12-tema. Mektepke shekemgi bilimlendiriw mekemelerinde isbilermenlik oyınları texnologiyası. Joba

Didaktikalıq oyınlı shınıģıwlardıń ózine say ózgeshelikleri

Didaktikalıq oyınlı shınıģıwlar	Temanıń mazmunı qanday bolģanda usı shınıģıwdan paydalanıladı	Shınıģıwlardıń didaktikalıq funkciyaları	Talabanıń xızmeti
Syujetli-rolli	Pánniń túrli tarawlarında qolģa kirgizilgen jetiskenliklerdi jarıtıw, pánler aralıq baylanıslardı ámelge asırıw, tábiyattaģı hám kúndegi turmıstaģı mashqalalardı sheshiw imkaniyatına iye bolģanda	Kúndelik turmıstaģı social qatnasıqlardı, tábiyat ob’ektleri hám tábiyiy hádiyseler arasındaģı baylanıslar hám baylanıslardıń kórkem-ádebiy tárizde jarıtılıwı	Belgili bir rollerdi atqarıw arqalı, bilim, kónlikpelerdi iyelew
Dóretiwshilik oyın	Burın ózlestirilgen bilim hám kónlikpelerdi rawajlandırıw imkaniyatı bolģanda	Mashqalalı jaģdaylarda burın ózlestirilgen bilim hám kónlikpelerdi dóretiwsheńlik penen qollanıw arqalı sheshiw	Dóretiwshilik izleniw arqalı jańa temanı ózlestiriw
Isbilermenler oyını Aukcion	Túrli ob’ektlerge xarakteristika beriw, olardı salıstırıw imkaniyatı bolģanda	Jámiyettegisocial ekonomikalıq múnásibetler arqalıtalabalardıń dún’ya qarasın keńeytiw, kásipke baģdarlaw	Aukcionda qatnasıw arqalı taza temanı ózlestiriw
Konferenciya	Pánniń túrli tarawlarına tiyisli bilimler jámlengen hám qolģa kirgizilgen jetiskenliklerdi jarıtıw, pánler aralıq baylanıslardı ámelge asırıw imkaniyatı bolģanda	Qosımsha hám jergilikli materiallar menen tanıstırıw, ilimiy, ilimiy jergilikli ádebiyatlar menen erkin islew, jaslardı erkin turmısqa tayarlaw, kásipke baģdarlaw	«Alımlar» dárejesin alıp belgili bir temalarda izlenisler alıp barıw
Baspa sóz konferenciyasi	Pánniń túrli tarawların qamtıp alģan, talabalardıń burın ózlestirgen bilimlerinen paydalanıw kerek bolģanda	Qosımsha hám jergilikli materiallar menen tanıstırıw, ilimiy, ilimiy jergilikli ádebiyatlar menen erkin islew	«Alımlar» dárejesin alıp belgili bir temanı ózlestiriw

Oqıtıwshı pedagog didaktikalıq oyınlı shınıģıwlardı ótkeriwge qızģın tayarlıq kóriwi hám onı ótkeriwde tómendegi didaktikalıq talaplarģa boysınıwı talap etiledi:

1. Didaktikalıq oyınlı shınıģıwlar dástúrde belgilengen temalardıń ilimiy, tárbiyalıq hám rawajlandırıwshı maqset hám de wazıypaların sheshiwge qaratılģan bolıwı;
2. Jámiyettegi hám kúndelik turmıstaģı zárúr mashqalalarģa baģıshlanģan bolıp, olar oyın barısında sheshiliwi;
3. Kámil insandı tárbiyalaw principlerine hám shıģıs ádep-ikram normalarına say keliwi;
4. Oyın dúzilisi jaģınan logikalıq izbe-izlikte bolıwı;
5. Shınıģıw barısında didaktikalıq principlerge ámel qılınıwı, eń kem waqıttıń sarıplanıwına erisiw kerek.
Tómende «Kásip pedagogikası» pánin oqıtıwdı shólkemlestiriw hám ótkeriwi múmkin bolģan didaktikalıq oyınlı shınıģıwlardan ayrımlarına túsinik beriledi.
Didaktikalıq oyınlı shınıģıwlar arasında konferenciya shınıģıwları da orın alģan.
Konferenciya shınıģıwları talabalardı biliw xızmetin jaqsılawda, ilimiy dún’ya qarasın keńeytiwge, qosımsha hám jergilikli materiallar menen tanıstırıwda, ilimiy hám ilimiy-ģalabalıq ádebiyatlar menen turmısqa tayarlawda zárúr áhmiyetke iye boladı.
Konferenciya shınıģıw ótiwden aldın shınıģıw teması, maqset hám wazıypaların belgilep, usı temaģa tiyisli qosımsha ilimiy hám ilimiy-ģalabalıq ádebiyatlar kózden ótkeriledi. Shınıģıwdı ótkermesten bir hápte burın shınıģıw teması járiyalanıp, oģan tayarlıq kóriw ushın ádebiyatlar usınıladı. Bul shınıģıwda «Alımlar» rolin tańlaw, temanı hár tárepleme jarıtıw, lekciya tayarlaw talabalardıń erkinde boladı.
Ilimiy konferenciya shınıģıw ótkeriw tómendegishe boladı:
I. Oqıtıwshınıń kiris sózi. Bunda oqıtıwshı shınıģıwdıń teması, maqset hám wazıypaları, tiyisli rollerdi atqarıwshı «Alımlar» menen talabalardı tanıstıradı.
II. Ilimiy lekciyalardı tıńlaw. «Alımlar» teması boyınsha tayarlanģan lekciyalardı kórgizbeli qurallar arqalı aytıp beredi.
III. Lekciyalardı talqılanıwı. Bunda «Alımlar» hám topardaģı basqa talabalar arasında tema boyınsha pikir talas ótkeriledi.
IV. Ilimiy konferenciya juwmaģı. Oqıtıwshı tema boyınsha eń zárúr túsinik hám pikirlerin aytıp, sabaqtı juwmaqlaydı.
V. Talabalardı bahalaw. Shınıģıwda belsene qatnasqan talabalar xoshametlenedi hám reyting istemasına muwapıq bahalanadı.
VI. Úyge tapsırma beriw.
VII. Shınıģıwģa ulıwmalıq juwmaq.
«Kásiplik tálim metodları» temasında ótkeriletuģın ilimiy konferenciya shınıģıw tómendegi joba boyınsha ótkeriliwi múmkin.
Tema: «Kásiplik tálim metodları».
Shınıģıw barısı:
I. Shólkemlestiriw bólimi:
II. Talabalardı shınıģıwdıń teması, maqset hám barısın menen tanıstırıw.
Bul shınıģıwdı ótkeriwden bir hápte burın talabalardı tórt toparģa ajıratamız hám olarģa pedagogika páni tarawında xızmet etip atırģan «Alımlar» dárejesin beremiz.
III. Jańa temanı úyreniw: Talabalar toparı óz qániygeliklerine tiyisli bolģan tómendegi temalardan biri boyınsha lekciya tayarlaydı.
1. Kásiplik tálim metodları hám olardıń xarakteristikası.
2. Reproduktiv hám mashqalalı izleniw metodları.
3. Islep shıģarıw processinde interaktiv metodlar.
Hár bir baģdar boyınsha «Alımlar» dárejesin alģan talabalar ózlerine tiyisli tema boyınsha kórgizbeli qurallar arqalı qosımsha materiallardan paydalanģan halda lekciya tayarlaydı. Lekciyalar tamamlanģannan keyin bolsa, talabalar arasında pikir talas ótkeriledi. Tómende didaktikalıq oyın texnologiyasınıń konferenciya metodınan paydalanılģan shınıģıwdıń texnologiyalıq kartası keltirilgen.