13-mavzu. Moliyaviy natijalar hisobi

89-jadval
Favquloddagi foyda (zarar)larni hisobga oluvchi schyotlar (9700)ning bog’lanishi

№	Xo’jalik muomalalarining mazmuni	Schyotlarning bog’lanishi
		Debet	Kredit
1	Favqulodda xodisa (tabiiy ofat) natijasida uskunalar, materiallar, tovarlar kirim qilindi	0710-0720, 1010-1090, 2910-2990	9710
2	Tabiiy ofatdan keyin o’tkazilgan inventarizatsiya natijasida aniqlangan uskunalarning kamomadi	9720	0710-0720
3	Tabiiy ofat tufayli yo’qotilgan turli xil moddiy qiymatliklar hisobdan chiqarildi	9720	1010-1090, 1110-1120
4	Tabiiy ofat tufayli tugallanmagan ishlab chiqarishdagi yo’qotishlar	9720	2010, 2110, 2310
5	Xizmat ko’rsatuvchi xo’jaliklarning tabiiy ofatdan ko’rgan zarari hisobdan chiqarildi	9720	2720
6	Tabiiy ofatlar natijasida tayyor mahsulot, tovarlarning yo’qotilishi	9720	2810-2890, 2910-2990
7	9710 “Favquloddagi foydalar” schyotining yopilishi	9710	9910
8	9720 “Favquloddagi zararlar” schyotining yopilishi	9910	9720

9. Moliyaviy natijalardan to’laydigan soliqlar, to’lov va yig’imlar hisobi.

Qonunchilikda belgilangan daromad (foyda) solig’i bo’yicha yil davomida hisoblangan bo’nak to’lovlari va qayta hisoblash bo’yicha haqiqatda foydadan to’lovlarni hisobga olish uchun quyidagi schyotlar mo’ljallangan:
9810 “Daromad (foyda) solig’i bo’yicha xarajatlar”;
9820 “Foydadan hisoblangan boshqa soliqlar va yig’imlar bo’yicha xarajatlar”.
Yil davomida byudjetga soliqlar, yig’imlar va byudjetga boshqa ajratmalar bo’yicha hisoblangan to’lovlar 9810 “Daromad (foyda) solig’i bo’yicha xarajatlar”, 9820 “Foydadan hisoblanadigan boshqa soliq va yig’imlar bo’yicha xarajatlar” schyotining debetida byudjetga to’lovlar bo’yicha qarzlarni (turlari bo’yicha) hisobga oluvchi schyotlar bilan bog’langan holda aks ettiriladi.
Hisobot davri tugashi bilan yillik moliyaviy hisobot tuzilganda 9810 “Daromad (foyda) solig’i bo’yicha xarajatlar”, 9820 “Foydadan hisoblangan boshqa soliq va yig’imlar bo’yicha xarajatlar” schyoti 9910 “Yakuniy moliyaviy natija” schyoti bilan bog’langan holda yopiladi.
Soliqlar va yig’imlarni to’lash uchun foydaning ishlatilishini hisobga oluvchi schyotlar bo’yicha analitik hisob soliqlar, yig’imlar, ajratmalar va to’lovlarning turlari bo’yicha yuritiladi.
Soliqlar va yig’imlarni to’lash uchun foydaning ishlatilishini hisobga oluvchi schyotlar (9800)ning bog’lanishi