1. yo’sintoifalar bo’limi ( oddiy marshantsiya, sfagnum mohi va kakku zig’iri)

Sinfcha (ajdodcha). Magnoliyakabilar -Magnolhdae.
Bu sinfchaga 18 ta qabila, 43 ta oila, 340 turkum va 10000 ga yaqin tur kiradi.
Magnoliyanamolar-Magnoliales qabilasi.
Bu qabilaga 3 ta degeneriyadoshlar, magnoliyadoshlar va ximantradoshlar oilalari kiradi.
Degeneriyadoshlar (Degeneriaceae) oilasi
Bu oila magnoliyanamolar qabilasining eng qadimgi oilalaridan hisoblanadi. Uning vakillari Fidji orolida uchraydi. Eng harakterli belgisi bu oilaning - changchilari, karpell (meva barglari), chang donachalarining qobig’i, urug'i, og’izchasi va o’tkazuvchi sistemalari sodda (primitiv) tuzilishga ega. Murtagi 3 yoki 4 urug'pallali.
Bu oilaga bitta turkum (degeneria) va bitta tur (d.vitiensis) kiradi.
Bu tur 1942 yili Amerikalik botaniklar anatom Irving Beyli va sistematik Albert Smitlar tomonidan kashf qilingan. Degeneriyaning kashf etilishi bu botanikada katta sensatsiya bo'lgan. Chunki degeneriyalar eng primitiv gulli o'simlik bo'lib, u yer sharida faqat Fidji orolida uchraydi. Degeneriya baland bo’yli daraxt bo'lib, tirqishsimon yorilgan po’st bilan o’ralgan. Barglari oddiy, barg yaprog’ini teng ikkiga bo'lib turuvchi barg tomiri bor. Gullari o’rtacha kattalikda bo'lib, yakka-yakka holda joylashgan, ikki jinsli, kosacha bargi 3 ta, kichik, u urug'da saqlanib qoladi. Gultoji 12 ta, 3 yoki 4 ta doira bo'lib joylashgan.
Gultojbarglari gul kosasiga nisbatan ancha yirik, lekin anatomik tuzilishi jihatidan ular bir-biriga yaqin turadi. Changchilari cheksiz (32 tagacha), 3 qator bo'lib joylashadi. Urug'chisi bitta yoki ikkita mevachi bargdan (karpell) tashkil topgan. Urug'chi tumshuqchasi uncha taraqqiy qilmagan, u asosan tuksimon tuzilishda bo'lib changni ushlab qolishga moslashgan.
Degeneriyalar asosan qo’ng’izlar yordamida changlanadi. Shu sababdan degeneriyalar gulida juda ko'p sonda sarg’ish qo’ng’ir rangli kichkina qo’ng’izlarni uchratish mumkin.
Degeneriya mevasi ancha yirik bo'lib, uning uzunligi 5 sm ga yetadi. Eng qiziqarli tomoni degeneriyalar urug'ining murtagi 3 yoki 4 urug'pallalardan iborat.