1. mavzu. Fanning maqsadi va vazifalari. Reja

Yer kodeksi
— yerdan foydalanish munosabatlarini tartibga soluvchi 
qonunlar majmui. 20-asrga qadar hozirgi O’zbekiston hududida mazkur 
munosabatlar shariat ko’rsatmalari asosida olib borilgan. O’zbekistonda birinchi 
marta Ye.k. 1927 y.da qabul qilingan, 1929 y.da esa Ye.k. o’rniga Yer-suv kodeksi 
qabul qilingan. Bu hujjat 1970 y. 25 sent.da yangi Ye.k. qabul qilinguniga qadar 
amalda bo’ldi. 1990 y. 20 iyunda qabul qilingan O’zbekiston Respublikasining 
"Yer to’g’risida"gi yangi qonuni 1991 y. 1 yanvardan amalga kiritildi. O’zbekiston 
Respublikasida yer resurslaridan oqilona foydalanishni ta’minlash, yerga doir 
huquqiy munosabatlarni takomillashtirish maqsadida 1998 y. 30 aprelda 
O’zbekiston Respublikasi Oliy Majlisi O’zbekiston Respublikasining Ye.k.ni 
tasdiqladi (1998 y. 1 iyuldan amalga kiritildi). O’zbekiston Respublikasining Ye.k. 
91 moddani o’z ichiga oladigan 14 bobdan iborat. Ye.k. va yer to’g’risidagi qonun 
hujjatlarining asosiy vazifalari hozirgi va kelajak avlodlarning manfaatlarini 
ko’zlab, yerdan ilmiy asoslangan tarzda, oqilona foydalanish va uni muhofaza 
qilishni, tuproq unumdorligini tiklash va oshirishni, tabiiy muhitni asrash va 
yaxshilashni, xo’jalik yuritishning barcha shakllarini teng huquklilik asosida 
rivojlantirish uchun sharoit yaratishni, yuridik va jismoniy shaxslarning yer 
uchastkalariga bo’gan huquqlarini himoya qilishni ta’minlash masqadida yer 
munosabatlarini tartibga solishdan, shuningdek, bu sohada qonuniylikni 
mustahkamlashdan iborat. Yer umummilliy boylik bo’lgani sababli undan oqilona 
foydalanish talab etiladi va yer davlat tomonidan muhofaza qilinadi. 
Mazkur Qonunning maqsadi davlat yer kadastri yuritishning, iqtisodiyotni 
rivojlantirish, yer uchastkalariga bo‘lgan huquqlarning kafolatlarini ta’minlash, 
yerlardan oqilona foydalanish, ularni qayta tiklash va muhofaza qilish uchun 
kadastr ma’lumotlaridan foydalanishning huquqiy asoslarini belgilashdan iborat.