1. Təchizatçılar və dəyərin çatdırılması şəbəkəsi Marketinq kanallarının xarakteri və əhəmiyyəti Kanal rejimi və quruluşu

5.Kanalın idarə edilməsi haqqında qərarlar
Şirkət öz kanal alternativlərini nəzərdən keçirdikdən və ənyaxşı kanalı seçdikdən sonra seçdiyi kanalı həm də idarə etməlidir. Kanalın idarə edilməsi kanal üzvülərinin fərdi seçimini, tənzimlənməsini, dəstəklənməsini və vaxtaşırı olaraq onların icra qabiliyyətlərinin qiymətləndirilməsini tələb edir.

Kanal üzvülərinin seçilməsi. Şirkət vasitəçiləri seçərkən onların digərlərindən fərqləndirən xüsusiyyətlərini müəyyən etməlidir. Biznes fəaliyyəti çərçivəsində o, hər bir kanal üzvünün illik fəaliyyətinin yekunlarını, satılan digər məhsulları, vasitəçinin əməkdaşlıq qabiliyyətini və reputasiyasını qiymətləndirməlidir. Əgər vasitəçilər satış agentidirsə, onda şirkət, satılan digər məhsulların xarakterini və miqdarını, eləcə də satış gücünün keyfiyyət və ölçüsünü qiymətləndirəcək. Əgər vasitəçilik eksklüziv və selektiv paylama tələb edən pərakəndə satış dükanlarından ibarətdirsə, bu halda şirkət dükanın müştərilərini və onun yerləşdiyi ərazini və gələcəkdə inkişaf etmə potensialını qiymətləndirməyə üstünlük verəcək.

Kanal üzvülərinin idarə edilməsi və həvəsləndirilməsi.Kanal üzvüləri istehsalçılar tərəfindən seçildikdən sonra onlara daim nəzarət olmalı və onları öz işlərinə həvəsləndirmək baxımından məqsədyönlü işlər görülməlidir. Şirkət öz məhsulunu təkcə vasitəçilərin köməyi ilə satmamalıdır. O, vasitəçilərə mal satışı ilə yanaşı onlarla əməkdaşlıq etməlidir. Əksər şirkətlər öz vasitəçilərinə bir nömrəli müştəri və tərəfdaş kimi baxırlar. Onlar kanal üzvülərilə uzunmüddətli əlaqələr yaratmaq üçün intensiv olaraq tərəfdaş əlaqələrin idarə edilməsi təcrübəsindən istifadə edirlər. Bu təcrübə həm tərəfdaşların, həm də şirkətin ehtiyacını ödəməyə imkan verən marketinq sisteminin formalaşmasına gətirib çıxarır.

Kanal üzvülərinin fəaliyyətinin qiymətləndirilməsi. Şirkət hər bir kanal üzvünün fəaliyyətini yoxlamalıdır. Bu zaman kanal üzvünün satış kvotalarını yerinə yetirib-yetirmədiyinin, məhsulların orta satış qiymətinin və s. kimi göstəricilərin öyrənilməsinə ehtiyac yaranır. Fəaliyyətinin qiymətləndirilməsi prosesində müştərilərə müsbət dəyərlər vəd edən vasitəçilər müəyyən edilməli və onlar mükafatlandırılmalıdır. Zəif fəaliyyət göstərən vasitəçilərə dəstək verilməli və son çıxış yolu kimi onlar başqaları ilə əvəz olunmalıdır.