1. Tema : «Meniń janajan Qaraqalpaqstanım» Jumıstıń maqseti

21-Tema :
«Asıǵıs operativ háreket xızmetleri»
Maqset: Turmısta ushıraytuǵın ayrıqsha jaǵdaylarda asıǵıs túrde telefonnan paydalanıwdı úyretiw. «101», «102», «103», «104» kásip iyeleri haqqında tolıq túsinik beriw. Turmısta qáwip tuwdıratuǵın waqıya hám hádiyselerge munasábet bildire alıwǵa hám de ózin qorǵawǵa tiyisli háreketlerin úyretiw. Qáwip tuwdıratuǵın zat hám buyımlardı biliwge hám súwretin sıza alıw kónlikpelerin qáliplestiriw. Sheriklikte hám juplıqta islewge úyretiw. Iskerlik dawamında asıqpawǵa, oyın úskenelerinen abaylı bolıwǵa ádetlentiriw.
Kerekli buyımlar : «101», «102», «103», «104» kásip iyeleriniń tanıstırıwshı kórgizbeli qurallar, súwret, oynaw ushın zárúr bolǵan buyımlar.
Oraylar : «Emlewxana», «Asxana», hám «Oyın hám oyınshıqlar» múyeshleri.
Iskerlik orayı :
Tárbiyashi: Áziz Balalar , búgin sizler menen qızıqlı oyın úyrenemiz. Házir biz sheriklikte islew ushın gruppalarǵa bólinip alamız. Onıń ushın mine bul jerdegi forma bóleklerin alamız hám olardıń bólimlerin birlestiremiz. Payda bolǵan nomerlerdi alıp, sol nomerler qoyılǵan stullarǵa otıramız. Hámme óz jayın iyeledi me.
Balalar juwabı : Awa (balalar tayarlap qoyılǵan stullarǵa jaylasadı ).
Tárbiyashi: Balalar, gruppalarda islew ushın «Altın qaǵıydalar»dı esleb alamız.
Balalar juwabı : 1-shınıǵıwda jaqsı otıramız. 2-dıqqat menen qulaq salamız. 3-sorawlarǵa tuwrı juwap beremiz. 4-doslarımızǵa kómeklesemiz. 5- shınıǵıwda aktiv qatnasamız.
Tárbiyashi: Bárekella balalar, qarańlar, stolımızda neler turıptı? «101» nomeri neni ańlatadı? - Órt qawipsizlik xızmetin. «102» nomeri neni ańlatadı? - Miliciya xızmetin. «103» nomeri neni ańlatadı?- Tez járdem xızmetin. «104» nomeri neni ańlatadı?- Gaz xızmetin.
Tárbiyashi: Olarda qanday kásip iyeleri isleydi? Olar qanday wazıypalardı orınlaydı? (tárbiyashi kishkentaylar pikirin ulıwmalastıradı hám sheriklikte islewdiń áhmiyetin túsintiredi).
Tárbiyashi: Balalar , búgin toparımızǵa biz tanısıp atırǵan kásip iyeleri qonaq bolıp kelisken. Házir olar menen sáwbet ótkeremiz. (gezek penen kásip iyeleri óz kásipleri haqqında sóylep beredi).
Tárbiyashi: Balalar , búgin sizler meni oǵada quwantırdıńız. Onıń ushın sizlerdi mazalı zatlar menen siylayman. (Balalarǵa konfetlar tarqatıladı. Kishkentaylar konfet qaǵazlarına qaray juplıqqa bólinip aladı. Hár bir juplıq turmısımız ushın qáwipli bolǵan buyımlardı suwretlep beredi. Tárbiyashi balalar tárepinen tayarlaǵan súwretler kórgizbelerin quraydı hám balalarǵa turmısqa qáwip-qáter tuwdıratuǵın buyımlardıń júdá kópligin hám olardan turmısta tuwrı paydalanıw qaǵıydaların túsindiredi.
Tárbiyashi: (balalardı yarım sheńber formasında ótkerip aladı ). Balalar , endi sizler menen «Men ushın júdá qızıq» oyının oynaymız. (tárbiyashi balalarǵa toptı atıp, «Sizge ne eń qızıq bolıp túyildi? »-dep gezek penen soraydı. Balalar juwabı ulıwmalastırıladı. Kishkentaylar tárbiyashi tárepinen xoshametlentirilip, iskerlik juwmaqlanadı).