Academic Research in Educational Sciences issn

Academic Research in Educational Sciences ISSN: 2181-1385

Volume 3 | Issue 7 | 2022
Cite-Factor: 0,89 | SIS: 1,12 | SJIF: 5,7 | UIF: 6,1

TARIXIY YODGORLIKLARNI SAQLASH VA QAYTA TIKLASHDA 3D TEXNOLOGIYASI AHAMIYATI

Shahlo Maxsudovna Koshanova
Urganch davlat universiteti magistranti

ANNOTATSIYA

Ushbu maqolamizda tarixiy-madaniy obidalarning yo‟qolib borishiga sabab bo‟layotgan omillar va bu borada xalqaro miqiyosda qabul qilingan huquqiy hujjatlar tahlil qilinib, 3 D zamonaviy texnologiyasining tarixiy obidalarni qayta tiklash, hamda mamlakatimizda mazkur texnologiyadan foydalanishning imkoniyatlari o‟rganilgan.
Kalit so‟zlar: globallashuv jarayoni, tarixiy-madaniy yodgorliklar, antropogen ta‟sir, qurolli to‟qnashuvlar, tabiiy ofatlar, vandalizm, 3D texnologiyasi, rekonstruksiya, CyArk tashkiloti, Raqamli arxeologiya.

ABSTRACT

In this article, the factors that cause the disappearance of historical and cultural monuments and the legal documents accepted at the international level are analyzed, and the possibilities of using modern 3D technology for the restoration of historical monuments and the use of this technology in our country are studied.
Keywords: globalization process, historical and cultural monuments, anthropogenic impact, armed conflicts, natural disasters, vandalism, 3D technology, reconstruction, CyArk organization, Digital archeology.

KIRISH

Bugungi globallashuv jarayonida kishilik jamiyati oldida kechiktirib bo‟lmas vazifalar namoyon bo‟lmoqda. Antropogen va tabiiy ta‟sirlar natijasida insoniyat tamadduni jarayoni namunalari, ya‟ni, tarixiy-madaniy yodgorliklar yo‟qolish xavfiga duchor bo‟lmoqda. Bu esa dunyo mamlakatlari, har bir millat, xalq, fuqaro oldiga o‟z ajdodlari tarixini asrab-avaylashdek ma‟suliyatli vazifani yuklaydi.