1. Tema : «Meniń janajan Qaraqalpaqstanım» Jumıstıń maqseti

Itıbarǵa ılayıq tárepi: Balalar ózlerine roller alıp jámáát bolıp islewdi úyrenedi.
33-Tema :
Sanalmaytın ónimlerdiń kólemin ólshew
Maqset: Sanalmaytın ónimler haqqında túsinikke iye boladı, sanalmaytın zatlardıń kólemin biledi, sanalmaytın zatlardıń kólemin ólshey aladı, ólshew ásbapların bilip aladı, ólshew usılların úyrenedi, tábiyat zat hám predmetlerge óz munasábetin ańlatadı.
Kerekli buyımlar hám materiallar : Qumsheker jarma ónimleri, tarqatpa materiallar súwretler, shártli ólshewler
Pán hám tábiyaat orayı : Iskerlik barısı :
1. Sanalmaytın ónimler haqqında túsinikke ıye bolıw
2. Sanalamytın ónimlerdiń kólemin ólshew
3. Ólshew usılları hám ásbaplardı úyreniw
4. Súwretler hám tarqatpa materiallar menen islew
5. Súwretler hám tarqatpa materiallardıı izbe-izlikte qoyıw
6. Balalardı xoshametlew
Qosımsha bólim: Tárezi haqqında maǵlıwmatqa iye bolıw. Balalarda iskerlik processinde aqıl, oylaw aktivlesedi hám baqlaw hám juwmaq shıǵarıwdı úyreniw.
Itibarǵa ılayıq tárepi: Balalarda tábiyatqa hám qorshaǵan ortalıqqa qızıǵıwshılıǵın asırıw hám de sanalmaytın denelerdiń kólemin biliw, ólshew ásbapları haqqındaǵı qıyalların keńeytiw.

34-Tema :
Buyımlar, úskeneler hám ásbap
Maqset: Balalardı qorshaǵan ortalıq haqqındaǵı bilimlerin bayıtıp barıw, jansız tábiaat haqqındaǵı qıyalların qáliplestiriw, topıraq hám suwdan ǵárezsiz ılay tayarlawǵa úyretiw. Olarda gózzallıq túsiniklerin qáliplestiriw, qaǵazdan ıdıs soǵıwǵa qızıǵıwshılıǵın asırıw, ózi jasaǵan zattan zawıq alıw sezimin oyatıw.
Kerekli buyımlar hám materiallar : Ídıslar kompleksi, kórgizbeli qurallar, tarqatpa materiallar, tájiriybe ótkeriw ushın topıraq, suw, qaǵaz, jelim.
Qosımsha bólim: Pape mashe usılında soǵıwdı usınıw.
Jumıstıń áhmiyeti:balalar jámáát bolıp ıdıslar kompleksin tayarlawǵa úyrenedi.
Iskerlik barısı :
Tárbiyashi: Balalar qarań xanamız tórinde ájayıp sırlı sandıqsha turıptı. Sandıqshamızda bir qansha buyımlar jasırınǵan. Sırlı sandıqtı ústinde bolsa jumbaqlar jazılǵan. Eger sol jumbaqlardı taba alsańız ǵana sandıqshamız ashıladı.
Bul jumbaqlardı sizlerge aytaman.
1- jumbaq
Qarsısında da turıptı
Bir qulaǵı bar bir murnı
Basına kiygen taqıya
Balalardıń juwapları (sháynek)
2-jumbaq
Ana bala jemes-ishpes
Dásturqannan ol jaqqa ketpes
Balalardıń juwabı (cháynek kese)
Tárbiyashi: Tuwrı balalar «Sırlı sandıqsha»mız da ashıldı. Qarań onıń ishinde, sháynek, kese, tabaqlar, tarelkalar bar eken. Házir olar haqqında sizlerge aytıp beremen.
Sol payıt qapıdan Bilmesbay kirip keledi. Balalar sálemlesedi.