1-mavzu. Ishlab chiqarishni boshqarishda iqtisodiy axborotlarning roli, xususiyati va xarakterli turlari reja

Jamiyatni axborotlashtirish deganda inson faoliyatining barcha ijtimoiy ahamiyatga ega bo’lgan sohalarida axborotlar, bilimlar, ishonchli ma’lumotlar bilan to’liq va o’z vaqtida foydalanishni ta’minlashga qaratilgan kompleks chora tadbirlarni barcha ish joylariga tadbiq etish tushuniladi. Axborotlashtirish nafaqat milliy iqtisodiyot rivojlanishi-ning iqtisodiy ko’rsatkichlari o’sishiga, balki ayni paytda ishlab chiqarishni rivojlantirish, yangi ish joylarini tashkil etish va aholining turmush darajasini oshirishga ham xizmat qilmoqda¹.
Axborot jamiyati – ko’pchilik ishlovchilarning axborot, ayniqsa uning oliy shakli bo’lmish bilimlarni ishlab chiqish, saqlash, qayta ishlash va amalga oshirish bilan band bo’lgan jamiyatdir.
XX asr oxirlarida ilg’or mamlakatlarda fan va texnika rivojlanishining real amaliyotida nazariyotchilar yaratgan axborot jamiyati nazariyasining chizg’ilari sekin asta namoyon bo’lmoqda. Butun dunyo makonining elektron kvartira va kotedjlarida yashovchi kishilar yagona komp’yuterlashgan va axborotlashgan jamiyatga aylanishi kutilmoqda. Istalgan turar joy turli elektron uskunalar va komp’yuterlashgan moslamalar bilan jihozlanadi. Odamlar faoliyati asosan axborotni qayta ishlashga qaratiladi, moddiy ishlab chiqarish va energiya ishlab chiqarish esa mashinalarga yuklanadi.
Bu xom xayol emas, balki yaqin kelajakdagi muqarrar voqelik ekaniga guvoxlik beruvchi bir qator dalillar allaqachon e’lon qilingan.
Axborot jamiyatiga o’tishda komp’yuter va telekommunikatsiya axborot texnologiyalari negizida yangi axborotni qayta ishlash sanoati yuzaga keladi.
Bir qator olimlar axborot jamiyatiga xos xususiyatlarni quyidagicha ko’rsatadilar:

• 
  Axborot inqirozi muammosi hal etildi, ya’ni axborot mo’l-ko’lligi va axborot taqchilligi o’rtasidagi ziddiyat echildi;
  
• 
  Boshqa zahiralarga qiyoslaganda axborot ustuvorligi ta’minlandi;
  
• 
  Rivojlanishning asosiy shakli axborot iqtisodiyoti bo’ladi;
  
• 
  Eng yangi axborot texnika va texnologiyalari yordamida avtomatlashti-rilgan holda bilimlarni saqlash, qayta ishlash va foydalanish jamiyati shakllanadi;
  
• 
  Axborot texnologiyasi inson ijtimioy faoliyatining barcha sohalarini qamrab olib, umumiylik xususiyat kasb etmoqda;
  
• 
  Butun insoniyat tsivilizatsiyasining axborot birligi shakllanmoqda;
  
• 
  Zamonaviy axborot vositalari yordamida har bir insonning butun tsivilizatsiya axborot zahiralariga erkin kirishi amalga oshdi.