1-mavzu: pedagogik mahorat haqida tushuncha, uning o ’qituvchi kasbiy faoliyatida tutgan o’rni va ahamiyati. Ma`Ruza mashg`uloti rejasi

1-MAVZU: PEDAGOGIK MAHORAT HAQIDA TUSHUNCHA, UNING O ’QITUVCHI KASBIY FAOLIYATIDA TUTGAN O’RNI VA AHAMIYATI.
MA`RUZA MASHG`ULOTI REJASI:
1.1.Pedagogik mahorat va uning ta’lim –tarbiya tizimida tutgan o‘rni.
1.2.Pеdаgоgik mаhоrаt fanining maqsadi, vazifalari va mazmuni.
1.1.Pedagogik mahoratning tarkibiy qismlari.
1.4.Pedagogik mahoratni tarkib toptirish va shakllantirish yo’llari.
Mavzuga oid tayanch tushuncha va iboralar: Pedagogik faoliyat, mahorat, pedagogik mahorat,pedagogik madaniyat, pedagogik qobiliyat, insonparvarlik, kasbiy bilimdonlik,kasb mahorati, pedagogik mahorat, kasb mahorati, pedagogik mahorat, optimizm, insonparvar-gumanist,shaxsiy xususiyatlar, gumanistik yo’nalish, kasbiy bilimdonlik, pedagogik qobiliyat, pedagogik texnika, metodologiya, nazariy, uslubiy texnologik bilimlar, faoliyat elementlari, o’z-o’zini kasbiy tarbiyalash.
Mavzuga oid muammolar:

1. 
   Kasb mahorati va pedagogik mahorat tushunchalarini bir-biri bilan taqqoslab, o’xshashlik va farqli jihatlarini aniqlang. Mahoratli pedagog deganda pedagogik faoliyatning qanday qirralarini tushunasiz?
   
2. 
   Pedagogik mahoratning tarkibiy qismlarini aniqlab, har birining pedagogik mahoratda tutgan o’rnini tahlil qiling. Ularning ichida qay birini ustivor deb bilasiz?
   

Insoniyat tomonidan minglab kasb-hunar bajarib kelinadi. Har bir kasb yuqori saviyada bajarilishi, kasb mahoratining talablariga javob berishi kerak.
Pedagogik mahorat deganda pedagogik faoliyat yuritishda murabbiyning qobiliyatlarini oliy darajada namoyon etishi, butun borlig’ini ta’lim-tarbiyaga yo’naltirish tushiniladi. Pedagogik mahorat uzoq vaqt davomida o’qish-o’rganish, mashq qilish, tajribalar asosida hosil qilinadi. Pedagogik mahoratning boshqa kasb mahoratlaridan farqi shundaki, u bir qancha qirralarga bo’linadi.