Çoxkanallı paylama sistemləri. Əvvəlki dövrlərdə şirkətlər eyni bazarda və yaxud bazar seqmentlərində məhsullarını satmaq üçün eyni paylama kanallarından istifadə edirdilər. Hal-hazırda isə müştəri seqmentlərinin və kanalların imkanlarının artdığı üçün şirkətlər çoxkanallı paylama sistemlərindən istifadə edirlər. Belə kanallara çox vaxt hibrid – müxtəlif elementlərdən ibarət olan marketinq kanalları da deyirlər. Çoxkanallı paylama firmanın bir və ya bir neçə müştəri seqmentini əldə etmək üçün iki və ya daha çox marketinq kanalları yaratdığı zaman əmələ gəlir. Hazırda demək olar ki, böyük və orta ölçülü şirkətlərin əksəriyyəti öz məhsullarını reallaşdırmaq üçün hibrid marketinq kanallarından istifadə edirlər.
