid kletka jarattı. Bunday gibrid kletka gibridoma dep ataladı. Nátiyjede jasalma shárayatta antidene sintez qılıwshı kletkanıń sheksiz kóbeyiwine erisildi. Gibridoma kletkasın maqsetke muwapıq hár qanday kletkanı rak kletkası menen biriktiriw jolı menen payda etiw múmkin. Bul texnologiyanı házirgi kúnde qımbat

bahalı belok regulyatorlar, antidene hám gormonlar sintezinde gen injenerligi menen birge qollanıw múmkin. Sonıń ushın kletka injenerligine tiykarlanǵan biotexnologiyanıń imkaniyatı sheksiz esaplanadı.

1	Bakteriofaglar	A	Genom quramında aktiv emes profag saqlaǵan bakteriya
2	Genetikalıq injeneriya	B	Kesellik qozǵatıwshı bakteriya
3	Elektroforez	D	Quramalı biologiyalıq qubılıs izbe-izligin basqarıwda qatnasatuǵın
4	Biotexnologiya	E	Gen yaki genler jıyındısınıń maqsetke muwapıq ózgert- tiriliwi
5	Lizogen bakteri- ya	F	Indukciya dáwirinde profagdıń bakteriya genomınan qandayda bir gendi alıp shıǵıp ketiwi
6	Shtamm	H	Biologiyalıq makromolekulalar hám organizmlerden paydalanıp ónimler islep shıǵarıw texnologiyası
7	Transdukciya	G	Molekulalardıń elektr maydanına jaylastırılǵan gel ishin- de úlkenligine qarap bir-birinen ajıratıw usılı
8	Transformaciya	Ì	Bir túrge tiyisli, biraq ayırım genleri menen parıq qılıw- shı bakteriya kletkaları
9	Genler jıyındısı	K	Bakteriyalarda parazitlik qılatuǵın hám olardı lizis qılatuǵın bakteriyalar
10	Patogen bakteriya	L	Belgili shárayatta bir organizm násillik molekulası hár qanday bóleginiń ekinshi organizm násillik molekulası quramına birigiw hádiysesi