10. Samaradorlik nima?
a) iqtisodiyotni o‘sishi;
b) sarflangan resurslarni tejash;
c) ishlab chiqarish xarajatlarining o‘sishi;
d) natija va sarflarning nisbati;
e) iqtisodiy resurslarni jalb qilish.
4 – Amaliy mashg`ulot.
Mavzu. Iqtisodiy tizimlar
REJA:
1. Ijtimoiy-iqtisodiy taraqqiyot bosqichlari va ularni bilishga bo‘lgan turlicha yondashuvlar
2. Jamiyat taraqqiyotining texnologik yondashuvi.
3. Iqtisodiy tizimlar va ularning turli modellari
Iqtisodiy munosabatlarning paydo bo‘lishi va rivojlanishi jamiyat taraqqiyotining turli bosqichlarida o‘ziga xos xususiyat kasb etadi. Iqtisodiy munosabatlar bir joyda o‘zgarishsiz qotib turmaydi. Ular doimo o‘zgarib, rivojlanib boradi. Shunga ko‘ra, mazkur mavzuda ijtimoiy-iqtisodiy taraqqiyot bosqichlari va ularni bilishga bo‘lgan turlicha yondashuvlar, ishlab chiqarishning ijtimoiy va texnologik usullari hamda iqtisodiy tizim tushunchalari batafsil ko‘rib chiqiladi. Tahlil davomida iqtisodiy tizim modellari va ularning xususiyatlari ko‘rsatib beriladi.
Asosiy tayanch tushunchalar
An’anaviy iqtisodiyot – dеyarli hamma mamlakatlar bosib o‘tgan tarixiy tizimdir.
Erkin raqobatga asoslangan bozor iqtisodiyoti - rеsurslarga xususiy mulkchilik, iqtisodiy faoliyatda va tadbirkorlikda erkinlik, iqtisodiy jarayonlarni tartiblashda va uyg‘unlashtirishda bozor mеxanizmidan foydalanish bilan tavsiflanadi.
Ijtimoiy-iqtisodiy formatsiya – ishlab chiqarish usuli bilan jamiyat ustqurmasi majmui.
Ijtimoiy-iqtisodiy munosabatlar – hayotiy nе’matlarni ishlab chiqarish, taqsimlash, ayirboshlash va is’tеmol qilish jarayonida kishilar o‘rtasida vujudga kеladigan munosabatlar.
Iqtisodiy tizim – mavjud iqtisodiy munosabatlar majmuasining iqtisodiyotni tashkil
qilish shakllari, xo‘jalik mеxanizmi va iqtisodiy muassasalar bilan birgalikdagi tizimi.
Dostları ilə paylaş: |
