birinchi metodika, ikkinchisi ikkinchi metodika bo‘yicha shug‘ullanadi. Ikkinchi
eksperimentda birinchi guruh ikkinchi metodika, ikkinchi guruh birinchi metodika
bo‘yicha shug‘ullanadi.
Uch va undan ortiq variantlar qiyoslanadigan tadqiqotlarda
eksperimentlar uch va undan ortiq bosqichda o‘tkaziladi va shu tarzda
variantlardan birining afzalligi aniqlanadi.
Eksperiment tadqiqotlari bosqichlar bo‘yicha o‘tkaziladi. Dastlab
materialni (kuzatishlar va hokazo) yig‘ish metodikasini qo‘llash eksperiment
mashg‘ulotlari metodikasini aniqlash bo‘yicha izlanish eksperimenti tashkil etiladi.
Shundan so‘ng tasdiqlovchi eksperiment o‘tkaziladi. Masalan, harakat
ko‘nikmalari, jismoniy sifatlar, shuningdek, tajriba va kontrol guruhdagi
bolalarning jismoniy tarbiya haqidagi bilimlari rivojlanishining darajasi
tekshiriladi. Shundan so‘ng o‘rgatuvchi tarkib toptiruvchi eksperiment o‘tkaziladi
va mashg‘ulotlar o‘tkazishning ishlab chiqilgan metodikasi tekshiriladi. Tajriba
mashg‘ulotlarini o‘tkazish davomida kuzatishlar olib boriladi, foto, video va
boshqalar yordamida harakat texnikasi qayd etiladi. Kuzatish ma’lumotlari
bayonnoma tarzida rasmiylashtiriladi.
Eksperiment tugagandan so‘ng bolalar tasdiqlovchi eksperimentda
ko‘zda tutilgan parametrlar bo‘yicha qayta tekshiruvdan o‘tkaziladi. Kuzatish
ma’lumotlari miqdor va sifat jihatdan tahlil qilinadi, statik (matematik) jihatdan
ishlab chiqiladi.
Eksperiment o‘tkazilgandan so‘ng xulosa va tavsiyalarni amalda
tekshirish tashkil etiladi. So‘nggi bosqichda olingan natijalar bolalar muassasalari
ishiga tatbiq qilinishi lozim.
Matematik metodlar. Eksperiment materiallari to‘plangach, ta’sir
etuvchi faktorlar ta’sirida o‘rganiladigan ko‘rsatkichlarning o‘zgarishidagi
individual natijalar chiqarilgan xulosalarning to‘g‘riligini aniqlash (statik jihatdan
aniq umumiy ma’lumotlar olish) maqsadida matematik jihatdan qayta ishlanishi
kerak. Eksperiment natijalariga ko‘ra ko‘pincha ayrim ko‘rsatkichlar o‘rtasidagi
funksional bog‘lanish o‘rnatishga ehtiyoj tug‘iladi. Bunday holda korreksiya,
regressiya metodlari va dispersion analiz qo‘llaniladi. Matematik qayta ishlash
ma’lumotlari jadvallar, diagrammalar va grafik holida keltirilishi mumkin.
Dostları ilə paylaş: