Mayelərdə mayelərin həll olması. Mayelərin bir-birində həll olması onların təbiətindən asılıdır. Bəzi mayelərin həll olması qeyri-məhdud olur. Su və spirtin bir-birində həll olması buna misal ola bilər. Su və spirtin yaxşı həll olması onların molekulları arasında hidrogen rabitəsinin əmələ gəlməsi ilə əlaqədardır.Bəzi mayelər isə bir birində çox zəif həll olur.Məsələn, efirin suda həll olması olduqca zəifdir.Üçüncü qrup mayelər arasında qarşılıqlı həllolma praktiki surətdə getmir.Buna su və kerasin misal ola bilər.
Mayelərin qarşılıqlı həll olmasına temperatur, adətən müsbət təsir göstərir.Temperaturun artması ilə həllolma artdığı üçün müəyyən yüksək temperaturda mayelərin tam qarşılıqlı həll olması baş verir.Bu temperatur həmin mayelərin bir birində həll olmasının böhran temperaturu adlanır.Təziyq mayelərin bir birində həll olmasında çox zəif təsir göstərir.
Bir çox hallarda mayelər suda həll olduqda məhlulun ümumi həcmi kiçilir.Məsələn, 500 ml C2H5OH ilə 500 ml H2O qarşılığının ümumi həcmi 965 ml-dir.Bu hadisə kontraksiya (sıxlaşma) adlanır.
Bir-bir ilə qarışmayan iki həlledicidə üçüncü maddənin həllolma qabiliyyətini öyrənərək M.Bertlo və Yunqfleym paylama qanununu vermişlər:
Eyni temperatur və təzyiqdə bir-biri ilə qarışmayan iki həlledicidə üçüncü maddənin həll olmasından alınan məhlulların qatılıqları nisbəti,onun həəl olan miqdarından asılı olmayaraq sabit kəmiyyətdir.
