Ma‟muriy javobgarlik to„g„risidagi kodeksi alohida o„rin
tutadi.O„z navbatida jinoiy jazolarning liberallashuvi va jinoiy-huquqiy siyosatda yuz
berayotgan jiddiy o„zgarishlar Mamuriy javobgarlik to„g„risidagi kodeksning ham
takomillashuviga, unga davr talabidan kelib chiqib qator o„zgartish va qo„shimchalar
kiritilishga sabab bo„ldi. Xususan, 1994 yilda qabul qilingan mazkur Kodeksga
o„tgan davr mobaynida 60 martadan ko„proq o„zgartish va qo„shimchalar kiritilgan.
Konsepsiyada faol rivojlanib borayotgan demokratlashtirish jarayonlarini
inobatga olgan holda O„zbekiston Respublikasining
Mamuriy javobgarlik to„g„risidagi kodeksini har tomonlama qayta ishlash va yangi tahrirda qabul qilish
taklifi ilgari surildi. O„z navbatida, mazkur Kodeksni qabul qilish zarurati quyidagilar
bilan izohlanadi:
Birinchidan, Ma‟muriy javobgarlik to„g„risidagi kodeksning yangi tahriri sud-
huquq tizimini liberallashtirish munosabati bilan ma‟muriy qonunchilik, jinoiy-
huquqiy siyosatda yuz bergan katta miqyosdagi prinsipial o„zgarishlarni o„zida
tizimli va keng ko„lamli tarzda aks ettirishi lozimligi bilan belgilanadi. Bunda
avvalambor, ayrim qonunbuzarlik holatlarini jinoiy yurisdiksiyadan ma‟muriy
yurisdiksiyaga o„tkazishni nazarda tutish zarur.
Ikkinchidan, ma‟muriy huquqbuzarlik to„g„risidagi ishlarni ko„rishning
protsessual mexanizmlarini takomillashtirish, yanada demokratlashtirish lozim.
Uchinchidan, Kodeks bilan tartibga solinadigan sohada qonuniylikni ta‟minlash
va fuqarolarning huquqlarini ishonchli himoyalash bo„yicha chora-tadbirlarni
belgilash kabilar shular jumlasidandir.
Bundan tashqari, Kodeksning yangi tahrirda qabul qilinishi bugungi kunda
o„nlab normativ-huquqiy hujjatlarda o„z aksini topgan ma‟muriy javobgarlikka oid
qonunchilikning unifikatsiyalashuvini ham ta‟minlashga xizmat qiladi.
Mamlakatimizda
huquqiy
davlat
asoslarini
takomillashtirishda
