1-amaliy mashg’ulot

1-AMALIY MASHG’ULOT. Boshlang`ich sinfda grammatika, imlo va nutq o`stirish dasturini o‘quvchilar bilimiga qo‘yiladigan talablar va boshlang‘ich sinf o‘quvchilari so‘z minimum nuqtai nazaridan tahlil qilish.
REJA:

1. 
   Boshlang’ich sinf ona tilini o’qitishning o’ziga xos xususiyatlari.
   
2. 
   Ona tili materiallarini o’rganishda ona tili bo’limining o’zaro munosabatlari.
   
3. 
   Morfologiyani o’rganishda fonetik bilimlarning roli.
   
4. 
   Sintaksisni morfologiyaga bog’lab o’rganish
   

1-topshiriq. Ona tili o’qitishning lingvistik asoslari mavzusini o’rganishning asosiy maqsadini yozing.
2-topshiriq. Tilning eng muhim aloqa vositasi sifatida namoyon bo’lishida fonetikaning rolini ko’rsating
3-topshiriq. Tilning lug’aviy boyligi hisoblangan so’zning grammatika bilan aloqasi
4-topshiriq. Til bo’limlarining bir-biri bilan aloqadorligini bayon qiling. (Tovushlarning so’z bilan, so’zlarning so’z birikmasi va gap bilan aloqadorligi).
5-topshiriq. Leksikologiya va so’z yasalishining o’zaro aloqasini ko’rsating.
6-topshiriq. Leksikologiya va so’z yasalishi bilan o’zaro aloqasini ko’rib chiqing.
7-topshiriq. Morfologiya va sintaksisning o’zaro aloqasini anglab oling. Ularning o’zaro bog’liq tomonlarini va farqli jihatlarini yozib oling.
8-topshiriq. 1-4-sinflarda ona tili o’rganish tizimi fonetika, leksikologiya, so’z yasalishi va grammatikaning o’zaro aloqadorligini hisobga olib tuzilganligi.
9-topshiriq. Boshlang’ich sinflarda tilning barcha bo’limlarini o’rganishda tilning aloqa vositasi ekanligi diqqat e’tiborda turilishini ko’rsating.
4-sinf ona tili kitobining takrorlash bo’limida berilgan 396-mashqni quyidagicha tahlil qiling.
1. Umrning hamma soatlarini foydali va sog’liqqa muvofiq mashg‘ulotlar bilan to‘ldiring. ( “Oz-oz o‘rganib dono bo‘lur”.) 2. Bobo, siz qushlarning ovozini qanday qilib ajratasiz? (H. Nazir.) 3. Birdaniga qamishzordan shuv etib o‘rdak uchib chiqdi. 4.To’lqin, bu masalani kechqurun yig’ilishda gaplashib olamiz. (E. Usmonov.) 5. Zafar, sen samokatingni katta ko‘chaga olib chiqma! (P. Qodirov.) 6. Sherzod, Chimyonda pishirgan kaklik sho'rvamiz esingizdami? (P. Qodirov.)
1-topshiriq. Birinchi gapdagi soatlarni so’zini tovush jihatidan tahlil qiling.
Ikinchi gapdagi so’zlar sonini aniqlang. Otlarni ajrating va so’roq bering.
Birinchi gapdagi foydali so’zini so’z tarkibi bo’yicha tahlil qiling.