Hozirgi kunda hududlarda 6 ta ijod maktabi faoliyat yuritmoqda. Jumladan, Namangan viloyatida Ishoqxon Ibrat, Jizzax viloyatida Hamid Olimjon va Zulfiya, Qoraqalpog‘iston Respublikasida Ibroyim Yusupov, Qashqadaryo viloyatida Abdulla Oripov, Farg‘ona viloyatida Erkin Vohidov, Andijon viloyatida Muhammad Yusuf nomidagi ona tili va adabiyoti hamda chet tillarga ixtisoslashtirilgan maktab-internatlar faoliyat ko‘rsatmoqda.
2019-2020 o‘quv yilidan Xiva shahrida Muhammad Rizo Erniyozbek o‘g‘li Ogahiy, Guliston shahrida Halima Xudoyberdiyeva nomidagi ijod maktablari faoliyati yo‘lga qo‘yiladi.
O‘zbekiston Yozuvchilar uyushmasi tomonidan o‘quvchilarning yosh xususiyatlarini inobatga olgan holda, jahon hamda milliy musiqa, kino, haykaltaroshlik, tasviriy san’at va boshqa ijodiy yo‘nalishlardagi eng nodir 100 ta asar ro‘yxati shakllantirilib, har bir maktabga 10 nafardan taniqli shoir, yozuvchi va adabiyotshunoslar biriktirilgan.
O‘zbekiston Respublikasi Madaniyat vazirligi, O‘zbekiston Respublikasi Fanlar akademiyasi, O‘zbekiston Badiiy akademiyasi, “O‘zbekkino” Milliy agentligi, O‘zbekiston kompozitorlari va bastakorlari uyushmasi, O‘zbekiston teatr arboblari uyushmasi, O‘zbekiston jurnalistlari ijodiy uyushmasi bilan birgalikda reja asosida ijodiy uchrashuvlar, mahorat saboqlarini o‘tkazib borish rejalashtirilgan.
SAVOL VA TOPSHIRIQLAR
1. STEAM – Science faniga qanday izoh bering?
2. STEM shaxs rivojining ijodiy aspektining o’ziga xosligini izohlang.
3. Iqtidorli bola shaxsining o‘ziga xosliklari nimalarda namoyon bo’ladi?
4. “Noosfera” modeli o’ziga xosligini izohlang.
5. TRIZ va ARIZ. Prezident maktablarining o’ziga xosligini izohlang.
6.Ijod maktablarini tushuntirib bering.
Dostları ilə paylaş: |
