1. Tema : «Meniń janajan Qaraqalpaqstanım» Jumıstıń maqseti

24-Tema :
«Meniń shıraylı kemem» temasında sáwbet
Maqset: Balalarǵa suw kólikleri haqqında túsinik beriw. Temanı bekkemlew, sóylew mádeniyatın asırıw, sózlik baylıǵın keńeytiw.
Kerekli buyımlar : Temaǵa tiyisli súwretler, tarqatpa materiallar, balalar dóretiwshiligindegi jumıslardan úlgiler.
Oraylar : Balalar kitapxanası, súwretleytuǵın iskerlik, qurıw soǵıw, oyın hám oyınshıqlar orayı
Iskerlik barısı :
Tárbiyashi: Balalar búgin biz sizler menen átirap álem shınıǵıwında «Meniń shıraylı kemeshem» temasında sáwbetlesemiz. Balalar suw ústi transportına qaysılar kiredi. Olardıń atların maǵan kim sanap beredi?
1-bala : keme, qayıq, paravoz
Tárbiyashi: Bárekella Balalar , bul kóliklerdi ne ushın jer ústi kólikleri dep ataymız?
2-bala : sebebi hámmesi suwda júredi.
Tárbiyashi: Tuwrı Balalar men házir sizlerge «Háziret Nuxtıń» kemesi hám apatqa ushıraw hádiysesi gúrrińin oqıp beremen. Balalar endi bul gúrriń tiykarında soraw -juwap ótkeremiz.
Tárbiyashi: Balalar sizlerge bir jumbaq aytaman hám juwabın tabasızlar, keyin buwınlarǵa ajıratamız.
Qanatı bar usholmaydı
Qurǵaqlay jerdi qushalmaydı
Balalar juwabı : Keme
Tárbiyashi: Endi keme sózin buwınlarǵa ajratamız!
1-bala : Ke-me eki buwınnan ibarat
Tárbiyashi: Bárekella endi Balalar hámmemiz birgelikte keme súwretin sızamız. Sızıw ushın bizlerge neler kerek boladı?
Balalar juwabı : aq qaǵaz hám qálemler
Tárbiyashi: Bárekella kim sızgan keme shıraylı shıǵar eken. Kemeni sızıwda biz qanday formadan paydalanamız?
Balalar juwabı : Yarım sheńber formasınan
Tárbiyashi: Raxmet. Balalar qayıq, keme, paravozlardan neler ushın paydalanamız qáne kim maǵan aytadı?
1-bala : qayiqda otırıp balıq tutıw ushın
2-bala : kemede úlken úlken júklerdi tasıw ushın
3-bala : paravozda aylanıwǵa shıǵıwda, átiraptı baqlawda
Tárbiyashi: Tuwrı Balalar bizge suw astı kólikleri de júdá kerek eken! Balalar kelińler endi birgelikte lego oyınshıqlarımızdan paydalanıp qayiqsha jasaymiz. Tárbiyashi birgelikte qayıqsha isleydi. Shınıǵıwǵa aktiv qatnasqan balalardı xoshametlentiredi.