“oila sog’lom ekan – jamiyat mustahkam, jamiyat mustahkam ekan – mamlakat barqarordir”.
Oila deb atalmish qo’rg’onda avlodlar kamol topadi. Shuning uchun bu qurg’onning mustahkam va barqaror bo’lishiga erishish nafaqat ma’lum bir mamlakat doirasida, balki dunyo miqyosida ham muhim ahamiyat kasb etadi. Shu ma’noda masalaga e’tibor beriladigan bo’lsa, dunyodagi yirik va nufuzli xalqaro tashkilot – Birlashgan Millatlar Tashkiloti (BMT)ning Bosh Assambleyasi 1994 yildan e’tiboran har yili 15 may kunini Xalqaro oila kunisifatida nishonlashga qaror qilgani tahsinga loyiqdir.
1948 yil 10 dekabrda Amerika Qo’shma Shtatlarining Nyu-York shahrida BMT Bosh Assambleyasining 217A(III) rezolyusiyasi bilan qabul qilingan “Inson huquqlari umumjahon Deklarasiyasi” 16-moddasining 3-qismida “Oila jamiyatning tabiiy va asosiy hujayrasi sanaladi vajamiyat hamda davlat tomonidan himoya qilinishga haqli” deb belgilangan.
