Kurs ishi maqsad va vazifalari. Tadqiqotning maqsadi sifatida so‘z yasalishi sohasiga tegishli nazariy ma’lumotlarni keltirib o‘tish, shu asosda o‘zbek tilida so‘z yasalishi hodisasi, uning asos hamda turlari, so‘z turkumlaridan ot va va sifat yasalishi, ulardagi yasama so‘zlardan sintaktik(kompozitsiya) usul bilan bilan yasalgan so‘zlar salmog‘i yuzasidan ma’lum bir xulosalar chiqarish belgilab olindi. Shu bilan akademik litseylarda tegishli sohaga oid mavzularni o‘qitish masalalarini yoritishga ham e’tibor qaratildi.
Tadqiqotning bosh vazifasi ot va sifat yasalishini o‘rganish, o‘quvchilarga sintaktik usul bilan so‘z yasalishini o‘rgatish, shu mavzularga bog‘liq mashqlarni bajarish usullari, savol va topshiriqlarni qay yo‘sinda hal etish bo‘yicha tavsiyalar berishdan iborat bo‘ldi. Tadqiqotda quyidagi vazifalarni bajarish maqsad qilib olindi:
1. So‘z yasalishi hodisasi va uning asosiy turlari, ot va sifat yasalishi:
- O‘zbek tilida so‘z yasalishi, uning asoslari va turlari, kompozitsiya (sintaktik)usuli bilan so‘z yasalishi;
- Ot yasalishi haqida ma’lumot;
- Sifatlarning yasalishi.
2. Sintaktik usul bilan ot hamda sifat yasalishining o‘tilishi bo‘yicha metodik tavsiyalar:
- Ot va sifat yasalishiga doir mavzularning o‘tilishi haqida;
- Matn ustida ishlash bo‘yicha misollar(O‘.Hoshimovning “Dunyoning ishlari” asari parchalari asosida).
Kurs ishining ob’yekt va predmeti.Akademik litseyning II bosiqch o‘quvchilariga mo‘ljallangan darslikdagi so‘z yasalishi mavzusiga doir savol va topshiriqlar, mashqlarni qamrab olgan mavzular, 5-sinf “Adabiyot” darsligi(II qism)da berilgan “Dunyoning ishlari” (O‘tkir Hoshimov) qissasi (ma’lum parchalar ko‘rinishida ) matni.
Ilmiy yangiligi ma’lumki so’z yasalishini o’rganish aksariyat holatlarda turli manbalar obektlar asosida o’rganiladi. Biz bu ishda bir muallif asari misoli (O’.Hoshimov “Dunyoning ishlari”)da ko’rib chiqdik. Bu bir tomondan yozuvchi asari tilining o’ziga xosligini bildirsa ikkinchi tomondan bu grammatik hodisalarni aniqlash anchagina murakkabliklarni tug’diradi. Yozuvchi asarida qo’llangan sintektik va sintaktik usulida yasalgan ot va sifatlarni aniqlash asosi yangilik sanaladi.
