1-mavzu: “Global iqtisodiy rivojlanish” fanining predmeti va vazifalari Reja

7-mavzu. Global, mintaqaviy va milliy moliyaviy bozorlar

Reja:

7.1. Global moliya bozorlarining shakllanishi

7.2. Xalqaro moliya tashkilotlari va ularning xalqaro moliya munosabatlaridagi о‘rni

7.3. Globallashuv sharoitida о‘tish iqtisodiyotiga ega mamlakatlarda davlatning moliya siyosati

7.4. Rivojlanayotgan mamlakatlar iqtisodiyotida xalqaro moliya munosabatlarining о‘rni
7.5. О‘zbekiston Respublikasining xalqaro moliya munosabatlardagi ishtiroki

7.6. Jahon moliya tizimi globallashuvining mohiyati va uning oqibatlari

7.7. Zamonaviy jahon xо‘jaligida moliya tizimining vazifalari va uni tartibga solish zarurati

7.8. Globallashuv sharoitida xalqaro moliyaviy bozorlar rivojlanishining asosiy xususiyatlari va unga ta’sir etuvchi omillar

Tayanch iboralar:
Kapital eksporti, qimmatli qog‘ozlar, bank depozitlari, qarz talablari va majburiyatlari, xalqaro fond va valyuta bozorlari, kredit resurslari, xalqaro tashkilotlar, Xalqaro valyuta fondi (XVF), moliyaviy islohot, moliyaviy tizim, offshor zonalar, transmilliy banklar, moliyaviy bozor, moliyaviy resurslar, jahon moliya resurslari derevativlari, jahon moliya bozori, investitsiya, jamg‘arma, kredit.
7.1. Global moliya bozorlarining shakllanishi
Globallashuv natijasida jahon xо‘jaligining tarkibiy qismiga aylanib borayotgan mamlakatlarning soni ortib bormoqda. Mamlakatlar hayotidagi globallashuv - iqtisodiy munosabatlardagi tovarlar, xizmatlar, kapital hamda fond bozorlaridagi savdo va siyosatga doir tartiblarning tobora erkinlashuvi orqali namoyon bо‘lmoqda.
Jahon iqtisodiy va moliyaviy muhitining shakllanishiga ta’sir etgan sezilarli о‘zgarishlar sifatida quyidagilarni kо‘rsatish mumkin:

1) 1950 yillardan boshlab AQSH korporatsiyalarining о‘z xorijiy faoliyatlarini kengaytirishga intilishi. Jahon bozorida Yevropa va Yaponiya korporatsiyalari faoliyatining sezilarli о‘sishi, xalqaro maydonda ular va AQSH korporatsiyalari о‘rtasidagi raqobatning kuchayishi;