26. Temir yo‘l stansiyalarida harakat xavfsizligini ta’minlash Tayanch iboralar

4.3-rasm. Saralash tepaligi operatorining ish jarayoni


Saralash tepaligi navbatchisi operatorining lavozim majburiyatlariga quyidagilar kiradi:

• 
  mexanizatsiyalashgan va avtomatlashtirilgan saralash tepaligi boshqaruv pulьtidan tarkiblarning tarqalishini boshqarish;
  
• 
  saralash parkining bo‘g‘zida manyovr harakatlarini va tarkiblarni tarqatish jarayonida uzilmalar yo‘nalishi marshrutlarini tayyorlash uchun markazlashtirilgan strelkalarni o‘tkazish va signallarni boshqarish.
  
• 
  uzilmalar orasidagi intervallarni saqlash va vagonlarning ruxsat etilgan bir biriga ulanish tezliklarini nazorat qilish;
  
• 
  nazorat va o‘lchash asboblari ko‘rsatgichlari bo‘yicha saralash qurilmalarining to‘g‘ri ishlashini nazorat qilish;
  
• 
  uzilmalar yo‘nalishlarining saralash varoqi ma’lumotlari bo‘yicha mosligini kuzatish.
  

Park navbatchisi – bu temir yo‘l transportida eng muhim va ma’sulyatli lavozimlaradan biri bo‘lib, uning asosiy vazifasi temir yo‘l stansiyasi parkida manyovr ishlari va poyezdlar harakatini boshqarish hisoblanadi.
DSPPning lavozim majburiyatlariga quyidagilar kiradi:

• 
  stansiya parkida me’yoriy hujjatlar talablariga muvofiq tarkiblarni qayta ishlash va harakat xavfsizligi bo‘yicha ishlarini ta’minlash;
  
• 
  tarkiblarni texnik xizmat ko‘rsatish va tijorat ko‘rigiga taqdim etish va ularning tayyorligini nazorat qilish;
  
• 
  stansiya parkida tarkiblarga vagonlarni o‘lash va uzish bo‘yicha manyovr ishlarini bajarishni tashkil etish;
  
• 
  tarkibning uzunligi va og‘irligi o‘zgarganda poyezdning natura varog‘iga tuzatishlar kiritish va vagonlarning tugallangan joylashuviga muvofiq tashish hujjatlarini jamlash;
  
• 
  stansiyaning TBDda belgilangan tartib va me’yorlarga muvofiq parkning yo‘llarida tarkiblarning tormoz qurilmalari bilan mahkamlanganligini nazorat qilish;
  
• 
  ogohlatirish blanklarini (DU-61) rasmiylashtirish va ularni poyezdlarga berish, lokomotiv brigadalarining yo‘nalishlarini belgilash va ularga tashish hujjatlarini taqdim etish;
  
• 
  stansiyaning smenalik ish rejasini bajarishda ishtirok etish;
  
• 
  temir yo‘l va MTUUK tomonidan manyovr ishlarini bajarish, poyezdlar harakatini tashkil etish, mehnat, texnika va harakat xavfsizligini ta’minlash bo‘yicha beriladigan ko‘rsatmalar, farmoyishlar va buyruqlarni bajarilishini ta’minlash.