22 dekabr 1995-ci il saat 14.10 Biz əvvəlki kimi ön mövqedə müdafiədə dayanmışıq. Tabor
komandiri olmadığından mən onu əvəz etməklə qərərgahın da işlərini öz
qaydasında aparıram. Hər gecə bir bölüyün dayaq məntəqəsin yoxlayır,
orada keşik çəkən əsgərlərlə söbətlər aparır, komandirlərə müəyyən
tapşırıqlar verir, səngərlərimizdə ayıq-sayıq keşik çəkmələrini tövsiyə
edirəm. Düşmən qarşısında sayıqlığı itirmək-ölümə bərabərdir. Düşmən-
düşməndir. Düşmənlə hərdən döyüşlərimiz olur. Bu yaxınlarda iki
əsgərimizi yaralayıblar. Biz isə ikiqat əvəz çıxmışıq. Ermənilərə
bildirmək istəyirik ki, bu torpaq bizimdir və geci-tezi sizi bu torpaqlardan
qovacağıq. Bu qədər, salamat qalın...
