Darsda belgilangan vazifalar tahlili: O'qituvchi darsni taxminan rejalashtirar ekan rejadagi sifatlarni bolalarga o'rgatish va
ularda shu ko'nikma va malakalarni qanday shakllantirish yo'llarini izlashi lozim. Buning uchun
o'qituvchi o'zini o'quvchi urnida tasavvur etib, bu ko'nikma va malakalarni bir necha qismlarga
bo'ladi. Shundan keyingina o'qituvchi har bir qismni ko'rgazmali tashkil etadi va belgilangan
ko'nikmani o'quvchi egallashini ta'minlaydi. Ba'zi o'qituvchilar belgilangan ko'nikmani talabaga
o'rgatish uchun boshidan oxirigacha ko'rsatib, gapirib beradi. Bunda “tugal material” (ya'ni izohlangan ko'nikma) odatdagi kabi dars jihozi hisoblanadi.
O'qituvchi modelni tushuntirgach talaba mustaqil ish paytida unutib qo'yishi o'qituvchidan
unutgan qismini qayta so'rashi mumkin. Masalan, men 4 - qismni unutdim, mumkin bo'lsa menga yana bir ko'rsating. Shundan keyin o'qituvchi talabaga eslatish uchun individual yordam beradi. Yoki talaba ko'rsatilgan ko'nikmani bajarayotganda o'qituvchi yo'l ko'rsatib turadi. Siz 3 - qismni to'g'ri bajardingiz. Siz 4 - qismdasiz orqaga qaytib, ishni boshidan boshlab bajaring. Tekshirib
ko'ring, to'g'ri bajardingizmi? kabi. Talaba bajarishi kerak bo'lgan ishni ko'radi va nusxa
ko'chirgan kabi bajarib, unutganini eslaydi.
O'qituvchi ishni yaxshi bajargan o'quvchilarni rag'batlantiradi.
Darsni optimal tashkil etishning birdan bir yo'li talabalarning o'z faoliyatini tanqidiy
nazorat qilishi va xatolarini bartaraf eta bilishidir. Faqat shundagina talabalar yanada ko'prok
ko'nikmalarni egallaydilar. Ular ongli fikrlash va yanada yaxshirok tushunishga erishadilar.
O’z-o’zini tekshirish uchun savollar: 1. Ta'lim jarayoniga pedagogik texnologiyalarni loyihalash metodi deganda nima tushiniladi?
2. O'quv jarayonini loyihalashtirish deganda nimani tushunasiz?
3. O'qitish jarayonining tuzilishi, uni loyihalash va loyihalash bosqichlari.
4.O'quv maqsadlari, turlari va ularni loyihalash deganda nima tushiniladi?
5.O'quv maqsadlarini oydinlashtirish deganda nima tushiniladi?
6.O'qitish jarayonining umumlashgan pedagogik texnologiyalariga izoh bering.
7. O’qituvchi oldiga qo’yilgan vazifalar nimalardan iborat?
8. Darsni o'tkazish modelini izohlab bering?
