1-Mavzu: Kirish. Zamonaviy ta‘lim texnologiyalarining maqsad va vazifalari Tayanch tushunchalar

Blended learning (aralash o‗qitish) zamonaviy ta‘limning nisbatan yangi, biroq, tobora ommalashib borayotgan shakli sanaladi.

Blended learning (aralash o‗qitish) – onlayn o‗quv materiallari hamda o‗qituvchi rahbarligida guruhda ta‘lim olishga asoslangan o‗qitish shakli.
Ushbu shakldagi o‗qitish jarayonida talaba mustaqil ta‘lim oladi, ammo ayni vaqtda unga guruh va o‗qituvchi tomonidan yordam ko‗rsatiladi. Guruhli mashg‗ulotlar davomida ―blended learning‖ (aralash o‗qitish)ning qo‗llanilishi tufayli har bir talaba o‗quv materiallarini o‗zlashtirish borasida o‗zida ro‗y berayotgan ijobiy o‗zgarishlarni namoyon etgan holda muloqot ko‗nikmalarini o‗zlashtirib boradi, o‗tilgan materiallarni takrorlaydi va yangi mavzuni o‗rganishga tayyorlanadi.
Blended learning (aralash o‗qitish) ko‗p holatlarda topshiriqlarga tayanadi va asosiy, muhim ma‘lumotlar negizida tashkil etiladi, qo‗shimcha materiallar esa talabaga onlayn platforma orqali uzatib beriladi.
Blended learning (aralash o‗qitish)ning muvaffaqiyati ta‘lim vositalarining to‗g‗ri tanlanishi bilan belgilanadi. Bu ta‘lim shaklining afzalligi shundaki, talabaning o‗zi o‗quv materialini o‗zlashtirish tezligi va ta‘lim jarayonining intensivligini o‗zi belgilaydi.
OTMda blended learning (aralash o‗qitish) quyidagilarga asoslanadi:

1. 
   Onlayn ma‘ruza mashg‗ulotlari.
   
2. 
   Onlan amaliy mashg‗ulotlar.
   
3. 
   Internet tarmog‗ida muhokama qilinadigan loyiha va guruh ishlari.
   
4. 
   Onlayn rejimda tashkil etiladigan laboratoriya mashg‗ulotlari.
   
5. 
   Onlayn rejimda mustaqil topshiriladigan test.
   
6. 
   Onlayn rejimda tashkil etiladigan maslahat.
   

VII. Mahorat darslari zamonaviy ta‘limning yana bir tobora ommalashayotgan shakli sanaladi. Mahorat darslari – ochiq tashkil etilib, ilg‗or pedagogik tajribalarni targ‗ib etishga yo‗naltirilgan samarali o‗qitish shakli.
Bu shakldagi o‗qitish bir martalik sanaladi. Mahorat darslarini tashkil etishda ko‗p yillik ish tajribasiga ega, shuningdek, samarali metodika yoki texnologiyaga ega innovator pedagoglarning kasbiy malakalari ochiq tarzda, interfaol muloqot asosida hamkasb pedagoglar hamda talabalarga namoyish etiladi.