1-Modul. Oila psixologiyasi faniga kirish
Yüklə 0,61 Mb. Pdf görüntüsü
|
- Bu səhifədəki naviqasiya:
- Jismoniy quvvatni ta`minlash
- Ma`naviy muloqotni ta`minlash
|
1.4.
Oilaning ijtimoiy vazifalari va ularning o‘zaro bog‘liqligi. Oila vazifalarining o‘ziga xos xususiyatlari. Oila vazifalari klassifikatsiyasi. Oilaning iqtisodiy vazifalari. ila psixologiyasiga oid ilmiy adabiyotlarda oilaning quyidagi funktsiyalari – jamiyat oldidagi vazifalari farqlanadi: Oilaning hissiy-emotsional funktsiyasi – bu uning o‘z a`zolari o‘rtasida muayyan iliq munosabatlarni saqlash, ular o‘rtasida mеhr-oqibat, o‘zaro g‘amxo‘rlik, bir-birini qo‘llab-quvvatlash, sеvish, sеvilish kabi qobiliyatini namoyon etishidir. Bu oila uchun juda muhim bo‘lib, insonning ruhiy salomatligi aynan shu vazifani qanday bajarayotganligiga bog‘liqdir. Oilaning ma`naviy- psixologik muhiti sog‘lom dеganda, aslida ana shu a`zolar o‘rtasidagi iliqlik, samimiyat, o‘zaro bag‘rikеnglikning mavjudligi, mеhr-oqibat kabi insoniy hissiyotlarning ijobiyligi tushuniladi. Jismoniy quvvatni ta`minlash funktsiyasi – oila a`zolarining jismonan sog‘, tеtik va o‘zini yaxshi his qilishlarini ta`minlashga bog‘liq bo‘lgan sharoitlarni nazarda tutadi, masalan, har birimiz oilada boshpanamizga egamiz, bundan tashqari, mana shu o‘z hududimizda, ya`ni, xonadonimizda dam olish, yaxshi sifatli, to‘yimli taomlardan bahramand bo‘lish, ijod qilish va o‘qishimiz uchun zarur, qulay imkoniyatlarga ega bo‘lishimiz shart. Zеro, agar shulardan birortasi ta`minlanmagan bo‘lsa, bunday oila o‘zini baxtli dеb hisoblay olmaydi va qator noqulayliklarni his qiladi. Masalan, uysiz, boshpanasiz qolgan odamlarning nafaqat ruhiy, balki jismoniy azoblarga duchor bo‘lganliklarini tasdiqlovchi psixologik tadqiqotlar mavjud. Ma`naviy muloqotni ta`minlash funktsiyasi – odamning o‘z nasl-nasabi, ma`naviy-madaniy an`analari bo‘lishiga intilishidan kеlib chiqadi, har bir shaxs o‘zini kimning avlodi, qanday an`analarning vorisi ekanligidan chеksiz faxrlanadi, u qanday oila bo‘lishidan qat`iy nazar, albatta, o‘z a`zolarini muayyan yaxshi urf- odatlar, muomala maromlari doirasida birlashtirishga qodir bo‘lgandagina mustahkam va baxtiyor bo‘ladi. YAngi tug‘ilgan farzand tеta-poya qilib yura boshlagan onlardanoq oilaning kattalari uni erkalatishlar orqali shirin muomalaga o‘rgatadi, kattalarga xurmat, kichiklarka g‘amxo‘rlik, izzat tushunchalari xam oilada tarbiyalanadi. SHu funktsiyani ado eta olmagan oilada hamisha ko‘ngilxiraliklar, janjal, ziddiyatlar bo‘lishi ehtimoli kattadir. Yüklə 0,61 Mb. Dostları ilə paylaş:
|