Foydali qazilmalar

FOYDALI QAZILMALAR
REJA:

1.Foydali qazilmalar haqida

2. Yer osti boyliklaridan foydalanish
3. Foydali komponent
4. Xulosa
5. Foydalanilgan adabiyotlar

Yer qa’ridan foydalanish va uni muhofaza qilishga doir asosiy talablar «Yer osti boyliklari to‘g‘risida»gi qonunning IV bo‘lim, 35- moddasida aniq ko‘rsatilgan. Yer qa’ridan oqilona foydalanish va uni muhofaza qilishga doir asosiy talablar:

– yer qa’rini geologik jihatdan o‘rganish to‘la-to‘kis bo‘lishini va undan kompleks foydalanilishini ta’minlash;
– Foydali komponentlarning o‘zboshimchalik bilan kavlab olinishiga va ular joylashgan maydonlarda imorat qurilishiga yo‘l qo‘ymaslik;
– Foydali komponentlar zaxiralarining davlat hisobi yuritilishini amalga oshirish;
– Foydali komponentlar zaxiralarini tasdiqlash va geologik materiallarning davlat ekspertizasini o‘tkazish;
– yer qa’ridan asosiy Foydali komponent va u bilan birga joylashgan Foydali komponentlar hamda qo‘shilib chiqadigan foydali komponentlarning iqtisodiy jihatdan rentabelli zaxiralari mumkin qadar to‘liq chiqarib olinishini ta’minlash;
– Foydali komponent konlarini suv bosishdan, suv chiqib ketib to‘lib qolishdan, yong‘indan hamda Foydali komponentlar sifatini va konlarning sanoat ko‘lamidagi ahamiyatini pasaytiruvchi yoki ularni ishga solishni murakkablashtiruvchi boshqa omillardan muhofaza qilish;
– yer qa’rida konservatsiya qilib qo‘yiladigan Foydali komponentlar zaxiralarining, yer qa’ridan foydalanish bilan bog‘liq ishlarni olib borishda kon qazilmalari, quduqlar va yer osti inshootlarining saqlani- shini ta’minlash;
– uglevodorodlar va ularni qayta ishlash asosida hosil qilingan mahsulotlarni, boshqa moddalar va materiallarni yer ostida saqlashda, chiqindilarni saqlash va ko‘mishda, oqova suvlarni chiqarib tashlashda yer qa’ri ifloslanishining oldini olish;
– Foydali komponentlarni kavlab oluvchi korxonalarni va Foydali komponentlarni kavlab olish bilan bog‘liq bo‘lmagan yer osti inshootlarini tugatish va konservatsiya qilishni belgilangan tartibda o‘tkazishdan iborat.
Shunisi e’tiborliki, yer osti boyliklaridan foydalanish va mineral xom ashyoni qayta ishlash bilan bog‘liq ishlarni bajarish loyihalari davlat ekologiya ekspertizasidan o‘tkazilishi lozim.
Davlat ekologiya ekspertizasida talab qilinmaydigan ishlar ro‘yxati Tabiatni muhofaza qilish davlat qo‘mitasi tomonidan tasdiqlanadi.
Hayotiy talab va ehtiyojlar shuni taqozo qilmoqdaki, Foydali komponentlar joylashgan maydonlarda va unga yaqin joylarda imorat qurish holatlari sodir bo‘lmoqda. Shu munosabat bilan qonunchilikda mazkur maydonlarda imorat qurish bilan bog‘liq shartlar amaldagi yer osti boyliklari to‘g‘risidagi qonunda o‘z aksini topgan.
Jumladan, aholi punktlari, sanoat obyektlari va boshqa obyektlarni joylashtirish uchun uchastkalar tanlashda bo‘lg‘usi imorat quriladigan uchastkaning yer qa’rida Foydali komponentlar yo‘qligi to‘g‘risida O‘zbekiston Respublikasi Geologiya va mineral resurslar davlat qo‘mitasining xulosasi kerak.
Alohida hollarda sanoat ko‘lamida o‘zlashtirishga topshirilmagan Foydali komponent konlari (keng tarqalgan Foydali komponentlarning konlari bundan mustasno) joylashgan maydonlarda imorat qurishga, shuningdek bunday konlar joylashgan yerlarda Foydali komponentlarni kavlab olish bilan bog‘liq bo‘lmagan yer osti inshootlarini joylashtirishga, konchilik munosabatlari sohasidagi maxsus vakolatli davlat organlari bilan kelishuvga muvofiq, yer qa’ridan Foydali komponentlarni chiqarib olish imkoniyatlari ta’minlanishi hisobga olingan holda, yo‘l qo‘yiladi.
Foydali qazilmalar joylashgan (keng tarqalganlaridan tashqari) maydonlarda imorat qurishga va bunday joylarda qazilma qazib olish bilan bog‘liq bo‘lmagan yer osti inshootlarini joylashtirishga alohida hollarda, konchilik munosabatlari sohasida maxsus vakolat berilgan davlat boshqaruv organlari bilan kelishilgan holda va yer qa’ridan Foydali komponentlarni qazib olish imkoniyatlari ta’minlangan taqdirda yo‘l qo‘yiladi. Keng tarqalgan Foydali komponentlar joylashgan maydonlarda imorat qurishga, shuningdek bunday joylarda Foydali komponent qazib olish bilan bog‘liq bo‘lmagan yer osti inshootlarini joylashtirishga konchilik munosabatlari sohasida maxsus vakolat berilgan davlat boshqaruv organ- larining xulosasi bo‘lgan taqdirda hokimiyat mahalliy organlarining ruxsati bilangina yo‘l qo‘yiladi.
Qurilish obyektlari imorat qurish va rejasi tasdiqlangan loyihalarida nazarda tutilgan chegaralardagi maydonlarda olib borilganda bunday xulosa talab qilinmaydi.
Shuningdek, qimmatbaho metallarning mayda tub konlarini qidirishni ularni yer osti usulida ishlatish bilan qo‘shib olib borishga O‘zbekiston Respublikasi Vazirlar Mahkamasi tomonidan belgilangan tartibda yo‘l qo‘yiladi («Yer osti boyliklari to‘g‘risida»gi qonunning 38-moddasi).
Foydali komponentlarni kavlab olish bilan bog‘liq bo‘lmagan yer osti inshootlarini qurish va ulardan foydalanish uchun yer qa’ridan foyda- lanish belgilangan tartibda tasdiqlangan texnik loyihalarga muvofiq amalga oshiriladi.
Foydali komponentlarni kavlab olish bilan bog‘liq bo‘lmagan yer osti inshootlaridan foydalanishda chiqindilar va oqova suvlar zararsizlantirilishi yoki belgilangan chegara doirasidan chetga chiqmasligi ta’minlanishi, shuningdek ularning kon qazishmalariga, yer yuzasiga, atmosfera havosiga va suv obyektlariga kirib borishining oldini olishga qaratilgan chora-tadbirlar ko‘rilishi kerak («Yer osti boyliklari to‘g‘risida»gi qonunning 39-moddasi.)
Yer osti boyliklaridan foydalanishda noyob ochiq geologik jinslar va mineralogik hosilalar, meteoritlar, palenontologik, arxeologik hamda fan va madaniyat uchun ahamiyatga molik boshqa obyektlar topilib qolgan hol- larda yer osti boyliklaridan foydalanuvchilar tegishli uchastkadagi ishlarni to‘xtatib, bu haqda manfaatdor davlat organlariga xabar qilishlari shart.
Alohida ilmiy yoki madaniy qimmatga molik yer osti boyliklari uchastkalarini davlat qo‘riqxonalari yoxud tabiat yoki madaniyat yodgor- liklariga mo‘ljallab ajratib olish qonun hujjatlariga muvofiq amalga oshiriladi.
O‘zbekiston geologiya-qidiruv xodimlari respublikamiz ravnaqi yo‘lida yoqilgi-energetika, qurilish industriyasi bazalarini mustahkamlash, qim- matbaho metallar va boshqa foydali xom ashyo qazib oluvchi yirik sanoat kompleksi rayonlarida qazilma boyliklar zaxiralarini aniqlashni ko‘paytirish, suv ta’minotidagi bir qator yirik muammolarni hal qilish yo‘lida izlanishlari lozim. Chunki, bu masalaga mamlakatimizda alohida e’tibor qaratilib, O‘zbekiston Respublikasi Prezidenti 1991-yilda «O‘zbekiston Geologiya va mineral resurslar davlat qo‘mitasini tashkil etish to‘g‘risi»da alohida farmon qabul qildi. Bizningcha, bu tarmoqqa yangicha huquqiy maqom berilishi, geologiya-qidiruv ishlarini olib borishda barqarorlikka erishishni, eng muhimi esa respublika ehtiyojlarini hisobga olgan holda ekologik talablar asosida geologiya tarmog‘ining yuksalishini ta’minlaydi.
Xullas, yer osti boyliklari va Foydali komponentlardan quyidagi shartlar bilan foydalanilsa: qazib olishda ana shu boyliklar va qazilma- resurslardan kompleks va oqilona foydalanish ta’minlansa, shuningdek atrof-muhit, yer osti boyliklari ifloslanishining oldi olinsa; Foydali komponentlarni kovlab olish chog‘ida holati o‘zgargan yerlar rekultivatsiya qilinsa; qayta tiklanadigan Foydali komponentlardan tabiiy qayta tiklanishiga erishiladigan darajadagina foydalanilsa maqsadga muvofiq bo‘ladi.
Yer osti boyliklaridan foydalanish va ularni huquqiy muhofaza qilishda davlat boshqaruvi katta ahamiyatga ega.
Shu munosabat bilan, O‘zbekiston Respublikasining 2002-yil 13- dekabrda qabul qilingan «Yer osti boyliklari to‘g‘risida»gi1 qonunida ham ushbu masalaga alohida e’tibor berilgan.
Jumladan, mazkur qonunning 7-moddasiga asosan: «Konchilik munosabatlari sohasidagi davlat boshqaruvi O‘zbekiston Respublikasi Vazirlar Mahkamasi, mahalliy davlat hokimiyati organlari, shuningdek maxsus vakolatli davlat organlari tomonidan amalga oshiriladi.
O‘zbekiston Respublikasi Tabiatni muhofaza qilish davlat qo‘mitasi, O‘zbekiston Respublikasi Geologiya va mineral resurslar davlat qo‘mi- tasi, O‘zbekiston Respublikasi Sanoatda, konchilikda va kommunal-mai- shiy sektorda ishlarning bexatar olib borilishini nazorat qilish davlat inspeksiyasi konchilik munosabatlari sohasidagi maxsus vakolatli davlat organlari hisoblanadi».
Yer osti boyliklaridan oqilona foydalanish va ularni huquqiy muho- faza qilish ustidan davlat boshqaruvi Vazirlar Mahkamasining asosiy diqqat e’tiborida turadi hamda qonunga asosan bir qator vakolatlarga ega bo‘ladi. O‘zbekiston Respublikasi «Yer osti boyliklari to‘g‘risida»gi qonunga binoan Vazirlar Mahkamasining quyidagi vakolatlari mavjud:
yer osti boyliklari davlat fondini tasarruf etish;
– mineral xom ashyo bazasini rivojlantirish va takror hosil qilish, yer qa’rini muhofaza qilish davlat dasturlarini tasdiqlash hamda ularning amalga oshirilishini nazorat qilib borish;
– yer qa’ri uchastkalarini foydalanishga berish va yer qa’ri monitoringini amalga oshirish tartibini belgilash;
– foydalanishga berilgan yer qa’ri uchastkalarining davlat hisobi yuritilishini va yer qa’ri uchastkalaridan foydalanish huquqlari davlat ro‘yxatidan o‘tkazilishini tashkil qilish;
– Foydali komponentlar zaxiralarini tasdiqlash hamda Foydali komponentlar zaxiralari davlat balansi, Foydali komponent konlari, Foydali komponent belgilari va texnogen mineral hosilalar davlat kadastri yuritilishi tartibini belgilash;
– keng tarqalgan Foydali komponentlar ro‘yxatini tasdiqlash;
– yer qa’rini geologik jihatdan o‘rgangan, undan foydalanish va uni muhofaza qilish stidan davlat nazoratini tashkil qilish;
– qonun hujjatlariga muvofiq boshqa vakolatlarni amalga oshirish (8-modda).
Yer osti boyliklaridan foydalanish va ularni huquqiy muhofaza qilish- da barcha organlar qatori mahalliy davlat hokimiyati organlarining ham alohida o‘rni mavjud. Shu munosabat bilan amaldagi «Yer osti boyliklari to‘g‘risida»gi qonunchilikda, mahalliy davlat hokimiyati organlarining konchilik munosabatlari sohasidagi bir qator vakolatlarining ko‘rsatilishi katta ahamiyatga egadir. Mazkur qonunning 9-moddasiga asosan, konchilik munosabatlari sohasida mahalliy davlat hokimiyati organlarining vako- latlari jumlasiga:
– tegishli hududda mineral xom ashyo bazasini rivojlantirish va takror hosil qilish, yer qa’rini muhofaza qilish davlat dasturlari ishlab chiqilishi va amalga oshirilishida ishtirok etish hamda ularning bajarili- shi ustidan nazoratni amalga oshirish;
– keng tarqalgan Foydali komponentlar kavlab olinayotganda yer qa’ridan foydalanish shartlarini kelishib olish;
– yer qa’ridan foydalanish va uni muhofaza qilish ustidan davlat nazoratini amalga oshirish;
– qonun hujjatlariga muvofiq boshqa vakolatlarni amalga oshirish kiradi.
«Yer osti boyliklaridan foydalanish huquqi» tushunchasini to‘liq tasavvur etish uchun yer osti boyliklaridan foydalanish turlari haqida tegishli tushunchaga ega bo‘lish lozim.
Demak, yer osti boyliklaridan foydalanish turlarini to‘g‘ri turkumlash yer osti boyliklaridan oqilona foydalanish hamda ularni huquqiy ekologik muhofaza qilishni amalga oshirish uchun katta ahamiyat kasb etadi.
Yer osti boyliklaridan foydalanishni turkumlashning asosi bo‘lib, ularni tabiat obyekti sifatidagi roli hisoblanadi.
«Yer osti boyliklari to‘g‘risida»gi qonunning 19-moddasida yer qa’ridan foydalanishning quyidagi turlari aniq ko‘rsatilgan:
– geologik jihatdan o‘rganish;
– Foydali komponentlarni kavlab olish;
– texnogen mineral hosilalardan foydalanish;
– Foydali komponentlarni kavlab olish bilan bog‘liq bo‘lmagan yer osti inshootlarini, shu jumladan neft, gaz, gaz kondensati, boshqa moddalar va materiallarni yer ostida saqlash inshootlarini qurish hamda ulardan foydalanish, chiqindilarni saqlash va ko‘mib tashlash;
– alohida muhofaza etiladigan geologik obyektlarni barpo qilish;
– nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni to‘plash.
O‘zbekiston Respublikasining «Yer osti boyliklari to‘g‘risida»gi qonuniga asosan yer osti boyliklaridan foydalanuvchilar, ya’ni subyektlar yuridik va jismoniy shaxslar hisoblanadilar.
Mazkur yer osti boyliklaridan foydalanuvchi subyektlarga yer osti boyliklaridan foydalanish cheklanmagan yoki cheklangan muddatga berilishi mumkin.
Shuni alohida ta’kidlash joizki, yer osti boyliklari umummilliy boylik bo‘lib, O‘zbekiston Respublikasining mutlaq mulki hisoblanadi.
Yer osti boyliklaridan foydalanishda yer qa’rini geologik o‘rganish uchun berish katta ahamiyatga ega. Geologik o‘rganish uchun yer qa’ri belgilangan tartibda tasdiqlangan yer qa’rini geologik o‘rganish loyihasiga asosan amalga oshiriladi.
Yer qa’rini geologik o‘rganish ishlarini davlat ro‘yxatidan o‘tkazish va yer uchastkalarini egallashga ruxsat berish yer qa’rini geologik o‘rganish ishlarini boshlash uchun asos hisoblanadi.
Xorijiy yuridik shaxslarga, chet el investitsiyasi ishtirokidagi korxo- nalarga geologik o‘rganish uchun yer osti boyliklari qonun hujjatlarida belgilangan tartibda beriladi.
Qazib chiqarilishi litsenziya asosida amalga oshirilishi kerak bo‘lgan mineral resurslar turlarining ro‘yxati, yer osti boyliklaridan foydalanish huquqini beruvchi litsenziyalarni berish tartibi, shuningdek kon ajratmala- rini berish tartibi Vazirlar Mahkamasi tomonidan belgilanadi.
Litsenziya egasining yer osti boyliklaridan foydalanish, kon joylash- gan maydon – kon ajratmasini olish va uning zaminidan Foydali komponent- larni qazib olish, texnogen hosilalardan foydalanish bilan bog‘liq bo‘lgan korxonalarni loyihalashtirishga, Foydali komponent qazib olish bilan bog‘liq bo‘lmagan yer osti inshootlarini qurish va ulardan foydalanishga litsenziya- da nazarda tutilgan shartlar va talablarga rioya etgan holda, zararli modda- larni, radioaktiv chiqindilarni va ishlab chiqarish chiqitlarini yer qa’rining ma’lum qismida ko‘mishga huquqi borligini tasdiqlaydi.
Yuridik va jismoniy shaxslarga yer osti boyliklaridan foydalanishning bir yo‘la bir necha turi uchun litsenziyalar berilishiga yo‘l qo‘yiladi. Litsenziya yer osti boyliklaridan foydalanish uchun asosdir.
Tadbirkorlik tavakkalchiligi shartlari asosida geologik jihatdan o‘rganish uchun, Foydali komponentlarni kavlab olish, texnogen mineral hosilalardan foydalanish va Foydali komponentlarni kavlab olish bilan bog‘liq
bo‘lmagan boshqa maqsadlar uchun yer qa’ri uchastkalaridan foydalanish huquqi yuzaga kelishining asosi litsenziya hisoblanadi.
Litsenziya tegishli davlat organining yer qa’ridan foydalanish bilan bog‘liq ishlarni olib borish uchun yer uchastkasi berilishini kafolatlovchi qarori mavjud bo‘lganda beriladi.
Litsenziya yuridik yoki jismoniy shaxsga litsenziya berishga vakolatli organ tomonidan beriladi.
Litsenziyalarni berish ochiq kim oshdi savdolari yoki yuridik va jismo- niy shaxslarning litsenziya berishga vakolatli organlar bilan to‘g‘ridan- to‘g‘ri muzokaralari natijalari asosida o‘ttiz kun ichida amalga oshiriladi.
Agar yer qa’ri uchastkasidan foydalanish huquqi yuridik shaxslarning yuridik shaxs maqomiga ega bo‘lmagan birlashmasiga beriladigan bo‘lsa, litsenziya bunday birlashmaning ishtirokchilaridan biriga berilib, unda mazkur ishtirokchi shu birlashma nomidan ish yuritayotganligi, shuningdek birlashmaning boshqa barcha ishtirokchilari ko‘rsatiladi.
Geologik jihatdan o‘rganish, Foydali komponentlarni kavlab olish, texnogen mineral hosilalardan foydalanish, Foydali komponentlarni kavlab olish bilan bog‘liq bo‘lmagan yer osti inshootlariga qurish va ulardan foydalanish, alohida muhofaza etiladigan geologik obyektlarni barpo etish hamda nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni to‘plash uchun litsenziyalar O‘zbekiston Respublikasi Geologiya va mineral resurslar davlat qo‘mitasi tomonidan beriladi. Chiqindilarni saqlash va ko‘mib tashlash maqsadida yer osti inshootlarini qurish va ulardan foydalanish uchun litsenziyalar O‘zbekiston Respublikasi Tabiatni muhofaza qilish davlat qo‘mitasi tomonidan berilgan litsenziyaga muvofiq yer qa’ri Foydali komponentlarni kavlab olish, texnogen mineral hosilalardan foydalanish, Foydali komponent- larni kavlab olish bilan bog‘liq bo‘lmagan yer osti inshootlari qurish va ulardan foydalanish, alohida muhofaza etiladigan geologik obyektlar barpo etish uchun maydoni va chuqurligi cheklangan uchastkalar ko‘rinishida foydalanishga beriladi.
Kon ajratmasi chegaralarida xo‘jalik faoliyati va boshqa faoliyat yer qa’ri kimga berilgan bo‘lsa, faqat o‘sha foydalanuvchining roziligi bilan amalga oshirilishi mumkin.
Kon ajratmalari O‘zbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi tomonidan beriladi.
Foydali komponentlarni tajriba-sanoat yo‘sinida kavlab olish uchun litsenziyaga muvofiq beriladigan yer qa’ri uchastkalaridan foydalanishda
kon ajratmasi talab qilinmaydi, uglevodorodlarni tajriba-sanoat yo‘sinida kavlab olish bundan mustasno.
Kon ajratmalarini berish tartibi O‘zbekiston Respublikasi Vazirlar Mahkamasi tomonidan belgilanadi.
Yer osti boyliklaridan xo‘jalik va ro‘zg‘or ehtiyojlari uchun foy- dalanish ham o‘z xususiyatiga ega. Shuning uchun ham yer egalari va yerdan foydalanuvchilar o‘zlariga berilgan yer uchastkalari doirasida o‘z xo‘jalik va ro‘zg‘or ehtiyojlari uchun portlatish ishlarini qo‘llamagan holda qonun hujjatlarida belgilangan tartibda zaxiralari Foydali komponent- lar zaxiralari davlat balansi hisobiga olinmagan keng tarqalgan Foydali komponentlarni kavlab olishi hamda yer osti inshootlarini qurishni litsenziya olmasdan amalga oshirish huquqiga ega.
Yer egalari va yerdan foydalanuvchilar tomonidan qonun hujjatlari buzilgan taqdirda keng tarqalgan Foydali komponentlarni kavlab olish va yer osti inshootlarini qurish belgilangan tartibda taqiqlanishi mumkin.
O‘zbekiston Respublikasi «Yer osti boyliklari to‘g‘risida»gi qonun- ning 34-moddasi talablariga asosan yer qa’ri uchastkalaridan foydalanish huquqi quyidagi hollarda cheklanishi, to‘xtatib turilishi yoki muddatidan ilgari tugatilishi mumkin:
– yer qa’ri uchastkalaridan foydalanish bilan bog‘liq ishlar ta’siri doirasidagi aholi hayotiga yoki sog‘lig‘iga, atrof-muhitga tahdid yuzaga kelganda;
– agar yer qa’ridan foydalanuvchi bir yil mobaynida yer qa’ri uchastkasidan foydalanishga kirishmagan bo‘lsa;
– yer qa’ridan foydalanganlik uchun to‘lovlar muntazam ravishda to‘lanmagan taqdirda;
– yer qa’ridan foydalanuvchi litsenziyaning asosiy shartlarini buzgan taqdirda;
– ushbu Qonunning 36, 37, 39 va 40-moddalarida nazarda tutilgan qoidalar bajarilmagan taqdirda.
Yer qa’ri uchastkalaridan foydalanish huquqi quyidagi hollarda tugatiladi:
– yer qa’ri uchastkasidan foydalanishning belgilangan muddati tugaganda;
– yer qa’ridan foydalanuvchi yer qa’ri uchastkasidan foydalanish huquqidan voz kechganda;
– foydalanishiga yer qa’ri uchastkasi berilgan yuridik shaxs tugatilgan yoki yakka tadbirkorning faoliyati tugatilgan taqdirda.
Yer qa’ri uchastkalaridan foydalanish huquqini cheklash, to‘xtatib turish va tugatish tartibi O‘zbekiston Respublikasi Vazirlar Mahkamasi tomonidan belgilanadi.
Xullas, yer osti boyliklaridan foydalanish huquqi subyektlarining o‘ziga xos xususiyati shuki, ular tegishli huquq va majburiyatlarni davlat mulk huquqining obyekti bo‘lgan yer osti boyliklariga nisbatan amalga oshiradilar va bu yedagi ayrim subyektlar bir vaqtning o‘zida ham boshqaruv organ, ham foydalanuvchi yoki egalik qiluvchi organ bo‘lib hisoblanadilar. Yer osti boyliklaridan foydalanish huquqining obyekti esa hamma hollarda davlat mulk huquqining obyekti hisoblanadi va amaldagi qonunlar bilan tartibga solinadi.
Yer osti boyliklaridan foydalanish huquqi amaldagi qonunchilikka asosan ma’lum muddatga beriladi. Yer osti boyliklaridan foydalanish va uni qonuniy muddati O‘zbekiston Respublikasining «Yer osti boyliklari to‘g‘risida»gi qonunida aniq ko‘rsatilgan. Albatta, yer osti boyliklari, ma’lum foydalanuvchi subyektlarga, ya’ni yuridik va jismoniy shaxs- larga qonun asosida beriladi. Jumladan, mazkur qonunning 10-moddasi- ga binoan, yer qa’ridan foydalanish cheklangan bo‘lishi mumkin. Yer osti boyliklaridan foydalanish muddati oldindan belgilab qo‘yilmagan bo‘lsa, uning muddati cheklanmagan hisoblanadi. Yer osti boyliklari cheklangan muddatli foydalanish uchun litsenziyada belgilangan mud- datga berib qo‘yiladi. Zaruratga qarab, bu muddat uzaytirilishi mumkin. Yer osti boyliklaridan foydalanish muddati foydalanish huquqi berilgan kundan boshlab hisoblanadi.
Amaldagi qonunchilikka asosan, geologik jihatdan o‘rganish, Foydali komponentlarni kavlab olish, texnogen mineral hosilalardan foydalanish, foy- dali qazilmalarni kavlab olish bilan bog‘liq bo‘lmagan yer osti inshoot- larini, shu jumladan neft, gaz, gaz kondensati, boshqa moddalar va mate- riallarni yer ostida saqlash inshootlarini qurish hamda ulardan foydalanish, chiqindilarni saqlash va ko‘mib tashlash, alohida muhofaza etiladigan geologik obyektlarni barpo qilish, nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni to‘plash kabi, yer qa’ridan foydalanish turlari ko‘rsatilgan (19-modda).
Mazkur turlarning huquqiy holati va ekologik ahamiyatini biz yuqoridagi paragraflarda ko‘rib chiqqan edik.
Amaldagi qonunchilikda yer osti boyliklaridan foydalanish huquqining paydo bo‘lishi bilan birgalikda, ayrim hollarda bekor bo‘lish holatlari, ya’ni yer osti boyliklaridan foydalanish huquqini to‘xtatish ham ko‘zda tutilgan.
Qayd etish lozimki, yer osti boyliklaridan foydalanish uchun haq to‘lanadi. Mazkur masala «Yer osti boyliklari to‘g‘risida»gi qonunning 21-moddasiga asosan amalga oshiriladi. Ushbu moddaga binoan, Yer qa’ridan foydalanish pullikdir, qonun hujjatlarida nazarda tutilgan hollar bundan mustasno.
Amaldagi qonunchilik yer qa’ridan foydalanuvchilar huquqlarining bekor qilish asoslari bilan bir qatorda ularni kafolatlaydi ham, unga ko‘ra, yer qa’ridan foydalanuvchilarning faoliyatiga davlat organlari aralashuviga yo‘l qo‘yilmaydi.
Yer qa’ridan foydalanuvchilarning buzilgan huquqlari qonun hujjat- larida nazarda tutilgan tartibda tiklanishi kerak. Yer qa’ri uchastkalaridan foydalanish huquqi asossiz cheklanishi, to‘xtatib turilishi yoki tugatilishi oqibatida yer qa’ridan foydalanuvchilar ko‘rgan zarar, shu jumladan boy berilgan foyda qonun hujjatlarida belgilangan tartibda qoplanishi shart.
Yer qa’ridan foydalanuvchiga boshqa shaxslar tomonidan yetkazilgan zarar qonun hujjatlariga muvofiq qoplanadi.
Yer osti boyliklaridan qonunga asosan foydalanuvchi subyektlar, ya’ni yuridik va jismoniy shaxslar ish jarayonlarida bir qator huquq va majburiyatlarga ega bo‘ladilar. E’tiborli tomoni shundaki, yer osti boyliklaridan foydalanuvchilarning huquq va majburiyatlari bir-birlari bilan o‘zaro chambarchas bog‘liqdir.
Yer osti boyliklaridan foydalanuvchilarning asosiy huquq va majburiyatlari O‘zbekiston Respublikasi «Yer osti boyliklari to‘g‘- risida»gi qonunda o‘z ifodasini topgan. Ushbu qonunga asosan, yer osti boyliklaridan foydalanuvchilar quyidagi huquqlarga egadirlar:
– o‘z faoliyati natijalaridan, shu jumladan yer qa’ri to‘g‘risida olingan geologik va boshqa axborotdan, shuningdek kavlab olingan Foydali komponentlar yoki ularning litsenziya shartlariga ko‘ra tasarruflarida bo‘ladigan ulushidan foydalanish;
– agar litsenziyada boshqacha qoida belgilangan bo‘lmasa, Foydali komponentlarni kavlab olish hamda mineral xom ashyoni qayta ishlash jarayonida olingan texnogen mineral hosilalardan foydalanish;
– yer qa’ri uchastkalaridan foydalanish bilan bog‘liq ishlarni olib borish texnologiyasi yuzasidan qaror qabul qilish;
– texnik loyihalar va konchilik ishlarini rivojlantirish rejalariga, shuningdek uglevodorod konlarini ishlatish va obodonlashtirish loyihalariga belgilangan tartibda o‘zgartish kiritish;
– Foydali komponent konlarini ishlatish jarayonida foydalanuv konditsiyalarini qo‘llash;
– litsenziyaga muvofiq berilgan kon ajratmasi doirasida qo‘shimcha ruxsatnomasiz yer qa’ri geologik jihatdan o‘rganilishini amalga oshirish;
– kon ajratmasi va belgilangan tartibda ajratilgan yer uchastkalari doirasida ishlarni amalga oshirish uchun zarur bo‘lgan ishlab chiqarish va ijtimoiy soha obyektlarini barpo etish, shuningdek umum foydalanishdagi obyektlar va kommunikatsiyalardan shartnoma asosida foydalanish;
– yer qa’ri uchastkasidan foydalanish bilan bog‘liq ishlarning ayrim turlariga yoki majmuini bajaruvchilarni shartnoma asosida jalb etish;
– mineral xom ashyoga va uni qayta ishlash mahsulotlariga bo‘lgan konyunktura o‘zgarganligi munosabati bilan Foydali komponentlarni kavlab olish iqtisodiy jihatdan maqsadga nomuvofiq bo‘lganda, shuningdek litsenziya berilgandagidan ancha farq qiluvchi holatlar yuzaga kelganda yer qa’ri uchastkasidan foydalanish shartlarini qayta ko‘rib chiqish to‘g‘risida iltimosnoma bilan murojaat etish.
Yer qa’ridan foydalanuvchilar qonun hujjatlariga muvofiq boshqa huquqlarga ham ega bo‘lishlari mumkin.
Yer osti boyliklaridan foydalanuvchilar:
– yer qa’ri uchastkasi qaysi maqsadda berilgan bo‘lsa, undan shu maqsadda foydalanishi;
– yer qa’ridan foydalanish va mineral xom ashyoni qayta ishlash bilan bog‘liq ishlarni olib borish texnologiyasi normalari va qoidalariga rioya etishi;
– konchilik ishlarini rivojlantirishning texnik loyihalari va rejalaridagi, shuningdek uglevodorod konlarini ishlatish va obodon- lashtirish loyihalaridagi talablarga rioya etishi;
– Foydali komponent konlarini ishlatish, yer qa’ridan Foydali komponentlarni kavlab olish bilan bog‘liq bo‘lmagan boshqa maqsadlarda foydalanish jarayonida geologik, marksheyderlik va boshqa hujjatlarni yuritishi hamda ularning saqlanishini ta’minlashi;
– chiqarib olinadigan va yer qa’rida qoldiriladigan asosiy Foydali komponent va u bilan birga joylashgan Foydali komponentlar hamda qo‘shilib
chiqadigan komponentlar zaxiralari, shuningdek mineral xom ashyoni va texnogen mineral hosilalarni qayta ishlash mahsulotlari miqdori va sifati hisobini yuritishi;
– kavlab olinayotganda qo‘shilib chiqadigan, lekin vaqtincha foydalanilmayotgan Foydali komponentlar va foydali komponentlarni saqlashi;
– Foydali komponentlarni kavlab olish va mineral xom ashyoni qayta ishlash chog‘ida nobudgarchilik normativlariga rioya etilishini ta’minlashi;
– konlarning Foydali komponentlarga boy uchastkalari tanlab ishlatilishiga yo‘l qo‘ymasligi;
– asosiy Foydali komponent va u bilan birga joylashgan Foydali komponentlar hamda qo‘shilib chiqadigan foydali komponentlar zaxiralarining holati va o‘zgarishi to‘g‘risidagi ma’lumotlarni, shuningdek Foydali komponent konlari, Foydali komponentlar belgilari va texnogen mineral hosilalar davlat kadastrini yuritish uchun ma’lumotlarni O‘zbekiston Respublikasi Geologiya va mineral resurslar davlat qo‘mitasiga taqdim etishi;
– kavlab olingan Foydali komponentlar hajmlari to‘g‘risidagi ma’- lumotlarni qonun hujjatlarida belgilangan tartibda taqdim etishi;
– yer qa’ri uchastkalaridan foydalanish bilan bog‘liq ishlar ta’siri doirasidagi ishlovchilar (xodimlar) va aholining xavfsizligini ta’minlashi;
– yer qa’ridan foydalanish bilan bog‘liq ishlar bexatar olib bori- lishini, favqulodda vaziyatlarning oldini olish choralari ko‘rilishini, falokatlarni bartaraf etish rejalari ishlab chiqilishini ta’minlashi;
– Foydali komponentlarni kavlab oluvchi korxonalarni va Foydali komponentlarni kavlab olish bilan bog‘liq bo‘lmagan yer osti inshootlarini tugatish va konservatsiya qilishning belgilangan tartibiga rioya etishi;
– to‘kindi uyumlarining yonbag‘irlarini va ochiq konlarning yon chekkalarini rejalash yoki pog‘onalash ishlari, shuningdek eroziyaga qarshi tadbirlar o‘tkazilishini ta’minlashi;
– atrof-muhitni muhofaza qilishga, shuningdek yer qa’ridan foyda- lanishda ishdan chiqqan yer uchastkalarini va boshqa tabiiy obyektlarni keyinchalik foydalanish uchun yaroqli holatga keltirishga qaratilgan tadbirlarni amalga oshirishi shart.


XULOSA
Xulosa qilib aytganda, yer osti boyliklaridan foydalanuvchilar yuqorida ko‘rsatilgan barcha huquq va majburiyatlarga rioya qiladilar, ularni bajaradilar, mazkur obyektdan oqilona foydalanish hamda uni huquqiy muhofaza qilishni ta’minlaydilar.
Aholi punktlari, sanoat obyektlari va boshqa obyektlarni joylashtirish uchun uchastkalar tanlashda bo‘lg‘usi imorat quriladigan uchastkaning yer qa’rida Foydali komponentlar yo‘qligi to‘g‘risida O‘zbekiston Respublikasi Geologiya va mineral resurslar davlat qo‘mitasining xulosasi kerak.

FOYDALANILGAN ADABIYOTLAR

Abramov A.A., Qayta ishlash, boyitish va kompleks qattiq minerallardan foydalanish, M, MGGU, 2004 y.

Abramov /1./4. Rangli rudalarni qayta ishlash va boyitish texnologiyasi.
metallar. M.: MGGU, 2005 yil.
Arashkevich V.M. Rudalarni boyitish asoslari. Moskva: Nedra, 1989 yil.
4Egorov V.L. Rudalarni boyitish asoslari. Moskva: Nedra, 1986 yil.
http://fayllar.org