№1 Mavzu: Pedagogika fanlarini o’qitish metodikasining predmeti

Yakuniy nazoarat va baholash
attestatsiya paytida, talaba butun 
o'quv dasturini o‘zlashtirilgandan so'ng amalga oshiriladi. Uning 
shakllari va tartibi ta'lim muassasasi tomonidan belgilanadi va 
komissiya asosida o‘tkaziladi. 
Ta'lim jarayonida bilim, ko'nikma va malakalarni nazorat qilish 
va baholashning asosiy funksiyalari: 
1. Yo‘naltiruvchi.
Ushbu funksiya quyidagicha amalga 
oshiriladi: joriy baho talabaga ma'lum bilim, ko'nikma va malakalarni 
qanchalik muvaffaqiyatli egallaganligini aniqlaydi va shu bilan ularni 
tuzatish va takomillashtirishga hissa qo'shadi. Ushbu funksiya odatda 
joriy tekshirish va baholash orqali amalga oshiriladi. 
2. 
Rag'batlantiruvchi 
(stimullashtiruvchi).
Ma'lumki, 
tekshirish va baholash ko'p hollarda talaba tomonidan o'quv materialini 
o'rganish uchun zarur bo'lgan rag'batlantiruvchi omil hisoblanadi. Shu 
nuqtai nazardan, nazoratlarning tizimliligi va muntazamligi muhim 
ahamiyatga ega. Imtihon yoki yozma ishlarida foydalaniladigan 

---

274 
mezonlar o‘qituvchining talabalarga "nimani" va "qanday" o‘qitganini 
belgilaydi.
3. Attestatsiya (nazorat qilish).
Ushbu funksiya talabalarni 
mashg'ulotning ma'lum bir bosqichida o'zlashtirgan bilim, ko'nikma va 
malakalarini aniqlashda namoyon bo'ladi. Bu ularning keyingi 
bosqichda o'qish yoki ishlashga tayyorligini aniqlash uchun zarur. 
Nazorat tegishli ta'lim dasturining maqsadlariga erishish va ta'lim 
sifatini ta'minlash uchun mo'ljallangan. Bu oraliq va yakuniy 
attestatsiya orqali amalga oshiriladi. O'qituvchi talabani oraliq baholash 
jarayonida unga ma'lum bir belgi qo'yish orqali talabaning tegishli kurs 
bo'yicha bilimlarni egallaganligiga kafolat beradi. Talaba tomonidan 
o'rganilgan mavzularning jami va olgan baholari uning ushbu ta'lim 
dasturiga tayyorlik darajasini tavsiflaydi. Davlat attestatsiya 
komissiyasi tomonidan o'tkaziladigan yakuniy attestatsiya paytida 
tekshirish va baholash mustaqil monitoringni o'tkazish va talabaning 
ta'lim dasturining maqsadlariga erishganligini ta'minlash uchun 
mo'ljallangan.