1. Tema : «Meniń janajan Qaraqalpaqstanım» Jumıstıń maqseti

Tárbiyashi: Qısta ne jawadı?
1-Bala : qar jawadı
Tárbiyashi: Bárekella. Tereklerde japıraqlar bola ma?
1-Bala : bolmaydı.
Tárbiyashi: Qısta hawa rayı qanday boladı?
2-Bala : Suwıq boladı
Tárbiyashi: Qısta adamlar qanday kiyimler kiyedi?
3-Bala : Íssı kiyimler kiyedi
Tárbiyashı: Bárekella, balalar siz súwretlerdi tuwrı táriyipledińiz. Házir men sizge qıs mawsimında maydanshamızda túsken súwretlerimizdi beremen. Siz súwretti jaqsılap qarań. Qıs máwsiminde maydanshada qanday oyınlar oynaymız? Úlkemizde qalatuǵın qustı qalay awqatlantıramız? Súwretke qarap aytıp beriń.
«Bul men. Men ……. (shanada ushıp atırman) » dep, qıs máwsimindegi oyınlardan biri aytıp beresiz hám súwretti alıp diywaldaǵı mine bul úlken qaǵazǵa jabıstırasız.
(batman qaǵaz balalar boyına uqsas etip ilingen boladı. Hámme balalar súwretlerin jabıstırǵannan keyin tárbiyashi sonday deydi: «Balalar , qarańlar mine bul súwrette qıs máwsimınde biz maydanshada qusqa dán berip atırǵanımızdı kórip atırsız»).
Tárbiyashı: Balalar , kelińler birgelikte mine bul qosıqtı tákirarlaymız.
4. Fizikalıq minut : «Qosıq tiykarında háreketli shınıǵıw»
Qar jawadı gúpillep
Qarbaba dúkilletip
Kirip keldi baǵshaǵa
Saqalın silkilletip
Alıp keldi sıylıǵın
Qabırshaq, topsha, úyrek, ǵaz
Bizge berdi barlıǵın.
Tárbiyashı: Balalar , kelińler házir birgelikte qısqı ústki kiyimlerdiń súwretlerin tabamız.
(tárbiyashi balalarǵa Birme -bir túrli máwsimlerge uyqas kiyimlerdi kórsetedi. Balalar qısqı kiyimlerdi tabıwları kerek boladı ).
Tárbiyashı: Balalar jaqında biz qaysı bayramdı bayramladıq?
5-Bala : Jańa jıl bayramı. Arsha bayramı
Tárbiyashı: Tuwrı, basqa bayramlarǵa uqsamaytuǵın arsha bayramın bayramlaymız. Bul bayramdı kútip alıw ushın hámme óz úyinde, kóshelerde, baǵshalarda da arsha aǵashı shıraylı oyınshıqlar menen bezetiledi. Arsha aǵashı átirapında qosıqlar aytamız, oynaymız. Men sizlerge arsha aǵashı haqqında qosıq aytıp beremen.
Tárbiyashı: Qáne Balalar Sizler de arsha aǵashı, jańa jıl haqqında qosıq, jumbaqlar bilesizler me.
6 -Bala : Toǵaydan kelgen qonaq sálem saǵan arsha aǵashı
Jıl boyı kúttik seni biz taǵı kewilli hám shad
10 -Bala : Qısta, jazda birdey kiyimde (arsha aǵashı )
Tárbiyashi: Raxmet Balalar ! Júdáyam shıraylı qosıqlar biledi ekansizler! Balalar men sizlerge jumbaqlar aytaman kim tapsa olarǵa sıylıqlar beremen. Dıqqat penen tıńlań!
Tárbiyashı: Qolsız ayaqsız gúl saladı
11-Bala ; Ayaz baba
Otta jonbaydı suwda shókpeydi (muz)
Kim ol sizlerge qonaqqa kelgen sonday shıraylı gózzal
Tóbesinde juldızsha janar, shaqlarında qarlar jıtırar
Tómennen joqarıǵa hár túrlı oyınshıqlar talay
Bul ne Balalar ? (Arsha aǵashı )
Tárbiyashı: Balalar sizler, menen birgelikte hár túrlı ólshemdegi sırtqı kórinislerden qar adam jasaymız. Onıń ushın bizge (Aq qaǵaz, qayshı, kley, qálem, reńli qaǵazlar ) kerek boladı. Qáne balalar aldımızdaǵı aq qaǵazlarǵa qálem járdeminde hár túrlı ólshemdegi sheńber formaların sızıp alamız. Endi qayshını alıp sheńberlerimizdi qırqıp alamız. Keyin stol ústindegi reńli qaǵazlarımızdı kók reńin alıp oǵan úlken kishi dóńgeleklerdi izbe-izlikde kley menen jabıstırıp alamız. Bárekella qarańlar qar adam forması payda boldı endi qaǵazlarımızdan qar adamımızdıń hawa reń kózlerin, biyday reńnen murnın, qızıl reńnen awızın, kúlreńnen basın qırqıp alamız. Qırqıp alǵan qaǵazlarımızdı izbe-izlilikde jabıstıramız. Balalar hár bir gruppa ózleri jasaǵan qar adamların qáne joqarıǵa kóterińler. Qarań qanday shıraylı qar adamshalar payda boldı. Endi Balalar hámme óziniń qar adamshaların stol ústine qoyıńlar. Raxmet Balalar endi sizlerdi xoshametler astında shıǵarıp salamız.