signallarini uzatish uchun geostatsionar yo‘ldoshlardan foydalanadi. Regional tizimlarning ishchi zonasi diapazoni 400 km dan 2000 km gachani tashkil etadi. Mahalliy (lokal) tizimlar esa maksimal 50 – 200 km ta’sir etish radiusiga ega. DGPS servisini shartli ravishda ikkita tipga ajratish mumkin: yer usti va fazoviy. Ular o‘z navbatida pullik va bepul xizmat ko‘rsatadigan bo‘ladi.
Rossiya va unga yondosh mamlakatlarda asosiy turdagi bepul differensial tuzatish tizimlari aniqlik radiusi 40-50 sm bo‘lgan EGNOS va aniqligi 35 sm bo‘lgan John Deere firmasining StarFire 1 differensial tuzatish xizmati mavjud. Pullik xizmat ko‘rsatadigan tuzatish tizimlariga Omnistar sun’iy yo‘ldosh differensial servisini misol tariqasida keltirish mumkin. Uning bir necha xil turlari mavjud bo‘lib, Omnistar VBS 15-20 sm aniqlikda, Omnistar HP/XP - 8- 10 sm aniqlikda, hamda StarFire 2 - 10-18 sm aniqlikda xizmat ko‘rsatadi. Pullik yer usti tuzatish tizimlariga esa RTCM va RTK tizimlarini keltirish mumkin. Ular yordamida mos ravishda 50 va 2-5 sm tuzatishlar aniqligiga yetish mumkin. RTK-rejim uchun ikkita maxsus GPS-qabul qilgich va ikkita radiomodem kerak bo‘ladi. Bitta qabul qilgich bazaviy stansiya vazifasini o‘tab, ikkinchi qo‘zg‘aluvchan qabul qilgichga tuzatishlarnixabar ko‘rinishida jo‘natib turadi. Har ikkala qabul qilgich ham GPS-yo‘ldoshdan L2 kanali bo‘yicha qo‘shimcha ma’lumotlar olib turadi. Bu esa aniqlikni yanada oshiradi. Bunday tuzatishlar bazaviy stansiyadan 11 km radiusda radiokanal bo‘yicha uzatiladi hamda uzatkich quvvati va joyning relefi bilan chegaralanadi.
