1. Tema : «Meniń janajan Qaraqalpaqstanım» Jumıstıń maqseti

Tárbiyashi: Balalar sizlerge de aydawshılıq kásipi unay ma?
Balalar juwabı : Awa unaydı men de úlken bolsam mashina aydayman
Tárbiyashi: Balalar aydawshılar ushın jol háreketin kim tártipke salıp turadı?
Balalar juwabı : Jol háreketi qadaǵalawshısı, svetafor tártipke salıp turadı.
Tárbiyashi: Aydawshılıq kásibi oǵırı juwapkershilikli kásip bolıp tabıladı. Sebebi aydawshılar insanlar turmısı ushın juwapker esaplanadı. Ne ushın túsindińizler me?
Balalar juwabı : Awa
Tárbiyashi: Bárekella Balalar sizler jaqsı túsinip alıpsızlar. Tuwrı aydawshılar jolawshılardı, piyadalardıń ómir qáwipsizligin mudamı oylap, dıqqat itibarlı bolıwları kerek.
Balalar házir biz sizler menen «Dıqqat» oyını oynaymiz.
Balalar sheńber formasında turıp aladı. Baslawshı bala tańlap alınıp balalarǵa toptı izbe-iz atadi hám sonday deydi: «Hawa transporti» kim toptı qolǵa alsa, sol bala hawa transportı túrlerin aytıwı kerek yamasa bolmasa jerde juretuǵın transport top qolına tiygen bala jerdegi transporttı sanap ótiwi kerek. Kim transport atın ayta almasa ol oyınnan shıǵadı. Oyın aqırında aktiv bala anıqlanadı hám xoshametlentiriledi. Iskerlik juwmaǵında tárbiyashi balalarǵa aydawshılıq kásibi haqqında qosıq oqıp beredi.
«Aydawshı»
Mashinam jańa,
Qip-qızıl reńi.
Minemen asıqpay,
Joldan aljaspay.

19 -Tema :
«Jol háreketi qaǵıydaların bilesiz be? » temasında sáwbet
Maqset: Balalarda jolda júriw mádeniyatın, kónlikpelerin payda etiw olarda jollarda trotuarlardıń ońınan júriw, joldı belgilengen jaylarınan kesip ótiw qaǵıydasına ámel qılıw hám svetafor hám de jol háreketin tártipke salıwshılardıń basqarıp turıwı haqqında sıpatlama beriw.
Kerekli buyımlar : Túrli syujetli súwretler.
Oraylar : «Balalar kitapxanası» orayı, «Avtomobil turar jayı»
Iskerlik barısı :
Tárbiyashi: Balalar sapqa dizilip Iskerlik ótkerilip atırǵan jolǵa yamasa avtomaydanshaǵa keledi.