A k ġ f k a m a L
Yüklə 10,02 Mb. Pdf görüntüsü
|
|
Yenidən düşmən arxasına
17 yanvar 1994-cü il tarixdə Yol evində əsgərlərin silah və sursatlarını yoxladıq və ərzaq götürüb hərəkətə başladıq. Dağları dolanaraq qarın üstü ilə erməni mövqelərindən gizli səkkiz saata Susuzluq dağına qalxdıq. Səhər açılanda dağın yüksəkliklərində sağ və sol tərəfimizdə qayalıqlarda erməni mövqelərini aşkar etdik. Düşmənin gözləmədiyi bir vaxtda onları atəşə tutduq. Bizim mövqelərimiz çox əlverişsiz idi. Bir bölük əsgərlə dar bir dərədə mövqe tutmağı komandir F.Alışov mənə tapşırdı. Mən bölüklə Susuzluq dağının Meydançay istiqamətindəki erməni mövqelərini atəş altında saxlamalı, öz yerimizi itirməməli idim. Əvvəlcə dağın yüksəkliyindəki qayalıqda yerləşən düşmən mövqelərini kəşfiyyat atəşinə tutdum və düşmən mövqelərini aşkar etdikdən sonra əsgərlərə irəliləmək əmri verdim. Dizdən yuxarı qarın içərisində, dərə və çökəkliklə dağ yamacında bir-biri qoruyaraq irəliləyirdik. Dərələrdə qar yığınları 2-3, bəzən 5 metrə çatırdı. Düşmən güllələri isə ora-bura çovuyurdu. Artıq düşmənin mövqe tutduğu qayalıqlara çatanda orada 8 düşmən əsgəriniun meyidi qalmış, qalanları isə qaçmışdı. Mən birinci tağımı oradan bir qədər də aşağı endirib kiçik qayalıqda mövqe yaratmaq istəyirdim. Birdən yaxınlıqdakı çox da böyük olmayan qayanın arxasında bir erməni zabitinin qabaqda gedən əsgəri nişan aldığını gördüm. Mən qışqırdım və eyni vaxtda düşmənə tərəf atəş açdım. Erməni zabiti yumalanıb qarlı çökəyə düşdü. Bir saat ərzində düşməni pərən-pərən saldıq və yüksəkliklərin bir neçəsini ələ keçirdik. Digər bölüklərimiz də sağ cinahdakı erməni mövqelərini darmadağın etdilər... Artıq 3 gün idi ki, qarlı zirvələrdə döyüşürdük. Üç gün dağın zirvəsindən Yanşaq kəndindəki erməni qüvvələrini atəşə tutduq. 1-ci taborun döyüşçüsü Tağıyev Məhədin iri çaplı pulemyotu (DŞK) düşmənə aman vermirdi. Pulemyotla kənddə düşmənin bütün hərəkətlərini dayandırdıq. Onlar hətta döyüş maşınından düşüb qaçdılar. Düşmənin Meydançay ətrafındakı qüvvələri ilə Yanşaq kəndindəki qüvvələrini bir- birindən ayırdıq. Düşmən ancaq gecələr hərəkət edir, bir-birləri ilə əlaqə yarada bilirdilər. Bu döyüşlər nəticəsində ermənilər hər gün xeyli canlı qüvvə və texnika itirir, getdikcə qüvvələri tükənirdi. Dağın zirvəsində çovğun və şaxtadan dayanmaq qeyri-mümkün idi. Bəzi əsgərlər qarı deşib özlərinə mağara düzəltmiş, orada külək və şaxtadan daldalanırdılar. Mən zarafatla onların mağarasına “Ayımağarası” deyirdim. Çörək və konservlər tamamilə buza dönmüş, bir |