A k ġ f k a m a L
Yüklə 10,02 Mb. Pdf görüntüsü
|
|
Kəlbəcər batalyonunun döyüĢçüləri-1992-ci il 305 GürĢad dastanı Dağlara yağan qalın qar yolları, cığırları, dərələri, çayların üstünü örtmüşdü. Dağların küləkdöyən yerlərinin qarını isə külək sovurub aparmışdı. Güneylərin bəzi yerlərində hətta qar ərimiş, novruzgülü çıxmışdı. Çalmalıya qalxan əsgərlər qarı sovrulmuş yerlərlə gedir, dərələrə dolmuş qar yığınlarından yan keçməyə çalışırdılar. Əsgərlər hər gün keşikçi yoldaşlarını əvəz etməyə gedəndə iki-üç yerdə qayaların külək döyməyən tərəfində dinclərini alır, yenidən hərəkətə başlayırdılar. Artıq Çalmalının zirvəsinə çatmağa az qalmışdı. Bütün gecəni Göyçədən əsən soyuq küləklə üzbəüz növbədə dayanmış əsgərlər səhərin alatoranlığında yoldaşlarının uzaqdan gəldiyini görüb, avtomatlarını götürüb yavaş-yavaş onların dayandığı qayalığa tərəf enməyə başladılar. Qəfil atılan güllələr onları yamacda haqladı. Özlərini itirərək qayalığa və təpələrin arxasına tərəf qaçan əsgərlər, ermənilərin Çalmalı dağının zirvəsindən onları atəşə tutduqlarını gördülər. Gecə ikən keşikçi mövqelərini mühasırıyə almış düşmən, üç tərəfdən atəş açaraq əsgərləri göz açmağa qoymurdu. Özlərinə mövqe tutan Məzahirlə, Gürşad düşməni atəşə tutaraq digər yoldaşlarının atəş altından çıxarmağa çalışırdılar. Ələsgərlə Məmməd də silahlarını işə saldılar. Güclü cavab atəşinə məruz qalan düşmən itki versə də geriyə çəkilmək istəmir, onları daha da güclü atəşə tuturdu. əsgərlərin çoxu düşmən atəşindən yayınmaq üçün geriyə- qayaları arxasına çəkilmişdi. Lakin açıqlıqda qalan Məzahirlə Şahin döyüşü davam etdirir, qorunmaq üçün yaxınlıqdakı qayalığa çəkilməyə imkan axtarırdılar. Onlara tərəf yaxınlaşan bir erməni isə Məzahirin sərrast atəşi ilə yerə sərildi. Cəld yerini dəyişmək istəyən Məzahir bir qədər geri çəkilsə də sağ tərəfdən Şahinə yaxınlaşan erməniləri görüb yerə uzandı və atəş açmaq istədi. Avtomatın darağında güllə qalmamışdı. Darağı dəyişmək istədi, dəyişməyə isə vaxt yox idi, yaxınlıqda gizlənmiş düşmən onu görmüşdü. Darağı dəyişə-dəyişə geriyə sürünmək istədi. Elə bu vaxt düşmən gülləsi onu haqladı... Qeyri-bərabər bir döyüş gedirdi. Gürşad Məzahirlə Şahini döyüş meydanından çıxarmaq üçün qarşıdakı yüksəkliyə qalxmaq istədi. Lakin düşmənin həmin təpədən qumbaraları dalbadal yağdırması əsgərlərin yuxarı qalxmasına imkan vermədi. Bütün yüksəklikləri ələ keçirən düşmən əsgərlərimizi döyüş meydanından xeyli uzaqlaşdırmağa nail oldu. Yellicə kəndindən köməyə gələn əsgər yoldaşları da heç nə edə bilmədilər. Düşmən Çalmalıdakı mövqelərimizi ələ keçirmiş və hər tərəfi atəş altında saxlayırdı. Tağımın itirilmiş mövqeləri geri qaytarmaq və heç 306 olmasa, Məzahirlə Şahini döyüş meydanından çıxarmaq cəhdləri baş tutmadı... Kəndə enəndə bildilər ki, Kəlbəcərin Söyüdlü, Ayrım, Dikyurd sərhəd məntəqələri işğal olunub, düşmən Qarabağ cəbhəsində də irəliləyərək Tuneli ələ keçirib. Murova qalxan yeganə yol düşmən ordusu tərəfindən bağlanmaq üzrədir... Yüklə 10,02 Mb. Dostları ilə paylaş:
|