Tərkibi və xassələri. Qonur yarımsəhra torpaqları daxilində gillicəli növmüxtəliflikləri ilə yanaşı, qumsal və qumlu torpaqlar da geniş yayılmışdır. Qranulometrik tərkibin səciyyəvi cəhəti – lil fraksiyasının profilboyu bərabər paylanmasıdır. Şorakətləşmənin dərəcəsi artdıqca profilin bu hissəsində lil hissəciklərinin miqdarı da artır.Ümumi analiz SiO2, Al2O3, Fe2O3, CaO, MgO, Na2O və başqa oksidlərin profilboyu qeyri-bərabər paylandığını göstərir. Bk karbonat horizontunda kalsium və maqneziumun üç valentli oksidləri daha yüksək çəkiyə malikdir.
