Adiak imtahan suallarinin cavablari

Dinləmək bacarığı hər hansı ünsiyyətin əsasını təşkil edir. 
Opponentlər xüsusi səy göstərmədən bir-birini kifayət qədər başa 
düşdüyünə əmin olurlar. İşgüzar kommunikasiyanın uğuru təkcə 
məlumat ötürməkdən yox, həm də onu qəbul etmək bacarığından, 
yəni dinləməkdən asılıdır. Həmsöhbəti dinləyirik, dediklərinə maraq 
göstəririk və qarşı tərəfin hörmətini qazanırıq, bu da işgüzar ünsiyyətə 
təsir göstərməyə bilməz; dinləmək – qarşılıqlı anlaşmadır.

---

13. 
Münaqişə sosial fenomen kimi. 
Münaqişə işgüzar kommunikasiyada qarşılıqlı münasibətlərdə 
özünü göstərir. “Münaqişə fərdlərin və ya insan qruplarının 
şəxslərarası qarşılıqlı əlaqə və münasibətlərdə, ayrı-ayrı fərdin 
şüurunda əks-istiqamətlənmiş və bir-biri ilə araya sığmayan 
tendensiyaların toqquşmasıdır”. 
Əslində, həyat sonsuz sayda münaqişələr və onların həlli prosesidir, 
buna görə də münaqişələrin yaranması zamanı davranış üsulları 
haqqında müəyyən təsəvvürə malik olmaq lazımdır.
Münaqişələr konstruktiv və destruktivdir, həll üsullarına görə bir-
birindən fərqlənirlər. Konstruktiv münaqişələrdə prinsipial tələblər 
ünsiyyət prosesində üzvlərin fikir ayrılığıdır. Destruktiv münaqişələr 
neqativ, dağıdıcı hərəkətlərə gətirib çıxarır, işgüzar ünsiyyətin 
effektivliyini kəskin şəkildə azaldır. 
Münaqişə vəziyyətində davranış üçün ən tipik olan tərəflər arasında 
rəqabət üsuludur. Bu üsul münaqişədə baş verən bütün hallarda 
maraqların təmini məqsədini güdür. 
Əməkdaşlıq bütün üsulların ən çətinidir, lakin bununla belə, 
münaqişə vəziyyətinin həlli zamanı o daha effektlidir; Üstünlüyü 
ondan ibarətdir ki, hər iki tərəf üçün ən əlverişli qərar tapılır və 
rəqiblərlə tərəfdaşlıq edilir. 
Kompromis üsul tərəflərin qarşılıqlı güzəştlərə gedərək fikir 
ayrılığını aradan qaldırmağa çalışmasıdır. Bu yönüm də əməkdaşlıq 
üsuluna oxşardır, lakin bir qədər səthi səviyyədə həyata keçirilir.