Bizga m a’lumki, elektr energiya ishlab chiqarish jarayoni murakkab bo'lib, u issiqlik elektr stansiyalarida, gidroelektr stansiyalarda atom elektr stansiyalarida amalga oshiriladi. Issiqlik elektr stansiyalarining ishlash jarayonini misol qilsak, u yerda ishchi jism bo‘lgan suv bug‘ining issiqlik energiyasi mexanik energiyaga aylanishi hisobiga elektr energiyasi hosil bo‘ladi. Bu esa turbogeneratorlarda amalga oshiriladi. Demak, turbinaning vazifasi ikkita ketma-ket jarayondan tashkil topgan bo'lib, biri — bug'ning issiqlik energiyasini kinetik energiyaga, ikkinchisi — kinetik energiyani mexanik energiyaga aylantirib beradi. Turbina stator va rotor qismlariga bo'linadi. Stator bu - qo‘zg‘almas qism bo'lib, unda soplo yo'naltiruvchi p a rra k la r, taqsim lovchi drossel qurilm a, tezliklar regulyatori, podshipniklar, reduktor, moy nasosi va boshqalar joylashgan. Rotor bu — qo‘zg‘aluvchan qism b o iib , unda val disk bilan birga qo‘yilgan bo'lib ishchi parraklar esa unga o‘rnatilgan.. Aktiv turbinalarda hamma ishlatishi mumkin bo'lgan issiqlik soploda amalga oshadi, ya’ni soploda bosim oxirgi bosimgacha kamayadi, ishchi parraklarda esa o'zgarmaydi. Tezlik soploda ortadi, so‘ngra parraklarda sekin-asta kamayadi (65,a-rasm). Reaktiv turbinalarda esa ishlatish mumkin bo‘lgan issiqlikning bir qismi soploda, qolgan qismi esa ishchi parraklarda amalga oshiriladi (65,b-rasm). Aktiv turbinaning ishlash prinsipini ko‘rib chiqamiz. Bug‘ qozonida suvning qaynashi natijasida hosil bo‘lgan o ‘ta qizigan bug‘ bug‘ xarakatlanuvchi quvurlar yordamida bug‘ni taqsimlovchi drossel qurilma (drossel klapani)siga kelib tushadi. U yerdan bug‘ turbinaning asosiy elementi boMgan soploga kelib tushib, bu yerda bug‘ning bosimi kamayib tezligi ortadi (ya’ni issiqlik energiyasi kinetik energiyaga aylanadi). Shunday katta tezlik bilan bug‘ soplodan chiqib turbinaning valiga o‘rnatilgan ishchi parraklarga uriladi va natijada parraklar aylana boshlaydi, ya’ni harakat sodir bo‘ladi, kinetik energiya mexanik energiyaga aylanadi.
