14-ma'ruza. Ekspert tizimlar turlari, yaratish bosqichlari va sinflari

Predmetli bilimlar predmet sohasi va qo`yilgan masalalarni yechishda ushbu ma’lumotlarni shakllantirish usullari haqidagi bilimlarni saqlaydi. Belgilab qo`yish lozimki, predmet bilimlariga qaraganda namoyish haqidagi bilimlar va boshqaruvchi bilimlar metabilimlar hisoblanadi. Predmet bilimlarda tasvirlovchilar va shaxsan predmet bilimlarni ko`rsatish mumkin.
Tasvirlovchilar qoida va ma’lumotlarning aniqlik koeffisiyenti, muhimlilik va murakkablik o`lchovlariga o`xshash predmet bilimlari haqidagi aniq axborotni saqlaydi. Predmet bilimlarining o`zi faktlar va bajariluvchi tasdiqlarga bo`linadi. Bajariluvchi tasdiqlar masala yechimi yo`lida predmet sohani tasvirlashni qanday o`zgartirish haqidagi bilimlarni saqlaydi. Faktlar predmet sohasining xarakteristikalarini aniqlaydi. Boshqacha qilib aytganda, bajariluvchi tasdiqlar – bu qayta ishlash protseduralarini beruvchi bilimlar. Biz faqat «protsedurali bilimlar» terminini ishlatishdan qochamiz, chunki bu bilimlar nafaqat protsedura shaklida, balki deklorativ shaklda ham berilishi mumkin.



14.1-rasm. Izohlanuvchi va izohlanmaydigan bilimlar.

Boshqaruvchi bilimlarni fokuslovchi va yechuvchi bilimlarga bo`lish mumkin. Fokuslovchi bilimlar bir yoki boshqa holda qanday bilimlarni ishlatish kerakligini tasvirlaydi. Odatda fokuslovchi bilimlar mos farazlarni tekshirishda maqsadga muvofiq bo`lgan muhim obyekt va qoidalar haqida ko`plab ma’lumotlarni saqlaydi. Birinchi holda diqqat IX elementlariga, ikkinchisida – BB qoidalariga fokuslanadi. Yechuvchi bilimlar joriy holatga mos keluvchi bilimlarni izohlash usullarini tanlash uchun qo`llaniluvchi bilimlarni saqlaydi. Bu bilim berilgan masalani yechish uchun yanada samaraliroq strategiya yoki evristikalarni tanlashda ishlatiladi.

Izohlanmaydigan bilimlar muloqot tilining leksikasi va grammatikasi haqidagi bilimlarni saqlovchi «yordamchi» bilimlar va «qo`llab - quvvatlovchi» bilimlarga bo`linadi. «Yordamchi bilimlar» tabiiy til komponenti tomonidan qayta ishlanadi, lekin bu qayta ishlash jarayonining qanday borishini bilimlar injeneri tushunmaydi, chunki boshlang`ich ma’lumotlarni qayta ishlashning bu bosqichi expertiza o`tkazishda yordamchi hisoblanadi. «Qo`llab - quvvatlovchi» bilimlar tizimni yaratishda va tushuntirishlarni bajarishda qo`llaniladi. «Qo`llab - quvvatlovchi» bilimlar izohlanuvchi bilimlarda bo`lganidek, tizim harakatlarini ham tushuntiradi. «Qo`llab-quvatlovchi» bilimlar texnologik va semantik bilimlarga bo`linadi. Texnologik bilimlar ular tomonidan tasvirlanayotgan bilimning yaratilgan vaqti, bilimlar muallifi va boshqalar haqidagi ma’lumotlarni saqlaydi.
Semantik bilimlar ET da bilimlarning mazmunli tasvirlanishini o`zida saqlaydi. Ular bilimlarni kiritish sabablari haqida, bilimlarning belgilanishi haqidagi bilimlarni saqlaydi, bilimlardan foydalanish usullari va olinadigan samarani tasvirlaydi.
ETning sifatiy va miqdoriy ko`rsatkichlari bilimlar haqidagi bilimlar orqali, ya’ni metabilimlarni qo`llash hisobiga yanada yaxshilanadi.
Metabilimlarning mumkin bo`lgan vazifalarini sanab o`tamiz [1-5]:
- strategik metaqoida haqidagi metabilimlar relevant qoidalarni tanlashda qo`llaniladi;
- metabilimlar expertiza sohasidagi qoidalarni qo`llashning maqsadga muvofiqligini asoslash uchun ishlatiladi;
- metabilimlar predmet qoidalarda sintaktik va semantik xatolarni to`g`rilashda foydalaniladi;
- metaqoidalar predmet - qoida va funksiyalarni qayta qurish yo`li bilan tizimni atrofga moslashishiga imkon beradi.
- metaqoidalar tizimning cheklanishi va imkoniyatlarini aniq ko`rsatish imkonini beradi, ya’ni tizim nimani bilishi va bilmasligini aniqlaydi.