A k ġ f k a m a L
Yüklə 10,02 Mb. Pdf görüntüsü
|
|
320 “25-68”-ci yüksəklik Bir neçə gün əvvəl Murovdağ və Meydançaydakı uğurlu əməliyyatdan sonra tabor Şişqaya istiqamətində irəliləyirdi. Lakin düşmən bu dağı alınmaz qalaya çevrirmişdi. Çünki bu yüksəklikdə mövqe tutan düşmən Murovdağdan Yanşaq kəndinə enən yeganə yolu nəzarətdə saxlayır, döyüşçülərimizin irəliləməsinin qarşısını alırdı. Döyüşçülərimiz hər dəfə irəlilədikcə itkilər verərək geriyə-əvvəlki mövqelərinə çəkilirdilər. Şişqaya tanklar və toplarla parça-parça sökülsə də, düşmən bu əhəmiyyətli yüksəkliyi nəyin bahasına olursa-olsun əldən vermək istəmirdi. Bölük komandiri yaralandığı üçün İbad bölüyə komandir təyin edilmiş və ona “25-68”-ci yüksəkliyi götürmək tapşırığı verilmişdi. Ibad öz qoçaq döyüşçüləri ilə yüksəkliyin ətəyinə doğru irəliləyir, qayalıq və keçilməz yerlərdən əsgərləri keçirməklə düşmən gözündən yayınmağa çalışırdı. Bu gün onlar mütləq yüksəklikdən düşməni qovacaqlarına əmin idilər. Dağın ətəyinə yenicə çatmışdılar ki, düşmən güllələri od kimi onlara tərəf yağmağa başladı. İbad əvvəlcə güllələrin haradan atıldığını müəyyən edə bilmədi. Artıq əsgərlərdən bir neçəsi yaralanmışdı. Artıq, nəinki irəliləmək, hətta düşmən güllələrindən gizlənmək belə mümkün deyildi. Qayalıqlara çəkilən və geriyə sürünən əsgərlər güllələrə tuş gəlirdi. Vəziyyətin son dərəcə çətin olduğunu görən İbad rabitəçi ilə yamacdakı böyük qayanın arxasına çəkilərək, oradan komanda verirdi. Bir qədər yuxarıda qayaların yarıqlarında özlərinə möhkəm mövqe seçmiş düşmən əsgərləri döyüşçülərimizə başlarını qaldırmağa imkan vermirdi. Artıq axşam düşürdü. Hücumu davam etdirmək daha da çətinləşmişdi. Bölükdən 17 nəfər yaralanmışdı. Tabor komandiri hücumu dayandırmağı lazım bildi və orada mövqe tutmağı tapşırdı. Yaralıları Meydançay dərəsinə tərəf çıxardıqdan sonra, gecə həmin qayalıqda qaldılar. İbad fikirləşirdi ki, sabah “25-68”-i ala bilməsələr, bölüyün itkiləri çoxalacaq və nəinki bölük, hətta tabor döyüş qabiliyyətini itirəcək... * * * Səhər açılar-açılmaz, İbad artilleriyasız keçinə bilməyəcəklərini yəqin etdi və ratsiya ilə topçuları köməyə çağırmağı lazım bildi. Bu isə olduqca qorxulu idi-mərmilər onların öz üstünə düşə bilərdi. Çünki atılan mərmilər bölüyün gizləndiyi qayalıqdan on-on beş metr yuxarıya düşəcəkdi. İbad əsgərlərə tamamilə gizlənməyi əmr etdi və ratsiyada yuxarı komandanlığa bu barədə məlumat verdi. Onlar bildirdilər ki, topçulara özünüz kordinatları göstərin. İbad artilleriaçıları çağırmağa 321 başladı. Əlaqə yaranan kimi o, “25-68-ci kvadrat bölmə-1”-in vurulmasını xahiş etdi. Iki dəqiqədən sonra İbad və rabitəçinin gizləndiyi qaya bizimkilərin atdığı top mərmisi ilə vuruldu. Mərmi onların 20-30 metrliyində partlamışdı. Hər tərəfə səpələnən qəlpələr və daş qırıntıları bölük rabitəçisinin ayağını yaraladı və o, gizləndiyi qaya arxasında özünü saxlaya bilməyərək aşağı yumalandı. Döyüşçülər tez onu arxaya çəkib yarasını sarımağa başladılar. İbad topçulara bir qədər qayanın yuxarısını vurmaq lazım olduğunu bildirdi. Növbəti mərmilər düşmənin gizləndiyi qayaların zirvələrində partlamağa başladı. Mərmilər qayalara çırpılır, bəzən isə Şişqayanın başı üstündən aşaraq onun arxasında partlayırdı. Nəhayət, qayanın ən hündür zirvəsinə dəyən mərmilərdən biri qayanı parçaladı və qayadan qopan iki böyük daş parçası gurultu salaraq dərəyə yumalandı. İbad topçulara hədəfi dəqiq vurmaq üçün ratsiya ilə düzəliş verirdi. * * * Yarım saatlıq top atəşindən sonra İbad Elxanla düşmənin gizləndiyi yüksəkliyə-qayaların lap yaxınlığına qalxmağa başladı. Birdən yuxarı qayalıqdan onlara tərəf bir neçə əl qumbarası atıldı. Qumbaralar onların başının üstündən keçərək aşağıdakı dərədə partladı. Onlar düşmən mövqelərinə bir neçə metr də yaxınlaşaraq qayaların o biri üzünə qumbara atmağa başladılar. Düşmən də onlara qumbara atırdı. Lakin ermənilərin atdığı qumbaralar ya onların qarşısındakı qayaya dəyir, ya da başlarının üstündən keçərək aşağıda-yamacda partlayırdı; əsl qumbara döyüşü başlamışdı. Bir neçə dəqiqə davam edən qumbara döyüşü də bir nəticə vermədi. Artıq qumbaralar da qurtarmışdı. Hərədə bircə qumbara qalmışdı. Nisbi sakitçilikdən istifadə edən İbad Elxanla düşmənin gizləndiyi yüksəkliyə qalxmağa başladılar. Bölüyün digər döyüşçüləri onları izləyirdilər. Top mərmiləri qayanı iki yerə bölmüş, qaya haçalanmışdı. Onlar sakitcə qayanın haçasından düşmən tərəfə boylandılar. Lakin onlar gördüklərinə inana bilmirdilər. Qəribə bir mənzərə ilə qarşılaşdılar. Ermənilər yüksəklikdəki mövqelərini tərk edərək pərakəndə şəkildə qaçırdılar. Qayalığın arxasında düşmənin çoxlu sayda çadırı və qazma daldalanacağı var idi. Qayanın arxasına və çadırların ətrafına düşmən meyidləri səpələnmişdi. Ermənilər yaralılarını və meyidlərini qoyub qaçırdılar. Bölüyün döyüşçüləri İbadgilin yanına qalxmışdılar. Komandir əsgərlərə hücum əmri verdi. Qayaların arasına qalxaraq yeni mövqe tutan bölük, avtomat və pulemyotlarla qaçan düşmən əsgərlərini bir-bir yerə 322 sərirdi. Qobu və dərələrə xeyli düşmən meyidi səpələnmişdi. Düşmən çadırlarına tərəf irəliləyən əsgərlər çoxlu ərzaq, çadır, silah və sursat ələ keçirdilər. 300-dək yaralısını və meyidini qoyub qaçan düşmən artıq dağların arxasında görünməz olmuşdu. “25-68”-ci yüksəklik düşməndən təmizlənmişdi. |