22 yanvar 1994-cü il - 2-ci taborun 1-ci bölüyü (komandir:
leytenant Əmirov Şamil) qamışlı kəndi yaxınlığındakı yüksəkliyə
hücuma keçdi və düşmənin 20 əsgərini məhv etdi. Bölük heç bir
itki vermədi. Bu uğurlu əməliyyata görə leytenant Şamil Əmirov
və gizir Fərzalı Rəhimov “İgidliyə görə” medalı ilə təltif
olundular.
23 yanvar 1994-cü il- 3-cü tabor (komandir: baş leytenant
Alışov Fehruz, müavin kapitan Məmmədov Mürşüd, bölük
komandiri: baş leytenant Kamalov Akif) Çəpli kəndinə hücum
etdi. Döyüşdə düşmənin 3 tankı, iki avtomobili və 240 nəfər
əsgəri məhv edildi, 5 düşmən zabiti əsir götürüldü. 3 PDM, 6
avtomobil, tank əleyhinə idarə olunan raket qurğusu (PTURS), və
xeyli silah-sursat qənimət götürüldü, Ermənistandan Ağdərəyə
gedən mühüm avtomobil yolu ələ keçirildi və düşmən qüvvələri
parçalandı. Baş leytenant F.Alışov “İgidliyə görə” medalı ilə
təltif olundu.
