1. Tema : «Meniń janajan Qaraqalpaqstanım» Jumıstıń maqseti

Juwmaqlawshı bólim:
Kimniń, neniń ornı ózgerdi oyının shólkemlestiriw.
56 -Tema :
Pán hám tábiyat orayı. «Qumnıń qásiyetleri»
Maqset: Qumnıń qásiyetlerin biledi, qurǵaq hám de ızǵar qumdı parıqlap biledi, qurǵaq qumnan nanlar jasap bolmaydı, ızǵar qum shashılmaydı, onnan nanlar islewdi úyrenedi, qorshaǵan ortalıqqa óz munasábetlerin bildire aladı.
Kerekli buyım hám materiallar : qum, qumnan jasalǵan zatlar, súwretler, suw, qumlı qálipler, arnawlı konteynerler.
Iskerlik barısı :
1. Balalar qum, qumnan jasalǵan predmetler hám olardıń súwretin kóriw, slayd tamasha qılıw, tarqatpalardan paydalanıp anıqlama beriw.
2. Ízǵar qum hám qurǵaq qumdı parıqlaw
3. Ízǵar qumnan nanlar soǵıw
4. Qumnıń qásiyetlerin sáwlelendiriwshi súwret hám tarqatpalar menen tanısıw
5. Tarqatpalardı tártip penen izbe-izlikte qoyıw
6. Balalardı xoshametlew.
Qosımsha bólim:
Aylanıwda qum menen oyınlar, qum ıdıslarında tájiriybe tákirarlaw. Balalarda iskerlik processinde sezim, aqıl, oylaw aktivlesedi hám baqlaw hám juwmaq qılıwdı úyreniw.
Sabaqtıń áhmiyeti: Balalarda qorshaǵan-ortalıqqa qızıǵıwshılıqtı asırıw hám de qum, onıń qásiyetleri haqqındaǵı qıyalların keńeytiw.
Tábiyaat hám pán orayında :
Tárbiyashi:
Meniń bilgirlerim súwrettegi ne zat? (Balalar xor dawısta qum deydi). Keyingi súwretti kórsetip (Balalar suw deydi) qarań áziz balajan suwdı qumǵa quysaq ne boladı? (Hámmeleri birgelikte ızǵar qum deydi). Ízǵar qumnan nanlar jasaymız, tuwrı ma balalar? (Balalar tuwrı deydi). Qurǵaq qumdı shashqanda átirapqa shashıladı. Olardan ulıwma nan jasap bolmaydı. (Balalar awa dep tastıyıqlaydı ).
57- Tema :
Dúnyada tınıshlıq
Ózbekstan xalqınıń milliy namısın kókke kótergen. Onıń dúnya saxnasındaǵı ornın bekkemlewde tiykarǵı faktorlardan biri bolıp xızmet etken, uzaq ásirler dawamında pútkil ruwxımızǵa sińip ketken sezimler, onıń watanına bolǵan mehir-muhabbatı bolıp tabıladı. Kewilinde milliy ar-sezimi urıp turǵan insan ǵana óz jurtı ushın ullı jumıslarǵa tayın boladı. Jas áwladtı watanǵa bolǵan sadıqlıq, oǵan húrmet-izzette dúnya kólemine alıp shıǵıw ruwxında tárbiyalaw, áwele ata-ananıń qalaberse pedagog tárbiyashilardıń múqaddes minneti.
Maqset: balalarǵa dúnyada tınıshlıq túsiniginiń mazmun mánisin jetkiziw ǵárezsizlik ullı naǵıymet ekenligin sıńırıw balalar sanasına, ǵárezsiz gúrriń dúziw kónlikpesin qáliplestiriw. Balalarda baylanısqan sóylewdi rawajlandırıw tuwrı gáp dúziwdi úyretiw soraw juwaplar shólkemlestiriw, jámáát bolıp háreket etiwge úyretiw. Shınıǵıwda ózin tutıw kónlikpelerin qáliplestiriw.
Qızıqlı soraw juwaplar arqalı balalardı pikirlerin olardıń mazmunın rawajlandırıw.
Kerekli buyımlar : Ǵárezsizlik maydanı, bayram nápesi súwretlengen súwretler, dúnya balaları sáwlelengen súwretler.
Iskerlik barısı:Tárbiyashı balalarǵa dúnyada tınıshlıq bolıwı haqqında hám de Qaraqalpaqstan Respublikası onıń ǵárezsizlikke eriskeni abat hám párawan turmısımız, úlkemizdegı ózgerisler, tınısh hám tap-taza aspanımız haqqında maǵlıwmat beredi. Sonnan keyin gruppadaǵı balalardan ǵárezsizlik, watan túsinikleri haqqında soraydı.
Balalar bilgenlerin bayanlaydı.
1-bala : Ǵárezsizlik bul jaqsı jasaw, erkinlik, hesh kimge ǵárezli bolmaw.
2-bala : Watan bul úyimiz, kóshemiz, qalamız, abat máhellemiz, abat awılımız, tuwılǵan jayımız.
Tárbiyashi: Balalar sizlerdiń juwaplarıńızdan sonday juwmaqqa kelemiz.
Watan tuwılǵan jayımız ana qalamız! Onıń abadanlıǵı hám párawanlıǵı paraxatshılıqtı ushın bárshemiz birdey juwapkermiz!
Ǵárezsizlik bolsa eń qımbatbaha naǵıymet onı qádirlew, asıraw hár birewimizdiń úlken maqsetimizge aylanıwı kerek.
Tárbiyashı: Balalardı gruppalarǵa ajıratıp, hár bir gruppaǵa «Ǵárezsizlik maydanı, tınıshlıq tımsalı» súwretin tarqatadı. Tárbiyashi usı súwretlerge qaray hár bir gruppadaǵı balalarǵa atqaratuǵın jumısları haqqında túsinik beredi. Bunda balalardan súwretke qaray gúrriń dúziwi soraladı. Hárbir gruppa 4-5 dana baladan ibarat boladı. Olarǵa túrli tapsırmalar beriledi.
1-gruppadan súwrettegi qızlar hám ul balalar sanın anıqlaw soraladı.
2-gruppa bolsa olardıń keypin hám háreketlerin aytıp beriwleri kerek.
3-gruppa bolsa súwrettegi balalar kiyimlerin hám reńlerin súwretlew wazıypaları beriledi.
Sonnan keyin tárbiyashi aktiv qatnasqan gruppalardı xoshametlentiredi. Keyin balalarǵa ullı oyshıllardıń pikirlerin aytıp beredi.
Leonel Messi: Baxıtlı hám mıyıq tartıp atırǵan balanı kóriwden de úlkenlew quwanısh joq, balalardıń kúlkisi dúnyadaǵı barlıq baylıqtan qımbat.
Jalaliddin Rumiy: balalar dúnyanı bilmegeni hám onnan zerikpegeni ushın pák bolıp tabıladı hám biliw ármanı menen jasaydı.
Avgustinus Sanktus: Dúnya kitap bolıp tabıladı sayaxat etpegenler onıń bir betin ǵana oqıǵan.
Alisher Nawayı: Dúnya dorul xawası hám oǵan kewil bóliw ǵapletten bolıp tabıladı.
Tárbiyashi: Balalar bilip aldıńiz ba ullı oyshıllarımız da dúnyada bárháma tınıshlıq bolıwın qálegen, hám joqarıda aytıp ótken pikirlerin bildirgen.
Sonnan keyin tárbiyashı taǵı bir márte Qaraqalpaqstan Respublikası ǵárezsizlik bayramın tınıshlıq sıyaqlı túsinikleri mazmunın kórsetip beredi.
Tárbiyashı balalarǵa tómendegi sorawlar menen múráját etedi.
1. Watan degende neni túsinesiz?
2. Ǵárezsizlik degende neni túsinesiz?
3. Tınıshlıq ne?
4. Biz qanday jurtda jasaymız?
Balalar tárbiyashiniń sorawlarına juwap beredi. Bilgen túsingen pikirlerin aytıp beredi.
Iskerlik juwmaǵında olar menen birgelikte orınlanǵan jumıslar analiz etiledi, hám aktiv qatnasqan balalar xoshametlantiriledi.